اخ كريم لي بعث لي بمسج اليوم فيه ابيات قافيتها راقتني كثيرا ً
رددت عليه بهذه الابيات :
يالله يا معبود يا مجري السيل
. . . . . . . . . تبري خفوقن من عنا ألفين علـّـه
لا فادنا (تشارت) ولا فاد تحليل
. . . . . . . . . . و (فادي) على المليون مثله يـزلـّـه
وينها ايام سوقنا ذيك الرجاجيل
. . . . . . . . . المنعمين . . . المكرمين الأهلــّـه
ذاك الكبير المرتكي بالتهاليل
. . . . . . . لاجاه تايه بطيب نفسن . . يدلــّـه
ما قال كذبه يبي ( طلعه ) و ( تنزيل )
. . . . . . . . ولا قال كلمه الا فيها الأدلـّـه
ياكثر من دعو له حي وميتن قيل
. . . . . . . . . جعله وسيع القبر اللي يحـّـلـه
وياعل حسابه الخيـّـرات التساهيل
. . . . . . . . . ويظله الرحمن في ظلن يظله
كل ضيقن لي عند موتك غرابيل
. . . . . . . . . وكل جرحن جا وراك بمحلـّـه
ان باح سـّـدي للرجال الحلاحيل
. . . . . . . . . ( عثمان ) عذري وتكفينا الأدله
لو شفت بالسوق راجو و ميشيل
. . . . . . . . قـله ( افــــا ) ياسوق . . بالله قلـّـه !