السلام عليكم ورحمة الله وبركاته
بسم الله والحمدلله
والصلاة على رسول
كيف اتوفر على نفسك هذا المبلغ الكبير السالفة سهلة وما يبيلها شي
والطريقة هذي للي يفكر يشتري بيت جااااهز
يعني واحد عندة كاش في يدة او حصل على تمويل محترم
2 او 3او 4 مليون وقال بشتري بيت العمر
ما يدري المسكين أن اكثر البيوت الجاهزة بناء تجاري
لدرجة ان صاحب البيت الجديد يقول للأستشاري سولي مخطط
تجاري يعني كل شي نااااقص بالعربي قلل كمية الأسمنت والحديد
لا تخسرني هذا البيت للبيع مش لي
على فكرة تصير لأن فية ناس ما تخاف الله
الحين شوفو التوفير بعينة بالحسبة والأمثلة
الفيلا 450 م في الخريطيات هذي الأيام على 1.850 الى 2 مليون ريال
الفيلا 900م في الخريطيات على 3.6 الى 4 مليون ريال
الفيلا 450 م في ابو هامور على 2.5 مليون
طريقة التوفير بدال ما اشتري فيلا ما عرف كيف الشغل فيها
ومن الي بناها وكيف الأساسات
وأكثر الناس تنخدع من المظهر الخارجي من حجر او طابوق
او من التشطيب الداخلي من حمامات وارضيات ودرابزين الخ
اشتري ارض في الخريطيات450 م * الفوت 180 =870000 قيمة الأرض
اسوي فيلا مرتبة مع التشطيب قول ب800000 الف
تطلعلي الفيلا 450م ب 1670000مبلغ التوفير 330000
اشتري ارض 900م * 180 =1745000
فيلا راقية شوي ب 1200000 الناتج2945000
التوفير مليون1000000 ريال
وهكذا
اتمنى المعلومة اوصلت