القباقب بالباشمل للي طلبوها ......................؟؟
السلام عليكم ورحمة الله وبركاتة
حبيت اقدم لكم الطبخة هني في موضوع لحالها
بناء على طلبكم بارك الله فيكم
وأن شاء الله أكون عند حسن ضنكم وأقدم لكم كل لذيذ
واليوم بقدم لكم مقادير وعمل القباقب بالباشامل
وخثرة القباقب
نبتدى بالقبابقب .....وكلنا نعرفها
ننظف القباقب ونفصل أرجولها عن جسدها
ونفصل الجسد عن الضهر اللي هو الصدفة اللي فوق وندارى في نزعها علشان ماتتكسر
وسار القبقب نصين نص صدفة فاضية ونص اللحم مه باقي الجسم
نجيب الصدف ونحطة في ماى حار ونغلية ونضيف له
دارسين
فلفل أسود
هيل ...شوى مسمار
ورق غار...أو نعناع
علشان تنظف ويفك عنها ريح الزفر لمدة ربع ساعه بهالشكل
والحين بنسوى الخثرة بالقباقب
ومقاديرها ...................
ناخذ قدر ثاني ونحمس فية
بصل مفروم
فصين ثوم مدقوقة
مسمار
فلفل رومي
طماط
فلفل حار حسب الرغبة
كزبر ونعناع
وبهارات مطحونة
لومي أسود
عيدان دارسين
زنجبيل مطحون
ونحمس الخلطة لين تتحمر
بهالشكل
وبعدها نضيف القباقب للحمسة ونقلبها ونضيف الماى لين يغطي القباقب ونخليها على النار لمدة نص ساعه
وهذا شكلها النهائي
نرجع لحشوة الباشمل
كيلو ربيان مفروم ناعم
بصلة مفرومة ناعم
حبة طمام وحدة مفرومة
كزبرة مفرومة
فصين ثوم مدقوقة
رشة دارسين
رشة زنجبيل مطحون
رشة مسمار
بازلا خضراء
جزر مبشور
مايونيز
بيضتين
الطريقة .............
نحمس البصل مع ملقتين زبدة
ونضيف لة الربيان ونقلب جيدا
وبالتدريج نضيف لة باقي المقادير مع التقليب المستمر ونترك المايونيز بعد مايخلص الحشو
ونتركها على النار لمزدة عشر دقايق لان الربيان يستوى بسرعه
وبعد ماتبرد نضيف لها الميونيز تقريبا كوبين مايونيز
ونقلب الخلطة جيدا
ونبتدى نحشي أصداف القبقب بهالشكل
ونرتبها في صينية الفرن ونرشها بجبنة البيتزاء منفوق
وندخلها للفرن لين تتحمر تقريبا 10 دقايق
ونطلعها وتكون بهالشكل
وخلصنا من القباقب بالباشمل
|
المشاركة الأصلية كتبت بواسطة ولد الشمال
