خذيت وكالة لمنتج جديد في الاتصالات - من المسؤول ؟

[كلاسيك للبيع]

السلام عليكم ورحمة الله وبركاته


عندي وكالة جديده في الدعاية بواسطة جهاز جديد يخص الاتصالات ذات البث المحدود غير المتداخل مع اي اشارة ... وصلت المعلومه ؟


المهم .... انا عندي شركة دعاية واعلان .... وبودي اغير الاسم الى اسم جديد يخص المنتج ؟... حلو؟ .... وهل الدعاية والاعلان تخص منتج يتبع الاتصالات .

هذا السؤال الاول...



السؤال الثاني... آنا سمعت ان وجود جهاز من هالنوع يبيله موافقه من جهة معينه .. مادري كيوتل او احدى الهيئات الحكومية ... صراحة ماعندي فكره... وين اروح يالربع؟

زين حد يعرف واحد خبير في تخليص هالامور , مندوب يعني ؟


وجزاكم الله خير

[Chambray]

تروح المجلس الأعلى للأتصالات وتكنولوجيا المعلومات وتاخذ منهم كل المعلومات الي تبيها ، لانها احين هي الي مسيطرة على سوق الاتصالات وكل ما يتعلق فيه وهي الي تعطي التراخيص



http://www.ict.gov.qa

ولك خالص تحياتي وموفق ان شاء الله


اهم شئ تسويلنا اعلان ببلاش <<< مافي شئ ببلاش هالأيام شفيك انت هههههههههههه

[كلاسيك للبيع]

فديت خشمك يالشيخ


ماقصرت وربي يوفقك دنيا وآخره.

[Chambray]

تسلم على الدعوه الحلوه ..

ويوفقك انت بعد وان شاء الله توصل إلى القمة ..

[hich]

مادري شقول لك ياكلاسيك يعني رجال راكضت وخذيت وكالة وموب عارف وين تروح؟؟؟؟؟؟؟؟؟؟؟؟؟

[كلاسيك للبيع]

مادري شقول لك ياكلاسيك يعني رجال راكضت وخذيت وكالة وموب عارف وين تروح؟؟؟؟؟؟؟؟؟؟؟؟؟

السؤال مب عيب يالغالي.... العيب انك ماتحترم صاحب السؤال

فيه مثل صيني حلو...
((اسأل سؤالاً تكن احمق لمدة ثلاث دقائق ..
وإن لم تسأل السؤال تبقى أحمق طول العمر )) .


والتجارة مب شرط ربح... واللي يخسر مب معناته غبي.... الغباء ان الواحد مايتعلم من أخطاءة . واحنا نتعلم .... والعلم ماجيك وانت ساكت. لازم تسأل عشان توصل.

[كلاسيك للبيع]

تسلم على الدعوه الحلوه ..

ويوفقك انت بعد وان شاء الله توصل إلى القمة ..

جزاك الله خير اخوي.... وربي يوفقك ويفتح عليك

[wassem3050]

جزاك الله خير اخوي.... وربي يوفقك ويفتح عليك

السلام عليكم

يا ريت يا أخ كلاسيك ترسل لي رقمك على الخاص

[كلاسيك للبيع]

السلام عليكم

يا ريت يا أخ كلاسيك ترسل لي رقمك على الخاص

تم الارسال

[hich]

بعد موب مقتنع انا ماقول انا سؤالك عيب
لكن عادة الوكالات الاجنبيه تحتاج الى مراسلات وتصديق من جهات معينه بما فيها جهة الاختصاص في حالتك المجلس الاعلى

الا اذا كان انت للحين ما خذيتها رسميا(يعني خذيت الضوء الاخضر من الشركة بس ما مضيتو عقود الوكالة)

لانه الطريقه عادة تكون بعد المناقشات والمفوضات والاتفاق يتم عمل عقد ويصدق من قبل التسجيل والتوثيق في وزارة العدل عند أحمد المراغي

ومن ثم سفارة البلد المحدده وهذ لالزام الشركة الاجنبيه

وهذا للعلم وعموم الفائده والله يوفقك وطول بالك البزنس يبي له طولة بال