عمليات هدم جديدة في مدينة الدوحـة

[بوحارب]

للأسف اعتبرها سياسه فاشله بمعنى الكلمه ...

و الدليل .. روحوا شوفوا قضايا المواطنين في المحاكم و شوفوا كمن من العيايز و الشيبان تنزل دموعهم

في برنامج وطني الحبيب صباح الخير ..



وين الغيرة ؟؟ وين الاحساس بالغير ؟؟ وين ؟؟ وين ؟؟ وين ؟؟

وين روح الوطنيه اللي فينا ,,,,,, ليكون روح الوطنيه اننا انقول اعمار يا قطر و بسسسسسسسسسس؟؟؟؟؟؟؟

اعمار على خيبتنا ؟؟؟؟

اعمار على حساب المواطن اللي مو قادر يستر هله في قرقور؟؟

اعمار على كرتون البيض اللي وصل 25 ريال ؟؟

بالذمة انتوا اللي قلتوا اعمار يا قطر .. في حد منكم فتح الرايو اليوم الصبح و سمع معاناة القطريين ؟؟؟

ما سمعتوا المهندس المتدرب القطري اللي شغال في القطريه .. يقول ان راتبه 8000 ريال و هو متزوج و عنده ولد و بنت ..

بالذمه هذا وين يسكن هله و يستر عليهم ؟؟

اللي يسمعنا .. يقول عدد القطرين 200 مليون مو 200 الف ..

اتمنى من بلادي بدل ما تهدم بالشكل العشوائي و على حساب المواطن .. اتمنى انها اتخصص

3 مليار ريال لتستر على المواطنين .. لان المواطنين هم اعمدة البلد مو المرتزقه اللي ساكنين الفلل بوعشرة غرف !!!!

---------

و اسمحولي اخواني و خواتي ع الاسلوب ..

يمكن من اللي قاعد اشوفه .. و عن نفسي لله الحمد عايش احسن عيشه ..

و لكن الرجل هو اللي يغار على بلاده و اهل بلاده ..

و اللي يده في الماي مو مثل اللي يده في النار .

[ام حمد ومحمد]

عمار ياقطر ...... قولو الله يسامحك ياقطر

والله حرام وين الناس تروح احنا بعد بيهدمو الفريق ولا عارفين نبيع ولا عارفين نسوئ شئ
ماسكين الفريق حتى لو اخذو الفريق وين نحصل سكن بالمبلغ اللى بيعطونا اياه وين بالخيسة ولا بمعيذر
كل يوم ينقلونا مكان ماراح نستقر عمرنا

[رحال]

فلوس التثمين لا تكفي هل الأيام للأرض والبناء ، والله المستعان !!!

[Qataraholic]

للأسف اعتبرها سياسه فاشله بمعنى الكلمه ...

و الدليل .. روحوا شوفوا قضايا المواطنين في المحاكم و شوفوا كمن من العيايز و الشيبان تنزل دموعهم

في برنامج وطني الحبيب صباح الخير ..



وين الغيرة ؟؟ وين الاحساس بالغير ؟؟ وين ؟؟ وين ؟؟ وين ؟؟

وين روح الوطنيه اللي فينا ,,,,,, ليكون روح الوطنيه اننا انقول اعمار يا قطر و بسسسسسسسسسس؟؟؟؟؟؟؟

اعمار على خيبتنا ؟؟؟؟

اعمار على حساب المواطن اللي مو قادر يستر هله في قرقور؟؟

اعمار على كرتون البيض اللي وصل 25 ريال ؟؟

بالذمة انتوا اللي قلتوا اعمار يا قطر .. في حد منكم فتح الرايو اليوم الصبح و سمع معاناة القطريين ؟؟؟

ما سمعتوا المهندس المتدرب القطري اللي شغال في القطريه .. يقول ان راتبه 8000 ريال و هو متزوج و عنده ولد و بنت ..

بالذمه هذا وين يسكن هله و يستر عليهم ؟؟

اللي يسمعنا .. يقول عدد القطرين 200 مليون مو 200 الف ..

اتمنى من بلادي بدل ما تهدم بالشكل العشوائي و على حساب المواطن .. اتمنى انها اتخصص

3 مليار ريال لتستر على المواطنين .. لان المواطنين هم اعمدة البلد مو المرتزقه اللي ساكنين الفلل بوعشرة غرف !!!!

---------

و اسمحولي اخواني و خواتي ع الاسلوب ..

يمكن من اللي قاعد اشوفه .. و عن نفسي لله الحمد عايش احسن عيشه ..

و لكن الرجل هو اللي يغار على بلاده و اهل بلاده ..

و اللي يده في الماي مو مثل اللي يده في النار .

انا احترم رايك...حبيت اوضح لك عدة نقاط قبل لا ادخل في صلب الموضوع:
اولا بالنسبه لعمليات الهدم المخطط لها (خلك معاي) من منطقة راس ابو عبود شامله عمارات الباكر لين دوار سناء, البنك البريطاني وشرطة العاصمه, والمحلات من الأشارات اللي عند فيديو الصقر لين اشارات عيادة الدوحه

يعني موضوعنا قديم جديد, الهدم يشمل مناطق غير سكنية واوضح يعني مافي ولا بيت مشمول بعمليات الهدم....انت شفت ودققت بعمر وشكل البنايات؟ انت شفت موقعها الهام؟ في صدر الدوحه!!! انت رحت مركز العاصمة وشفت شكله الخارجي والداخلي؟؟؟ انت تصورت شارع النصر مرتب ومجمع تجاري في النص؟؟؟ لاحظ الصورة الجمالية لشكل الدوحه...يعني مجرد تكمله للنهضه العمرانيه في البلد.....وثق تمام الناس المتضررين اهل الملايين (على فكره انا ما املك بيت, وقطري وانطر دوري حالي حال غيري...كل سنه طاقين الباب ويهددني فلسطيني بالمحكمه ولا يرفع 10%....ماتذمرت ولا حتى شكيت وطني الحبيب صباح الخير...لأني انا قطري ويكفيني اتمنى حق البلد العمار والخير وماقلت ليش فلان وعلان....واتمنى كل واحد يفرض فكر وتصور قبل الرد....يعني انا مواطن صالح...
اما المواطن الطالح اللي اتهمني بالمرتزق....بخاطري اتمنى ولوتكرمت تشرح حق الناس معنى هالكلمة ولك الكتب والمواقع الألكترونيه ...واتحداك تطلع معناها, لأنك انسان فاشل وامعه, تنقل الكلام دون وعي او علم في معناها ...الفرق بيني وبينك ...انا مواطن ادعم ديرتي حتى ولو في كلمة طيبه وانت انسان فاشل بمعنى الكلمه...على فكره انا ما اقط اي كلمه اللي يبي دليل على عدم ملكي بيت شعبي يطلب منى وانا جاهز
سلام

[Qataraholic]

وعمااااااااار يا قطر وللاماااااااااام انشالله

انتى محترمه واقدر كلماتج لأنج تفكرين قبل كل كلمه

[Mr Brox]

طالما ان في الامر اعمار لبلادنا فلا ضير من ذلك ..
الله يوفق بلادي وأن شاء الله خلال فترة قصيرة راح تشعرون وتحسون بقيمة المشاريع التي تنفذها الدولة في كافة القطاعات

[Qataraholic]

عمار ياقطر ...... قولو الله يسامحك ياقطر

والله حرام وين الناس تروح احنا بعد بيهدمو الفريق ولا عارفين نبيع ولا عارفين نسوئ شئ
ماسكين الفريق حتى لو اخذو الفريق وين نحصل سكن بالمبلغ اللى بيعطونا اياه وين بالخيسة ولا بمعيذر
كل يوم ينقلونا مكان ماراح نستقر عمرنا

الله يخلي لج حمد ومحمد ..قولي امين

[الغلبان]

الله يجعل بلادنا وجميع بلاد المسلمين في عمار قولوا آمين

[أم نوره]

أنا بعد سمعت طراطيش كلام أن بيهردمون بيوت مدينة خليفه الشماليه الشعبيه الي صار لها اكثر من 30 سنه

[العـوا]

المهم مريخ فيه اخبار عن الهدم ولا لا