السلام عليكم ورحمة الله وبركاته
قواكم الله اخون المحللين الكرام واسأل الله ان يثيبكم
بغيت اشوف رايكم في الأيجارة مره اخرى بالنسبة لي انا مضارب وماخذ السهم 21.90و ومحتاج شوي اذا فيه امل بيطلع هاليومين او لا خصوصا ان فيه حركه يوم الخميس طيبه
ابي رايكم وجزاكم الله خير
اخبرك كنت فاتح موضوع الاجاره يااصحاب الشطاره اخاف بس انتهت مدته
اخوي بوسالم المحللين راحو والمساهمين ضاعوا وكل يوم ينقص محلل والله يكون في العون
الظاهر يابوسالم محد بيتم في المنتدى الا انا وانت ان الله اعطانا وياك عمر ان شاء الله
لكن لاتحاتي مع اول صعود بتشوف المنتدى مالك محط ريل من المحللين
وتراني مثلك محتار في الاجاره وماني بعارف شاسوي لكن لاتحاتي الاجاره سهم ذهبي واستثماري وان شاء الله بتشوف الارباح اشكثر خصوصا بعد تعاقدها مع شركه الاسمنت
الاجاره اخذت نصيبها من الارتفاع كانت 14 ريال ومن ثم 17 ومن ثم 20 والان 22 اعتقد انه بتثبت في هذا السعر وكل شي قسمه ونصيب وارزاق والي مكتوب بتحصله اخوي محمد سالم لكن لو صبرت الى شهر 12 ان شاء الله خير يكون سعرها جيد والله اعلم
بو عبدالله .. و محمد سالم ..اخواني ..
التمسوا لاخوانكم عذر .. وقت رمضان ما يسمح بالتواجد مثل قبل
مو بس للمحللين ولكن حتى لكل الاعضاء فالتواجد قليل
وخصوصا ان رمضان لا زال في بدايته وما تعودنا على جوه ..
والكريم من عذر ...
والرسائل على الخاص لمن عنده مسأله مهمه ممكن تكون افيد في هذا الوقت.
اما بخصوص الاجارة فعندها دعم قوي عند 21.6 ثم 21.2 ولا اتوقع للثاني ان يكسر قريبا
واعتبرها فرصة للدخول مرة اخرى بعد ان تدرس مؤشرات السهم ...
تأكيد الاغلاق فوق 22.1 يحولها الى دعم ويؤهل السهم لمزيد من الارتفاعات ان شاء الله.
ضوابط المشاركة
رد مع اقتباس
