& ماذا فعل الأثاث الصيني في بيوتنا &

[التيما]

الي ما يعرف في الصين بيتعب صح .. انا اخوي ونسيبنا راحو الصين وأجرو صندوق وحطو فيه كل مشترياتهم من اثاث للبيت والله يعزكم الحمامات وكان قيمة صندوق الشحن 10 الاف .. وقيمة الشقه 200 في اليوم وتمو هناك عشرة أيام طبعا اقصد " غوانزهو " انا اتصور الي يعرف راح يكون كسبان بس الي مايعرف ولا شاور حد ممكن يتعب لكن ماراح يخسر كثر خسارته هني ..

[بولينجر]

تسلم أخوي بوحارب على الموضوع...أؤيدك في كثير مما قلت..المهم إنه ياليت حد من الإخوان أصحاب التجربة والخبرة يفيدونا بتجاربهم..

[بوحارب]

ما حد برايح ومتعني على ماش
أكيد يا بوحارب أنه حسبها وطلعة معاه
بشيء من التوفير.
اما بالنسبه لقطعة ضايعة ولا منكسرة
فالله يعينه على الترقيع.

تسلم ع المرور أخوي بو حظين

مشكور اخوي بوحارب على الموضوع الحلو .. وفعلا مثل ماقلت ماتسوه الواحد يروح الصين ويجيب اغراض وكل المشاكل اللي قلتها ممكن تحصل فيما عدا اذا كان تاجر او راعي مجمع 50 فيلا او 100 فيلا مثلا ممكن يروح للصين ويشتري.

صدقت يا بويوسف راعي المجمع معاه حق يروح لأنه بيوفر وااايد

تسلم ع المرور

واحد من الربع أثث بيته من دورين بـ 80 ألف ريال قطري .. بما فيها تكلفة الاقامة هناك والشحن الى الدوحة ..
الأثاث بجودة عالية .. ومضى على سكنه في منزل لاعمر اكثر من 3 سنوات ..
على فكرة الجودة في الصين تنقسم الى 3 فئات .. فئة أولى جودة عادية .. وثانية متوسطة .. وثالثة مرتفعة ..

واحد من الربع باني 3 فلل ولما جا يبي يركب البيبان والشبابيك مع فريماتهم طلعوا عليه ب80 الف
وراح الصين وجابهم من هناك كلفه هذا كله 16 الف
تتوقع تسوى السالفه ولا لا؟؟

أكيد تسوى

بو حارب

طرح موفق لأيضاح الصوره أكثر

شكرآ لكـ

العفو

تسلم ع المرور الحلو

الي ما يعرف في الصين بيتعب صح .. انا اخوي ونسيبنا راحو الصين وأجرو صندوق وحطو فيه كل مشترياتهم من اثاث للبيت والله يعزكم الحمامات وكان قيمة صندوق الشحن 10 الاف .. وقيمة الشقه 200 في اليوم وتمو هناك عشرة أيام طبعا اقصد " غوانزهو " انا اتصور الي يعرف راح يكون كسبان بس الي مايعرف ولا شاور حد ممكن يتعب لكن ماراح يخسر كثر خسارته هني ..

ألي رايح على عماها اكيد بيتعب
مشكورة التيما ع الأضافة الطيبة

تسلم أخوي بوحارب على الموضوع...أؤيدك في كثير مما قلت..المهم إنه ياليت حد من الإخوان أصحاب التجربة والخبرة يفيدونا بتجاربهم..

الله يسلمك

التجارب موجودة ومن الأشخاص نفسهم

[بوحارب]

والله موضوعك جيد يا بوحارب

و تحياتي لكم

مشركة جميلة والتجربة هذي فيها درس

مشكووووور أخوي مرحوم قطر

[بوحارب]

السلام عليكم
انا من ضمن الناس الي راحوا كوانزو وشريت بعض الاثاث وسيراميك ورخام والحمدلله كان السيراميك والرخام من النوع الجيد ولمل وصل الدوحة ماكان مكسور والبيت ماهو جديد لكن شريت الاغراض لتجديد البيت من الداخل والصراحة السالفة تسوى. اسعار الدوحة نار والكل عارف. يعني تروح وتغير جو وتشوف اسواقهم وتشتري اغراضك وفي النهاية يطلع ارخص من اسعار الدوحة.
بالنسبة كرمكم الله للحمامات والمطابخ انا سمعت ان العمال في الدوحة مايعرفون يركبونهم فشريت الاغراض من الدوحة.
بس الحق يقال مب كل شي ارخص من الدوحة بوايد, الصين اسعارها في شغلات عندهم ارتفعت اسعارها وماتسوى السفرة عشانها.

تسسسسلم أخوي حوت صغير

لاهنت ع المشاركة الطيبة

[بوحارب]

تشكر يا بوحارب على الموضوع

احب اذكر تجربه شخصيه يعني ما حد قال لي ولا سمعت

رحت شهر 6 حسب كلام المجربين قبلي ولكن انصدمت من كلامهم
واعتقد انهم يقولون هالكلام علشان ما يبينون انهم انغشوا في السالفه

رحت قوانزو ومنها الى مدينة الاثاث شنده يوجد في شنده 3 مجمعات كبيره
المجمع الاول شعبي والثاني وسط والثالث جيد يعني الثالث نفس الاثاث الموجود في الدوحه

المشكله ان التوفير لايصل الى النص يعني الغرفه النوم اللي في الدوحه ب 12000 يكون سعرها
في الصين حوالي 8000 وطقم الكنب اللي ب 7000 سعره هناك حوالي 4000 ولا تقولون توفير على
الكميه لكن الحسبه في النهايه 5% عموله المكتب في الصين والكونتينر 40 قدم سعره حوالي 4000 دولار
والجمارك في الدوحه 5% غير التخليص والنقل للمنزل وفوقها التركيب وقطعه وصلت وقطعه ناقصه والمكسور واللون يختلف وغيرها من المشاكل


فيه بعض الشركات يعطون خصم جيد للكميات يعني الغرفه الماستر طلبوا اقل شي 5 غرف وانا ما احتاج الا وحده وكذلك باقي القطع وهنا يكمن السر في اللي يبغي يروح يأثث بيت واحد نصيحه لايروح اما اللي عنده مجمع من 5 فلل او اكثر فالعمليه تسوى ولكن يحسب زياده علشان ما يتوهق

وفي النهايه رجعت وخذت بعض الاثاث من الدوحه والباقي من السعوديه والاكسسوارات من دبي


وهذي تجربه شخصه ومستعد لمزيد من التفاصيل

اشرايك دبي أو الصين

وين الأحسن والأوفر

مشكور أخوي ع المشاركة الطيبة

[بوحارب]

المشكلة يا ابوحارب وانا أخوك مش في الى يروح الصين
المشكلة في النصابين الى عندنا الى يجيب لك الشيء من الصين ويبيعلك بأربع أضعاف السعر

الهفوف يا خوي ارخص منا بكثير


عندما بدأت في البيت وخاصة الله يكرمك الحمامات ذهبت الى اشهر مكان في قطر على الإطلاق وإذا ببضاعته بنسبه 80% صيني واسعار نار فنصحني احد الاخوة بدخول موقع على النت باسم صنع في الصين يتبع لموقع على بابا وراسلت اكثر من شركة بنفس المواصفات الى وجدتها في المحل ووصلني الجواب بسعر وتفاوضت معهم وحصلت على سعر لا يتجاوز ربع السعر الى في المحل فقلت ما في الا اذهب الى الصين منها اشوف هذه الدولة واخلص بيتي .

قبل الذهاب أعددت ميزانيتي وسجلت ما احتاج والأسعار في قطر والشركات
اسم الشركة .... السعلة .... القيمة .... النوع .... الشركة المصنعة ....
1- تشطيب
2- أثاث
3- إكسسوارات وغيره

وتوكلت على الله سبحانه وتعالى وسافرت ....

وخلال خمسه عشر يوم بالتمام والكمال أتممت شراء كل المستلزمات وزائد عليها أغراض الحديقة وكنت مهتم جدا بالجودة ولا اشتري الا من المصانع المعروفة والتفاصيل المملة وعينات احملها معي لقطر وشرط مطابقة العينات والكميات تزيد عن المحتاج وعدت بنصف التكلفة عن قطر مع إضافة السكن في فنادق 5 نجوم وعمولة مكتب الشحن 4% والشحن ولتخليص والجمارك .


مشكلتنا وانا اخوك كما قلت في أول الموضوع مع النصابين يعتقدون انهم أول من وصل الصين [ مصنع العالم كما يطلق عليها ] ونسوا ان كانوا ذوا عقل فلناس مثله واخير .

تصدق يا ابوحارب ان سعر الباب تفصيل وشحن وجمارك من الصين ارخص بأكثر من بنصف السعر من ان تشتريه من قطر ...
مثال : الباب الرئيسي في من شركة دا...... بقيمة 42000 ريال , نفس التصميم + تلبيس لطوفه بقيمة 11000 ريال + الشحن بنفس الكونتينر لا يتجاوز 4 سي بي ام يقسم على 3200 ÷ 68 × 4 = 188$ = 687 ريال
الجمارك المجمل 7650 ريال ÷ 68 × 4 = 450
القيمة الكاملة = 12137
مع العلم ان الشركة ذاتها تستورد من تايلند


تصدق يا بوحارب ان الأثاث الراقي من مصانع راقية تصدر لأوربا خاصة ومعتمدة ارخص بنسبه تتجاوز الـ 70% من محلاتنا الى مغترين فيها بأسماء كبيرة ...


تصدق يا بوحارب ان سراميك فول بودي ارخص من قيمة السيراميك ابووش مثل ما يقولون عند في اكبر محل نـ........ ...

ومع ذلك في الصين عيوب

أولها .. بعد المسافة التى تتجاوز 10 ساعة طيران اذا أخذتها من هونكوك

ثانيا .. الشعب جدا جدا طيب ومحترم ولكني لم اجد شركة تضع السعر الحقيقي ولذلك يحتاج الإنسان الى تفاوض طويل النفس لتصل معهم لسعر الاقرب لك

ما شاء الله عليك
الله يوفقك أخوي الناصح

تسلم على التوضيح لا هنت

[وطن]

شكرا على النقل اخوي

متابعة

[ذيبه مزاجيه]

الف شكر على الموضوع اخوي بو حارب لا هانك ربي

[بوحارب]

شكرا على النقل اخوي

متابعة

الف شكر على الموضوع اخوي بو حارب لا هانك ربي

حياكم الله نورتوا الموضوع

تابعونا وفالكم طيب