مدري اشلون ابدي رائي في الموضوع الكلام وااااااايد
ما اقول الا الصبر زين
وسنة 2008 مفاجاءة للمواطن ومقدر اتكلم اكثر
ويعطيج العافية اختي على الطرح المميز
ربٍ يوفقج ويرضى عليج
:[[ لا إله إلا أنت سبحــانك إني كنـت من الظــالميــن ]]:
اللهم اغفر لوالدي وارحمه برحمتك التي وسعت كل شيء
السلام عليكم
الساهره مشكوره على الاقتراح الممتاز خصوصا تسديد لديون بدون فائد
..
حبر سري
كيف الحال !!
اشوفك في كل موضوع تعارض وتقول لا يسددون الديون !! وحجتك بأن المواطن لازم يجتهد ويفتح مشروع او يدش السوق !!؟؟
شي غريب الصراحه !1
مدري انت غشيم أو ماتفهم !!؟؟ يقولوون لك مديون وانت تقول لازم يفتح تجاره !؟ من وين يفتح تجاره اذا مديون !!؟ يسرق؟ والا يفتح تجاره بالأونطه !؟؟ وبعدها تتفاقم المشكله
تعال فكر معاي شوي وشغل مخك
إذا كان الشخص يشتغل ومن صغار الموضفين وراتبه لا يتجاوز 7000 ريال ويبي سياره توديه لدوام ويبي يعرس ويبي يصرف على بيته واهله .. لازم يتدين ومعناته راح يصفى من الراتب 2000 على اكبر تقدير
تبيه مايصرف على بيته ولا زوجته ولا اهله ولا نفسه ابد؟؟ وتبيه يفتح مشروع تجاري يتطلب رأس مال !! ومكان لهذا المشروع !؟
اها فهمت عليك الحين يا الحبر السري
انت تبيه يجمع ال 2000 ريال الصافي من راتبه لمدة عشر سنوات عشان يكون عنده راس مال يدخل من خلاله مشروع تجاري !!؟؟ صح !! ماشاء الله عليك عبقري
بس لو قفلنا عقولنا واخذنا برأيك .. معناته عياله راح يكونون طراريين بالفعل
والله يغنينا برزقٍ حلالٍ طيب من عنده
وبصراحه كلامك غير منطقي ابد .. والظاهر انك انت فعلا من الناس الأتكاليين ودينك اللي تقول سببه شراء اكبر كميه في الأسهم طمعا في ارتفاعها والربح المضاعف ومنها اسهم اسمنت الخليج كما وضحت انت من خلال ردودك ، وهذا من حقك ولكن تبين أن دينك ليس من اجل متطلبات الحياة الصعبه.
في الأخيــر همسه في اذنك
نقول انفيــع ونعم ونقول ونعم لباقي قبائل قطر التي لا تبنى على العنصريه لأن قطــر للجميــع وليسة حكراً على احد ، فكل قبائل قطر ساهموا في بنائها قديما بالدمااء وحديثاً بالعلم والتضحيات كثيــره
امنيتي هي تسديد ديون مواطنين قطر بالطريقه التي تراها الدوله مناسبه
التعديل الأخير تم بواسطة عبدالمحسن ; 27-12-2007 الساعة 07:51 AM
اقتراح حلو اختي الساهرة مع اضافة بسيطة
لو يمتنع عن صرف اي قرض للمواطنين المستفيدين من سداد المديونية
على عدد السنوات التي كانت متبقية للقرض
يعني باقي لي خمس سنوات على سداد ديني في البنك
إذا لا ييصرف لي اي قرض الا بعد خمس سنوات
ولو اني افكر انها تكون اعادة جدولة للدين بدون فائدة
يعني بدل لا يكون قسطي الشهري 7000 وعلى مدى 3 سنوات
يكون 2000 على سنين اطول ,,,
واريد ان اضيف لمن يعارض ويدخل عرض وهو اصلا مستدين
كيف تعرف الدولة أو الحكومة بأن مواطينها غير مرتاحين للوضع وتريد اسقاط الديون, اذا لم يكن هناك طلب ؟؟؟؟
ولن يمسكم شيء يا اخواني , ان كنتم لا تريدون اهانة أنفسكم على قولتكم ولا تريدون تطرووووووون
(وهالكلمة المفروض ما تنقال) , اذا خلكم مشاهدين وخلوا غيركم يطرررررر ويطلب
وبعدين ان الله راد بتكونون من المستفيدين ...
مع اطيب تمنياتي
قبل ما يسددون لازم يلغون السياسات والادارات الحكوميه التي سببت ارتفاع التضخم في البلد واخص بالذكر اداره الاراضي النايمه على عينها في العسل وياله ياله تطلع اراضي للناس. ايه النتيجه ارتفاع جنوني في الايجارات اتبعه ارتفاع عالي في الاسعار وارتفاع عالي في اجور الموضفين والعمال . هذه الاداره السلحفاتيه تسببت بخساره الدوله ملياارات المليارات في زياده معاشات الموظفين. لكن اذا طلعت اراضي زياده ومعه بنيان اكثر كان ما ارتفعت تكاليف الحياه فوق المستوى الي متعودته الناس و مكان اضطرت الدوله لصرف هذه المبالغ الاضافيه لموضفينه وكان تمت كم بيزه لاجيال قطر. فاذا سددت الديون مع بقاء هذه الاداره الفاشله بتكون تسوي مثل ما قال الاولي صبه رده