صاروخ Stock ارض ارض..!!

[ســهم عايـــم]

السلام عليكم ورحمة الله وبركاته

اخواني الاعزاء
هناك برنامج قيد التصميم في الوقت الحالي, وبمشيئة الرحمن بقدمه لكم اول ما اخلص منه,
البرنامج عبارة عن حاسبة اسهم متخصصة لاستخدام (المحترفين) في تعاملات الاوراق المالية فقط...
مع احترامي للجميع طبعا.
فكرة هذا البرنامج تقوم على اساس انشاء محفظة اسهم متكاملة لعده اشخاص( مثلا افراد العائلة)
و هي توزع الحصص بنسب منطقية جدا يعني كل واحد وكم اللي دفعه...

وبصراحه اكثر قاعد احاول اخليها سهله الاستخدام من قبل المبتدئين ولكن للحين ماطلعت بنتيجة..
وشي ثاني بعد, تصميم هذا البرنامج يختلف نوعا ما عن المألوف لانه ممكن يساعد المستثمرين
على الاطلاع على اداء المحفظة بشكل مريح جدا وعملي .
ومن مميزاته انه يسمح لك بالاحتفاظ ببعض الاسهم بدون ماتحتاج انك تبيعها كلها علشان تعرف ربحك او خسارتك.
يعني يعطيك صورة كاملة عن المحفظة وبشكل عام بدون ما يظهر اثر كل عملية بروحها.
وايضا يبين لك رصيدك من الاسهم من كل شركه حتى لو بعت وشريت فيها الف مرة
ويبين لك كم ربحت من كل شركه علشان يساعد في اتخاذ قرارات الشراء ويبين لك السهم الذهبي اللي يشكل اكبر نسبة ارباح..
في شي نسيت اقوله... انا مسويه على اساس كل شركه لها قيد محاسبي خاص فيها ومبدئيا صممت 8 صفحات لثمان شركات مربوطه ربط متكامل ولها ملخص مفيد
وبسيط ويمكن قرائته بسهوله, واللي يستثمر باكثر من ثمانية يقول لي علشان ازيد لكم عدد الصفحات لاني بصراحه بقفل البرنامج وما راح اخلي الا بعض الخلايا مفتوحه

طبعا بتوصلكم نسخه من البرنامج ان شاء الله قريبا..
وبصراحه ادور على اي شخص في هالمنتدى يكون عارف بالحسابات المتعلقة بالاسهم لاني ما ابغي اكون عبقرينو ولازم اخذ برأيكم واكيد انكم راح تضيفوون لي معلومات غايبة عني. واللي يشوف نفسه متمكن ويقدر يضيف شي مفيد رجاءً يرد على هذه المشاركه.
اعتذر للاطاله وتحياتي للجميع...

طبعا انا جديد في المنتدى وللحين ماعندي توقيع

اخوكم بوبدر

[الين الياباني]

عليكم السلام ورحمة الله وبركاته

مرحبا فيك اخوي بو بدر في منتداك ..والله يوفقك في البرنامج

عندي سؤال خوي اي برنامج تستخدمه لعمل البرنامج ....هل هو microsoft excel

[ســهم عايـــم]

شاكر لك اخوي والله يوفق الجميع .

نعم انا مستخدم Microsoft Excel

[concord]

هلا بو بدر
مشكور واايد وحنا بانتظار البرنامج
شكله حلو
المهم انت قول شاللي تبيه انجيبه لك وانشالله الاخوان مب مقصرين
اللي بنقدر عليه بنسويه
والمثل يقول
يد وحدة ما تصفق

[الين الياباني]

انا عندي برنامج على excel ويحسب كل شي بحاول ارسله لك اذا كان جاهز ..وان شاء الله تستفيد منه واهو برنامج جاهز للحساب عند الشراء وعند البيع ويحسب لك كم تاخذ شركات الوساطه ويطلع لك اجمالي المبلغ اللي شريت فيه بعد ما يضيف عليه نسبة شركات الوساطه وايضا اذا بعت يطلع لك اجمالي المبلغ من بعد ما يخصم نسبة الشركه مالت الوساطه ....والصراحه برنامج جميل ...يمكن يفيدك ويمكن تعرفه عدل بعد ما تستخدمه بس بحاول الاقيه ...

[ســهم عايـــم]

السلام عليكم ورحمة الله وبركاته
اخواني واخواتي:
كل عام وانتم بخير ومبرووك عليكم الشهر الفضيل
وأسأل الله ان يتقبل صيامكم وقيامكم , وان يبلغكم الله صيامه ازمان مديده بإذنه تعالى.
اعتذر عن التاخير في طرح البرنامج المعلن عنه, والتأخير حصل نتيجه لتعديل بعض المعادلات الضرورية
التي طرأت عند تجربة البرنامج.
مازلت عند وعدي لكم وان شاء الله ما اكون بالغت في وصفه كصاروووخ
والسلام ختام.