السلام عليكم ورحمة الله وبركاته
من فترة طويلة طرحت على واحد من ربعي مشروووع حليو ومش بطال مثل مايقولون بس بصراحه اشوفه رقد على السالفة
شفتوا فكرة عربات الذرة اللي انتشرت مؤخرا في كل مكان؟ في فكرة مشابه لها وهي (هوت دوغ)
سندويشات هوت دوغ عالماشي
تنشوي تلقائيآ بواسطة ماكنات خاصة للهوت دوغ وتصير شندويشات تاكلها وانت في اي مكان
يبيلك الاتي
*عربات لعرض السندويشات مش اقل من 30 عربة(طبعا هذا العدد مش مبالغ فيه وبقول لكم ليش بعدين)
*عاملات (بوفلبن) فلبينيات على عدد العربات كل وحد براتب 800 ريال
*خبز روتي ( انت وشطارتك)
*ماسترد
مايونيز
*وطبعا وبالاضافه الى هوت دوغ
*والاهم من هذا ترخيص طبعا
نيجي حق الاهم وين تعرض؟
اكيد في السيتي
المول
اللاند مارك
حياة بلازا
حاول تاخذ داخل المدارس , واذا ماقدرت, خذ ترخيص من البلدية واعرض جنب المدارس
طبعا اذا عندك واسطه تخليك تدخل Qatar Foundation
بتكون محظووووووووووووووووووووووووووووووووووووووووووووووو ظ
وما يحتاج تفتح مكان ثاني
قصدت بقطر فوندايشن يعني كل شي تحت مظلتها
ويبيلك تعرض بالقرب من المطاعم السريعة
واذا كنت فلان بن فلان تقدر تعرض بالكورنيش
وبشكل عام في اماكن تجمع الاطفال
وطبعا نصيحه خذوها مني
تحمل تسمي اسم عربي
لا ... اختر اسم اجنبي وسجلة باسمك يعني ريجيسترد
واحنا العرب الله يسلمكم ما نحب الا الماركات الاجنبية واللي عليها ®
الحين ليش قلتلكم ثلاثين عربة واكثر
طبعا يدخل في هالجانب العامل النفسي بشكل كبير ويلعب دور عجيب
ناخذ المستهلك كمثال
اذا شاف المستهلك انتشار واسع لهذه السلعه راح تقصر المده اللي بتاخذها على ماينتشر خبرها وترويجها يكون اسهل واسرع
والطرف الثاني والاهم بالنسبة لصاحب المشروووع هو المنافس
لو انك غزيت الدوحه بالعربات وماخليت مكان الا وحطيتها فيه
ما اظن حد يفكر يفتح مثلك او حتى ينافسك
وانا بصراحه من الناس اللي تؤمن بنظرية
الكبير الكبير والنص نص نص نص نص والصغير ما نعرفووووووش
او نظرية ان لم تكن هامورا اكلتك الهوامير.
اتمنى ان هالفكرة تعجبكم واشوفها قريب في الدوحه
ولا تخافون ما ابغي عموله والله يزيدكم من خيره انشاء الله
بس ابغي شي واحد
اذا حدفيكم نفذ هالفكرة ونجحت
يدعيلي وبس
ودمتم سالمين
|
رد مع اقتباس
المشاركة الأصلية كتبت بواسطة لـؤلـؤة الـخـلـيـج
