أولا" :
هــلا والله بالجميع وبالذاااااات سعادة الوزير
يصير البنك يشتري أرض ويبنيها عمارة وإلا لازم يشتـرط وجــود الأرض ؟
ثانيا" :
إشرايكم بفكرة شراء باص أو بيك أب بغرض تأجيرة ليكون دخل ثاني غير الراتب ؟
وما هي الشركات التي تقوم بالتأجير وعلى كم في الشهر ؟
وهل يشترط وجود السائق مع السيارة ؟
عسـولـة1
اختي الفاضلة .. انا اعرف واحد من الشباب اشترى ارض عن طريق بنك قطر الدولي الإسلامي .. وعلى طول .. بناها عن طريج البنك .. لا واثثها بعد عن طريق البنك ... بس هذا كان حق فيلا شخصية.. مادري ايش رايح يصير معاج عشان العمارة ... الله يوفقج انشالله .... وعقبال ما تبنين برج انشالله.. بس ماوصيج .. ترى الطابق الأخير بالبرج بيكون ليالمشاركة الأصلية كتبت بواسطة عسولة1
مصائبُ قومٌ عند قومٍ فوائدُ
السلام عليكم ورحمه الله وبركاته
ما شاءالله فيه تجاوب كبير بين الجميع وان شاء الله دوم هالتعاون
طيب ياشباب اصحاب الخبره يفيدونا لو سمحتو انا ودي اشتريلي قطعه ارض تجاريه بالوكره 600 متر اقل شي واخلي البنك يبنيلي عماره كبيره شرايكم انتو ؟؟
وانتو التجاوب من الجميع وشكرا اختي عسوله لطرحج الموضوع الحلو والمفيد
اخوكم العزيز
تحية وشكر للجميع ،،،
بصراحة انا إنسانة طموحة بلا حدود والفكرة حلوة ويكون لها مدخول ممتاز
لكن 0000
ابي أعرف شروط البنك
ما أظن كل واحد يبي يبني عمارة على طول البنك بيوافق !!!
أنا بصراحة ما عندي أرض فابغي البنك يشتري الأرض ويبنيها
يا جماعة000
شراااااااااااااااااااااااااااااااااااااااايكم
عسولة1
انتوا الله يهديكم سويتوني خبير في هالامور
qatar_moon : راجع للبنك نفسه .. البنك مايهمه الا انه يرجع استثماره مع الربح .. وهو ونظرته في المشروع .. طبعا راح يدرسة (في حالتي انا ماطولت دراستهم .. تقريبا اقل من شهر .. يمكن لان ارضي كانت تجارية) .
صفقة : نفس الشي .. راجع للبنك نفسه.
عسولة : طبعا الاستثمار العقاري افضل بمليون مرة .. وسالفة ان البنك يشتري الارض فهذا موضوع آخر .. لا اعتقد ان البنك بيشتري لج الارض ويبنيها ويأجرها بضمان نجاح المشروع ككل .. لان التكلفة بتكون كبيرة جدا ومخاطرها اكبر على البنك .. لكن ممكن انج تشترين ارض عن طريق البنك وتسددين اقساطها بشكل عادي .. ومن ثم تتجهين لمسار تمويل استثمار الارض .. لكن تبقى هناك نقطة اخرى .. هل الارض بتكون مملوكة لج بشكل كامل ام مرهونة للبنك؟ .. اذا كانت مرهونة فبتكون هناك مشكلة .. لان التمويل يتطلب رهن العقار اصلا .. الامور ابتدت تتشعب شوي
اتمنى لج التوفيق ولباقي الاخوان ان شاء الله
بالنسبة للبنك وشروطه يا عسوله1 ,, فان البنك مش مني والطريق يوافق حق أي واحد يبغي يشتري له أرض ويبني عليها عمارة الا بعد دراسة الشخص اللي يبغي هذا المشروع دراسة كاملة,, فلو وافق البنك على اعطاء الغرض لأي شخص مني والطريق,, فأعتقد بأن كل الناس بتشوفينهم صافين طوابير في البنك
ولكن قد يوافق البنك على هذا الخطوة لناس معينين فقط,, من هم هؤلاء الناس
طبعا يجب اولا أن يكون المركز المالي للشخص الطالب للغرض قويا بحيث يضمن البنك به حصوله على أمواله في حالة تعثر المشروع,, فمثلا واحد عنده أملاك تساوي الملايين وواحد ما عنده غير راتبه البسيط,, فالأول ممكن البنك يعطيه تسهيلات أكبر بكثير بضمان هذه الأملاك,, اما الشخص العادي واللي ماعنده غير راتبه اللي على قد حاله,, فأكيد البنك ماراح يوافق له على طلبه,, ولكن لو كان هذا الشخص العادي عنده قطعة أرض في موقع حيوي,, فهنا ممكن البنك يعطيه تسهيلات أكبر بضمان قطعة الأرض أو العقار,,
والله الموفق
مشكور اخوي سعادة الوزير على التوضيح
تحية للجميع ،،،
طيب لو شريت الأرض وصارت الأرض بأسمي
ما هي إجراءات البنك بعد ذلك ؟؟
لازم يكون راتبي على بنك قطر الدولي ولا ما يشترط ذلك ؟؟
وبعدين أنا ما عندي غير راتبي وبتكون الأرض بأسمي
هل يرهن البنك الأرض حتى يضمن حقه ؟؟
أرجوا التوضيح ممن لديهم معرفة
وش ردك يا سهم عتيج!!!!!
عسولة1
يا اخت عسولة .. صدقيني اسألتج هاذي كلها محد يقدر يجاوبج عليها بشكل صحيح وكامل الا البنك .. لان هم يدرسون كل حالة على حده .. وكل حالة لها اجراءات مختلفة .. يعني انصحج تروحين البنك وتشوفين القسم الخاص بالتمويل الاستثماري وتطرحين عليهم كل الاستفسارات .. طبعا يفضل انج تكتبين على ورقة كل استفساراتج عشان ماتنسين شي اذا رحتي هناك وكذلك تكتبين الاجابة تحت كل استفسار لما تكونين عندهم .. اتمنى لج وللجميع التوفيق.
على فكرة .. انا ان شاء الله هالاسبوع باناقش مع البنك تمويل عمارة نفس الي سويتها حق وحده من الاهل .. وباعطيكم ان شاء الله الي حصل معاي.
تحية ،،،
انا في انتظار معلومات منك يا سعادة الوزير
وياليت تطرح الاسئلة الي طرحتها انا على البنك وتعطيني جواب
والله يعطيك العافية
عسولة1
ضوابط المشاركة
رد مع اقتباس