السلام عليكم ورحمة الله وبركاته
هذا المشروع مب جديد
ولكن بصراحه اللي يحب يقتنص الفرص يفتح له شركة نقليات
فيها لايقل عن 60 تريللا
علشان تنحسب مع الكبارية
اعطيكم فكرة عن سوق النقل
اكبر شركة نقل في الدوحه فيها ما يقارب 220 تريللا وتفضل النقل الخارجي عن النقل المحلي داخل الدوحه
ثاني اكبر شركة تمتلك حوالي 90 تريللا وتفضل النقل الخارجي ايضا
ثالث اكب شركه فيها 60 تريللا تقريبا ومتخصصه في النقل الداخلي لكن انسى انها تلتزم معاك بموعد مما يؤدي الى دفع غرامات من قبل المستفيد للجهة اللي بينقل منها
باقي عندنا تقريبا 120 شركه نقليات كل وحده فيهم تمتلك ما لايزيد عن 10-12 ولا يقل عن 3-5 تريللات...
ليش قلتلكم 60 تريللا على الاقل
لما يكون عندك هذا العدد من التريللات راح تكون محط انظار التجار الكبار في الدوحه
)وما ادراك من تجار الدوحه الكبار وما عددهم)
لانهم اذا جاتهم طلبيات ما يطلبون تريللا ولا تريللتين,, لا .... يبغون تقريبا 40-50 تريللا في اليوم
ولمده 5-6 ايام علشان يخلصون نقل بضائعهم
وطبعا عدد التريللات اللي تشوفها وانت صاحي اقل بكثير من اللي تشوفها وانت راقد ومع ذلك في نقص ,, لا ونقص حاد جدآ
تعتقد من يقدر يلبي طلباتهم؟
وكم شركه في الدوحه عليها العين؟؟؟
العبرة مب في كثرة عدد الشركات بل في عدد التريللات اللي تمتلكها كل شركه
عموما ما ابغي اتكلم اكثر من جذيه
والسلام ختام