ملوك الجوائز مابين الحظ والنحس !!!

[الخيميائي]

اكيد هذا صديقك يا هندي او سوداني لانهم اكثر ناس يفوزون

اخبر كان عندنا فراش هندي في الشغل ربح كورولا في السحب اظن في اللولو باع السياره و سافر و لا عاد رجع 0

عاد يوم ربح اقول له كم كوبون حاط انت قال شريت مسجل ب105 ريال و عطوني 2كوبون واحد منهم ربح و واحد ما ربح يا مال الفقر حاط كوبونين و يبي يفوز فيهم اثنينهم 0

و احنا سنين و بنين نحط فيها الكوبونات طاحت يدنا و احنا نكتب في هالكوبونات ما ربحنا تاير

لا قطري بس محظوظ

والمشكلة قامت تصير هواية عنده وسيطرت عليه بشكل كبير 24 ساعة قدامه التلفزيون والراديو مايسمع مسابقة الا شارك فيها يقول لو افنش واتفرغ للمسابقات بطلع راتبي في اسبوع

تسلم على المرور اخوي سهم طايش

[الخيميائي]

صدق ملوك الحظ والجوائز بما فيها الجوائز الضخمة للمطارات هم الهنود ولله في خلقه شؤون.

لاحظت هذا الشيء

يمكن علشان هم الاكثر شراءا ومثابرة


وشكرا على المرور اخوي بريك اوي

[الخيميائي]

احجز لي مكان بكرة نرجع لك

اشوفك تمر على كل موضوع وتحجز الاماكن

لا يكون وصلتك الاخبار انه الاماكن بيرتفع سعرها

المكان مكانك والبيت بيتك

[ســـهم]

الخيميائي


ممكن نتسلف صديقك ابيه يشارك بدالي في مطار دبي او الدوحه لكن بأسمي

بالنسبه لي

لو يسون سحب على باخره والتذاكر حق شخص واحد

يمكن يفوز الصندوق وانا أطلع فاضي

[الخيميائي]

فهل انت من المحظوظين ام المنحوسين في مجال الجوائز والسحوبات على جميع الاصعدة ؟؟!

الحض ما يعرفني
وهل سبق لك ان فزت بجائزة كبيرة او جائزة ترضية ام انك ترمي الكوبونات في اقرب سلة مهملات ؟؟!

ما تذكر أني فزت بجائزة

وهل الجائزة تكون اغراء امامك للشراء والشراء والشراء ام انك تهتم بالسلعة ولا تهتم بالجائزة حتى لو كانت رحلة للقمر ؟؟!
لم أتعنا لمحل لمجرد أنه يوزع جوائز أو سحوبات

شكرا على المرور

[الخيميائي]

انا للاسف ما اربح اشياء صغيرة ما ادري ليش

كله سيارة وطالع


في هالسوالف من كثر الاحباط جاني تشاؤم
لدرجة اني لو رميت 97 كوبون في صندوق فيه 100 كوبون
وفي توزيع 3 جوائز

احتمال اني اخسر ال3 جوائز يعدي ال95 %

حاليا ما آخذ الكوبونات من الاساس ولا اهتم فيها
الا لو كانت امسح واربح امسحها واقط الباقي

هههههههههههههههههههههههههههههههه

ودا من ايه ولا موخزاه

حساسية يعني والا زعل

نمت مرة زعلان صبحت لقيت نفسك منحوس

ماتاكلش لا سمك ولا بيض

شكرا على المرور

[وحيد-الشوق]

فهل انت من المحظوظين ام المنحوسين في مجال الجوائز والسحوبات على جميع الاصعدة ؟؟!

من المنحوسين

وهل سبق لك ان فزت بجائزة كبيرة او جائزة ترضية ام انك ترمي الكوبونات في اقرب سلة مهملات ؟؟!

فزت بس كانت اشياء سخيفه مثل كورة و غرشة بيبسي الخ .....

وهل الجائزة تكون اغراء امامك للشراء والشراء والشراء ام انك تهتم بالسلعة ولا تهتم بالجائزة حتى لو كانت رحلة للقمر ؟؟!

اهتم في السلعه طبعا بس مره من المرات اشتريت اشياء مالها معنى عشان ادخل في السحب على سيارة بنتلي


والله يعطيك الصحة والعافية اخوي الخيميائي

[الجني]

انا ودي اسوي لي ختم للكوبونات

الصراحة اللي بيلحق الكوبونات خسران

وقت تعبئة الكوبونات / فرص الفوز = خسران

و كثير من الجوائز نوع من القمار

المشكله السوبرماركت تشتري بـ 200 ريال و يعطيك دفتر كوبونات

اشكثر وقت تحتاج للتعبئة


مرة شاركت و ماكان في الصندوق الا كوبون واحد كوبوني
و عند السحب
فاز واحد هندي بالجائزة

[مزيون_قطر]

انا الكنج ههههه افوز بس بمسابقات رمضان اللي على صوت الخليج وخصوصا الكــنز بس ماربح الكنز اربح فلوس ومره ربحت بتلفزيون lbc وقالو اول قطري يفوز معنا واخر شي اطلبو الرصيد ومادري ايش وطنشت لهم وفزت في تذاكر المباريات مرتين ب5000 ريال بس لحد يحسدني الحمدلله على كل حال

[الخيميائي]

الخيميائي


ممكن نتسلف صديقك ابيه يشارك بدالي في مطار دبي او الدوحه لكن بأسمي

بالنسبه لي

لو يسون سحب على باخره والتذاكر حق شخص واحد

يمكن يفوز الصندوق وانا أطلع فاضي

ههههههههههههههههههههههههههههههههههههههه
صج هذي المسابقات واحد سعيد ومليون يصيحون
بس مايصير يشارك عنك باسمك لازم يحط اسمه هذا هو الحظ
تسلم على المرور