نعنوشي الجميل ..
شرايك تجي معاي اليمن ،، ونشتري عسل ونتاجر فيه
الصراحة انا واحد من الربع جابلي عسل وزبيب من اليمن ، صراحة العسل هذا في حياتي ماشفت نفسه ..
لذيذ بمعنى الكلمة ..
لكن في الدوحة كل ما اشتري عسل ، يطلع مغشوش ..
نعنوشي الجميل ..
شرايك تجي معاي اليمن ،، ونشتري عسل ونتاجر فيه
الصراحة انا واحد من الربع جابلي عسل وزبيب من اليمن ، صراحة العسل هذا في حياتي ماشفت نفسه ..
لذيذ بمعنى الكلمة ..
لكن في الدوحة كل ما اشتري عسل ، يطلع مغشوش ..
أشهد ان لا إله إلا الله محمد رسول الله
سبحان الله وبحمده سبحان الله العظيم عدد خلقه ورضاء نفسه وزنة عرشه ومداد كلماته
افضل انواع العسل اليمني يباع 1300 ريال للسبعة كيلو
ويتم حجزه قبل جنيه بفترة 4 - 6 شهور خصوصا من التجار السعوديين و بكميات كبيرة
و يعتمد على حسب وقت جنيه و أفضل وقت هو قطفة الِشتاء حيث تزهر أشجار السدر و يتغذى عليه النحل
ولكن لكثرة مربين النحل وقلة الغطاء النباتي في اليمن و خصوصا قلة أشجار السدر وغيرها من النباتات
الطبية
ولذلك معظم مربين النحل يعتمدون على محلول السكر و الماء في تغذية النحل في الوقت الحالي
مسيت بالخير يالصياد
كلامك عجيب لكن الاعجب منه
اني مستعد لشراء 1000 كيلو بالسعر اللي تقول عنه
الظاهر السعر هاي اما عسل سمر
او انه عسل درجة عاشرة ادا ما كان مغشوش 100%
على العموم هاي سعر العسل المراعي ( الزهر ) مش سعر السدر الطبيعي 100%
مع احترامي لوجهة نظرك
هاي ما حبيت اشارك و ادلي به في الموضوع والسموحة
السلام عليكم اخواني واخواتي
العسل الزين موجود بس لازم تتعب لما تجيبه انا اقعد سنة لما اطلب عسل اصلي وبملغ ما تتصوره
والعصر قدامك مافيه حيله(اي عصر خلية النحل على البارد وليس التسخين لان طريقه التسخين تفقده بعض المميزات )
وطعام النحل السدر(شجرة السدر ) مب سكر نفس بعض التجار الله يهديهم
(وهذا تعرفه اذا خليته بالثلاجة واذا صار فيه تجمد فهو اما تجاري او النحل كل سكر )
ويستخدم السكر لاطعام النحل ايام القحط من المطر وهذا حرام لانه غش
وترا نصحني واحد قالي اذا تبي عسل اشتره من راعيه (يعني راعي العسل) فاهمني
عشان اذا راعي العسل خان بالعسل (يعني اذا خلط فيه عسل تجاري معلب يعني )
النحل سبحان الله
ياخذ عسله من الخلية ويروح ديره ثانية
وهذا كلام مؤكد من راعي خبرة وشايب اعرفه ونصحني على واحد
والحمد لله توفقت بالعسل
والعسل اخوي ما ينفع الا المريض مب الانسان الطبيعي اللي مافيه شي
فاذا كليته وانت مريض فابشر بالعافية (الله لايوريكم مكروه)
وانواع العسل حسب معرفتي
السدر وهو افضله
والسمر
والمرو شكله مثل السكر كانه سكر بس هو عسل (سبحان الله )
لان نوع الشجر الللي ياخذ منه الزهر نوع غريب وبه انواع اخرى من الزهور
اي متنوع الزهور وهو يمتاز بعلاجه بالامراض ايضا وناس وايد مدحوه لي
وفي عسل اسمه عسل سقطري وهو اغلى انواع العسل بالعالم وموجود فقط في جزيرة سقطرة وهي موجوده في بحر العرب باليمن
وسعره غالي لان النحل ياكل من اندر 20000 الف شجرة وورده بالعالم وفيه علاج
واذا فيه علاج ما جو الفرنسيين وكوشو على العسل وتبنوه عشان العسل ما ينقرض
وان شا الله بيجيني منه شهر 11 السنه الجاية بسعر لاعرفه (لو جاني كيلو زين)
لان موسم جني العسل باليمن هو شهر 11 كل سنه
الحق ولا ما تلحق
واسمحو لي على القصور هاذي اللي اعرفه عن العسل
اخوكم الكاسر
واذا في اي سؤال عن العسل يمكن افيدكم ان شا الله
صباح الخير
اخوي انتعاش فيه عسل ينباع بالمعرض
ومن كذا دولة اذا لك خاطر روح شوفهم
والمعرض بقاعة المعارض الدولي الجديد
وفيه واحد حتى مال النحل موجود ما ادري شنو اسمه
ويعطيك الف عافيه
اخوك
بوفهد
اخوي
عندك عسل مأرب في سوق واقف وانا مجربه
وعنده بعد محل في سوق القبيب قبل مطعم بيروت محل عسل ماذكر اسمه لكنه الوحيد هناك والرجال امين يمني كبير في العمر
الله يوفقك اخوي
السلام عليكم ورحمة الله وبركاته
يا اخواني افضل طريقه علشان الواحد يكون عنده عسل طبيعي 100 % يشتري خلايا نحل وهو بنفسه يفرزهم ويطلع العسل مثل ما انا سويت وهذه بعض الصور :
هذي صور من 6 شهور:
اول صورة هذا العسل في الشمع قبل الفرز :
وهذا العسل ينزل من الفراز:
وهذي الكمية النهائيه من اصل 8 خلايا كانت الكمية ما يقارب الـ 30 كيلو:
وهذي صور من شهر ونص تقريبا وكان عسل سدر:
هذي صورة العسل في الشمع:
وهذي الصورة بعد الفرز وكانت الكمية 55 كيلو من اصل 10 خلايا:
وطبعاً انا مب تاجر عسل بس هذي هي هوايه ومن فترة جبت خلايا للبيع والحمدلله توفقة فيهم .
في ناس مشكلتهم ما يحبون التعب يبون كل شي جاهز , ونصيحتي للجميع الاخوة ان يشترون خلايا ويحطونها فوق السطح مثل ما انا مسوي , وبعدها يجني عسل تحت اشرافه.
اتمنى التوفيق للجميع
روح المعرض التجاري يبيعون خوووش عسل يمني ويذوقونك اياه .. في عندهم اللي الكيلو ب200 وفي اللي الكيلو ب500... اللي بو 500 بالفعل لذيذ وأنصحك فيه..
{ فَصَبْرٌ جَمِيلٌ وَاللّهُ الْمُسْتَعَانُ عَلَى مَا تَصِفُونَ }
(( اللهم إني أسألك أن تجعل كيد من كادني في نحره،
ومكر من مكر بي عائداً عليه، ومن حفر لي حفرة واقعاً فيها،
ومن نصب لي شبكة الخداع اجعله يا الله يا ذو الجلال والأكرام مساقاً
إليها ومصاداً فيها وأسيراً لديها ))