إنتهت أزمة البيض بس قولوا لي شكنتوا تريقون - خلونا نستفيد من بعض

[إنسان]

يا جماعه من المؤكد ان أزمة البيض إنتهت وسعر البيض الاردني 15,75 ريال

وسعر البيض الهندي 12,75 ريال ومتوفر في الجمعيات

للأسف مازال بعض المجمعات بهم جشع .. على سبيل المثال دسمان

لحد أمس كان سعر البيض الهندي 24 ريال وفي السوبرماركت بـ 15 ريال

وهذا دليل التلاعب والجشع .. فكيف نفسر التفاوت في الاسعار

الآن وقد إنتهت أزمة البيض خلونا نتعرف شكتشفتوا من أكلات مبتكره للفطور في ظل

إنقطاع البيض في الفترة السابقه

طبعا الريوق المعتاد من اجبان ومربى وعسل في وجود اصناف الخبز مع الزيتون


ممكن فول وحمص



ومحبي الأكلات الشعبية من بلاليط وخبيص وعصيد







عن نفسي أنا من محبي البيض المفيوح



بس ما يمنع الواحد يغير وياكل قشطه مع العسل

واللي اكتشفته فلورا مع الخبز الإيراني ماله حل





أتمنى ما يطلع لي اخونا كلاسيك ويقول موضوع ماله هدف

بالعكس ممكن نستفيد من بعض الإخوان والأخوات من وجود أطباق سهلة التحضير

لتكون ضمن الفطور الصباحي مع خالص شكري لكل من سيشارك ويُفيد ويستفيد

[راعي البورصه]

مافي احلى من ملعقه عسل طبيعي والحليب المراعي

[ANONYMOUS]

انا ماتريق.. على طول غدا في العصر

[شاهيناز]

انا بعد ماتريق

جذيه ماحسيت بازمه البيض

بس متى انتهت

[امل الحب]

اممممم

الموجود فالكافتيريا

واحيانا حليب فراولة وانتهى الموضوع

[ورقــة أمــل]

انا ماتريق الصبح اكثر شي

بس ااذ تريقت عادي بيض ولا سندويج من اي مطعم

[الألماسي]

الحمـدلله لــك يارب انـا ماحسيــت بأزمـه البيـــض خيــر شـــر

لان عندي حســاسيــه منـــه

رب ضــاره نافعــه : )

[ANONYMOUS]

انا ماتريق الصبح اكثر شي

بس ااذ تريقت عادي بيض ولا سندويج من اي مطعم

بالله شو

يعني توقفين قدام المطعم مادري المعصره

وتدقين هرن

ويطلع الـ رفيق

وتقولين له : صديق..

سوي 2 صندويتش واحد بيض جبن جباتي.. وواحد شكشوكه صامونه

و واحد جاي هليب ( حليب ) بس عشان يفهم ؟

و واهد تندا باني ( ماي بارد )

[ورقــة أمــل]

بالله شو

يعني توقفين قدام المطعم مادري المعصره

وتدقين هرن

ويطلع الـ رفيق

وتقولين له : صديق..

سوي 2 صندويتش واحد بيض جبن جباتي.. وواحد شكشوكه صامونه

و واحد جاي هليب ( حليب ) بس عشان يفهم ؟

و واهد تندا باني ( ماي بارد )

لا اطلب من المطعم يجيب لي اياه للبيت
او حزات اروح مع ابوي ولا اخواني وهم يطلبون لي

بس اكيد بقوله سندويججج بيض مع فلفل وجبن جباتي مب صندويتش

[ANONYMOUS]

لا اطلب من المطعم يجيب لي اياه للبيت
او حزات اروح مع ابوي ولا اخواني وهم يطلبون لي

بس اكيد بقوله سندويججج بيض مع فلفل وجبن جباتي مب صندويتش

مب زين الفلفل

حتى اسألي مروان بوشنب.. شاق الحلج عشا البورصه مرتفعه..

شكله بيقردها كالعاده