اشتقت لي ولا بك أشواق ما جـــات
وينك "........."؟ يا أعذب الشوق سيّر!
تجتاحني ويلاه أنا منك حاجات!
لاني براضيها ..ولاني مخــــيّر!
في داخلي بحر"من الشوق ما مات
لا والذي جابك لقلبي مسيّـــــــر!
في خافقي مخنوق نبضي بكلمات
مابين كتمانه ...وضــوحه محـــيّر!
ودي معك لحظات ..والعمر لحظات
تمضي مثل حلم ..بليلي قصـــيّر!
ارعى هواه بداخلي طول الاوقات
مثل ولدي أرعاه ..دامه صغــيّر!
تتغير الأحـــوال مره وساعات
إلا خفوق" يعشقك ما تغــــيّر!
ما همني لوم وظنون وملامات
لا طعت أنا نـــوير وشلة سويّر!
تسري لك اشواقي على ضوح نجمات
لظهور هجن الشـــوق ..والشوق سيّر!