اسئله بخصوص التقدم للحصول على أرض من الدوله

[الداعي]

السلام عليكم

اخواني ارجو اني القى الاجابه عندكم لاني وايد سألت ومالقيت الاجابه، الحين اذا الواحد سنير ستف ويبي يتقدم للحصول على ارض من الدوله:

1- وين يقدم؟
2- شنو المستندات المطلوبه؟
3- من من الوقت ياخذ الطلب لما تنصرف لك الارض؟
4- هل هذا الشي للجنسين ام للذكور فقط؟
5- لازم يكون اللي يقدم متزوج ولا عادي لو كان اعزب؟

ومشكورين

اخوكم الداعي

[سلامي للكل]

وعليكم السلام ورحمة الله وبركاته

اخوي بجاوبك على الاسئلة اللي اعرفها

التقديم للذكور فقط

اذا كان المتقدم اعزب يجب ان يكون من كبار الموظفين

واما اذا كان من صغار الموظفين يجب ان يكون متزوج

وان شاء الاخوان يفيدونك في الاسئلة الباقية

وفاااااااااااااااااالك طيب

[الداعي]

مشكور اخوي، انا اعزب ومن كبار الموظفين.. يعني الحمدلله تمام :-) باقي ان شاءالله الاسئله الثانيه يجاوبون عليها اخواني الاعضاء

[روح الاطلس]

القانون الجديد الأعزب لا يستحق الأرض إلا إذا كان يعيل أسرته وماعندهم بيت

[الداعي]

يعني راحت علينا انزين بعد مب مشكله بنتظر الاجوبه على باقي الاسئله

ويعني مافي امل حتى بواسطه ان نقدم؟ انا اعزب لكن ما اعيل اسره.. اعيل نفسي.. وابي اتقدم للارض من الحين علشان ان شاءالله اذا الله كتبلي نصيب وتزوجت ماقعد انطر سنين لما تطلعلي الارض

[روح الاطلس]

إذا عندك واسطة دلني عليها أنا مثل حالتك بالضبط

[سلامي للكل]

القانون الجديد الأعزب لا يستحق الأرض إلا إذا كان يعيل أسرته وماعندهم بيت

اخوي الداعي ما راحت عليك ولا شي انت اعزب ومن كبار الموظفين يعني القانون يسمح لك

اما كلام اخوي روح الاطلس يقصد ان القانون فيه استثناء للاعزب الذي يعيل اسرته( والده و والدته وخواته ...الخ)

[روح الاطلس]

اخوي الداعي ما راحت عليك ولا شي انت اعزب ومن كبار الموظفين يعني القانون يسمح لك

اما كلام اخوي روح الاطلس يقصد ان القانون فيه استثناء للاعزب الذي يعيل اسرته( والده و والدته وخواته ...الخ)

أخوي أنا مقدم من 2006 وراجعتهم شهر 9 قالوا لازم تكون متزوج ومعاملتك واقفة لأنك

أعزب هذا كلام الموظف بالحرف يعني بالعربي الأعزب ماله أرض حتى يتزوج

[الداعي]

اخوي الداعي ما راحت عليك ولا شي انت اعزب ومن كبار الموظفين يعني القانون يسمح لك

اما كلام اخوي روح الاطلس يقصد ان القانون فيه استثناء للاعزب الذي يعيل اسرته( والده و والدته وخواته ...الخ)

الله يبشرك بالخير ويكثر من امثالك، ان شاءالله بنتظر الاجابات من باقي الاخوان بخصوص كيفية التقديم ووين انقدم والامور الثانيه

[الداعي]

أخوي أنا مقدم من 2006 وراجعتهم شهر 9 قالوا لازم تكون متزوج ومعاملتك واقفة لأنك

أعزب هذا كلام الموظف بالحرف يعني بالعربي الأعزب ماله أرض حتى يتزوج

اخوي انت وين امقدم؟