نبيكم في كلمة .. ممكن تدعموننا ؟!!

[الزاجل]

بسم الله الرحمن الرحيم

اخواني واخواتي وعيالي من الشباب والشابات

اليوم احنا بحاجة ماسة لكم .. اتمنى انك توقفون معانا وقفة رجل واحد
والحريم يروحون يوقفون مع الحريم وقفة حرمة وحدة
منعا للاختلاط ..

الغلااااء الفاحش صار عجيب وغريب
كل شي من غير سبب ارتفع بنسبة 15 الى 20 % خلال اقل من شهر
شنهي الأسباب مب عارفين
شنهي المسببات اكيد احنا السبب من غير جدال
مهما حاولنا انقط سوء تصرفاتنا على غيرنا اولها الحكومة ..

الحكومة حالة قائمة بذاتها مستحيل اتحس فينا
دام انهم يتعاملون مع البورصات الاجنبية
وما يعرفون شي اسمه خبز بتاني الحبتين على ريال
والجباتي صار حجمه اصغر
و الكيمة وصلت 3 ريالات للسندويش
وخيشة الطحين من 86 الى 140
مالهم خص في شي ولا هم بيتضررون من هالشي ..

لذلك لابد ان انحس بنفوسنا مع زيادة الغلاء في المجتمع ..

يمكن ترفضون فكرة المقاطعة ...> ما نقدر نجبركم عليها
لكن اصحاب الفكرة بحاجة لكم
صدقوني تراهم يقدرون يشترون اليوم مثل منتوا تقدرون تشترون
بس هم ما يبون يوصلون ونوصل وتوصلون لمرحلة خلاص
خلاص
خلاص
نردد عافك الخاطر يالشراء من زود الغلاء ..

ما بنقول لكم قاطعوا كل شي
ولكن نقول لكم خففوا من مشترياتكم واستبدلوا الغالي بالارخص
الكيك ارتفع سعره 15 ريال ليش صار 120 قبل العيد كان 105 ريال؟
مافي البلد سويت غير هالكيك ؟
نستبدله بسلة كافي او برميت او اي شي ثاني
المهم ان نحارب الغلاء ..
ما ناخذ الشي الغالي الا للشديد القوي
والشديد القوي يعني مجبر خلاص ما في بديل
مب خاطري فيه والا خاطر عيالي فيه صار شديد قوي
ما نكثر من مشترياتنا فبدل ما ناخذ 2 ناخذ 1
خلونا نعلم عيالنا طرق الاقتصاد الصحيحة( والأمر هذا يبي له
جهد جبار على مستوى الدولة )

من خلال هالموضوع نقول
ادعموا اصحاب الفكرة بعدة طرق صادقة
ادعموها فهم ونحن كلنا بحاجتكم
اليد الواحدة ما ا تصفق الا اذا صفقتها على ويهك
فخلونا نتعاضد ونتماسك ونساند من يحتاج الى مساندة
على وعسى حسوا فينا ناس ثانين اذا صرنا بحاجة الى مساعدة ..

لا تقاطع بس ساعدنا على نشر فكرة المقاطعة للبضائع الغالية
مب مطلوب منك سوى انك تقول
بسم الله و تتوكل على الله و وتخلص نيتك لله و تنفذ عن طيب خاطر
ما يلي


1- لكل مشترك في اكثر من منتدى وضع فكرة المقاطعة
حتى لو تم نسخ الموضوع نسخ من غير حقوق ملكية
فمثل هذه المواضيع ملك للجميع ..

2- استخدام نك نيمات متعلقة بالمقاطعة في المسنجرات
وبرامج المحادثة فبدل ما انشوف العاشق الولهان
خلوه المقاطع البتار
فبدل ما انشوف دلوعة امها واخوها
خلونا انشوف مقاطعة امها وابوها ....>لا ما يصير
خلونا انشوف مقاطعة الغلاء وزيادة الاسعار ..

3- استخدام بريدكم الخاص والعام لنشر فكرة المقاطعة
حتى لو الفكرة تنشر خارج قطر المهم سلكت اول وطرش الفكرة
وقول اللهم اني بلغت اللهم فاشهد وفي ميزان حسناتك

4- للي يحبون وهواة استخدام المسجات للتصويتات الفضائية
استخدموا المسجات هذه بنشر فكرة الكثير من ابناء
قطر في محاربة الغلاء وقدموا تحية لهم من خلال هالبرامج
اللي ادمنتوا بارسال المسجات لها واخلصوا نياتكم لله وان شاء
الله ما بتضيع عند رب العالمين ..

5- للي ما يحبون مسجات الفضائيات
امسكوا جواويلكم واشتغلوا على ارسال مسجات دعم
ومساندة ومعاضدة لاصحاب الفكرة ..
واللي عنده مسجات بديلة نرحب به هنا او في الموضوع الرئيسي للاستاذ
ابو يوسف في الموضوع التالي

http://www.qatarshares.com/vb/showthread.php?t=151211

وهذا نموذج لمسج ( اول مرة اشوف مسج عبارة عن قاطرة )

مسج مقترح (المسج منقول من منتدى مقاطعة اماراتي)

(ان الناس قصدوا عمر بن الخطاب رضي الله عنه وقالوا: غلا اللحم فسعّره لنا، فقال: ارخصوه أنتم، فقالوا: نحن نشتكي غلاء السعر، واللحم عند الجزارين، ونحن أصحاب حاجة، فتقول أرخصوه أنتم.. وهل نملكه حتى نرخصه؟.. وكيف نرخصه وهو ليس بأيدينا؟

قال: اتركوه لهم.


وتضيف الرسالة: “صدق الفاروق، فأفضل طريقة لحل موضوع الغلاء مقاطعة السلع مرتفعة السعر. كن فاعلاً ومبادراً وليس شاكياً ومبذراً، أرسلها لمن يهمك أمره”.)

[عبدالله العذبة]

أخي الحبيب الزاجل

رائع كعادتك بارك الله فيك!

[jajassim]

مبدع ،،، وندعمك بالاعلان دون مقابل

[لولوتي]

افضل اني ماادعم لأن التأمين عندي بس ضد الغير

ان شاء الله اخوي الزاجل

لا للغلالالالالالالالالالالالالالالالاء

[سهم طويل الأجل]

جهد تشكر عليه أخوي الزاجل
والله يقدرنا ، ومن ناحيتي أنا قاطعت البيض من أول ماصارت أزمته

وأنا وياكم >>> عليهم عليهم

انتهت سنة البيض 2007
الله يعين على 2008 بتكون سنة شنو ؟؟ أتمنى مو الخبز

[شاهيناز]

ايه والله الغلاء صار لايطاق

حتى المكياج والصالونات صارت نار
واذا قلنا ليش المكياج غالي قالو اليورو
وش دخل ...
بس نحن معاكم قلبا وقالبا
وين قسم الحريم
كل شئ صار في اختلاط وهينه مسوين لنا حرملك

انا ضد التميز
لازم هناك في مساواه بينا وبين الرجل

[وحش قطر]

معاكم قلبا وقالبا

وانة بتنازل عن مبدا كنت اامن فية وهو التوقيع في المنتيات

ماعليكم امر ابي توقيع يساند الحملة لاني ما اعرف اسوي توقيع

[شاهيناز]

عطوني شعار الحمله

وانا اصمم لكم التوقيع

[وحش قطر]

عطوني شعار الحمله

وانا اصمم لكم التوقيع

الشعار عند الزاجل

[كلاسيك للبيع]

قد بدأنا حين بدأ اخي ابو يوسف.

ونستمر ان شاء الله في النشر ... لعل وعسى.


ولكن نتحتاج الى مصمم بانرات محترف.... والى تعاضد الاخوة.


نحن لها وجزاك الله خيرا يا الزاجل.