المشاركة الأصلية كتبت بواسطة السني 73
لاحول ولا قوة إلا بالله العلي العظيم .
صج الناس اصناف وأذواق والواحد .... وكلن له ذوقه وكلن يشتري الي يرتاحله إلا القطري المسكين ..... إذا جاك بيسأل عن موتر معين طاحو فيه العالم يارجال خذلك كروزر شيك في المخبه لاخرابات ولا شي اوكي الرجال الحين هو يسأل عن موتر معين تحصلهم يطبلون للكروزر ..... والله يعينك إذا خذتلك فورويل غير الكروزر ...... شماخذ الله يهديك الموتر فيه وفيه وغيرة وكان عند واحد من ربعي واخترب وصار فيه كذيه وكذيه ..... يالربع انا اعرف واحد من الربع امريكي مسلم .... تعرفون شيقولي يقولي الناس ثلاث اصناف الصنف الاول الي ياخذ الشي الي يعجبه ويعجب اهله ويخدمه ويخدم اهله بعد وقت الشراء وعند الأستخدام وفي اعتباري ان المفروض ان التفكير الجيد لابد انه يفكر بالتفكير ذيه .
اما الصنف الثاني ياخذ الشي الي يعجبه هو حتى لو كانت هاذي السيارة ماتخدم متطلباته ولا متطلبات اهله بس لأن السيارة هي عاجبته هو ومب شرط تعجب غيره لكن بيشتريها على اساس يشبع رغبته ومثال على ذلك يعني رجال عايلته من اربع اشخاص ياخذله بورش لشخصين بس ؟؟؟
الصنف الثالث وقالي الرجال الأمريكي هاذي انتو ياهل قطر تشترون السيارة مب لأن السيارة تخدم متطلبات الشخص ومريحه له او لأهله او لأن السيارة عاجبته هو ....... لااااااااااااا لأن السيارة اكثر هل قطر يحبونها وهي بالنسبه لهم رزة وكشخه فعلشان جذيه هو بياخذها يعني إذا وقف في المجلس يقولون له ماشاء الله شالموتر الحلو وبكم طلع عليك وووووو !!!!! وتحصله هو في ذات نفسه يمكن مب مقتنع في السيارة بس اهي اهم شي غيري يشوفها انها كشخه خلاص انا ماعندي مشكله يعني هو ثقيل مثل الدنكر هو يلوع الكبد في الخطوط هو سفايفه كشرة هو وعر هو وكيله تعبان ولا يسوى ريال مب مشكله بس اهم شي السيارة عاجبه الربع وغير الربع..
أعطيكم مثال يالربع أنا بعد 15 سنه معاناة مع الكروزر موديل 83-90-91-95-99 .... رحت الكويت وشفت اليوكن بالهبل عندهم وكأني اول مرة اشوفها هالسيارة ليش لأن شي اسمه كروزر عامي قلوبنه ومايخلينا نلتفت حق اي سيارة ثانيه .... ركبت فيه عجبني من داخل وعجبتني ريافته ووسعه رجعت الدوحة ماردني إلا اني خذتلي واحد يالربع مواصفات افضل من الكروزر سهوله في السواقه وراحة ولا صرفية بترول وهو موديل 2005 وإلى الحين مابدلت سفايف ..... الحمدلله ماخليت مكان إلا ورحتله من سفر وبر وعديد وسيلين ..... والموتر الحين له ثلاث سنوات للحين مامليت منه ..... لكن للأسف من خذت الموتر من بين مُعارض وهم الأكثر ومُؤيد وهم نسبتهم قليله طاحو فيني طيحه امريكي وحرارة ( مع اني بعت الكروزر 99 وحرارته كانت ترتفع ومب طبيعيه) ويقولون لي قرقعه .... اوكي يالربع كلن حر في الي بياخذه انتو شعليكم انتو شلكم خص ...... لكن ابشركم والله العظيم يوم شافو الموتر وايد من الربع والأخوان وساقوه وعرفو قيمته الي كانت بسعر الأفالون وايد منهم من كنسل الكروزر وتوجه لليوكن يمكن 7-8 من الربع .
وفي الأخير يالربع انا ماقول ان الكروزر مب زين بالعكس يمكن هو افضل موتر للبر لكن الي ودي فيه ان احنا ياهل قطر لازم نتخلص من شي اسمه التبعيه في الشخصيه ..... وانخلي عنا شي اسمه انتقاد هدام ولا في محله واساس هالأنتقاد ان هالشخص طلع من الخط الي احنا نمشي فيه..... والسموحه لكم يالربع .