London لندن في اربعة ايام فقط بدل دبي 4 ايام
في الحقيقيه حصلت على اجازه 5 ايام من الدوام ومع الجمعه والسبت صاروا اسبوع
قلت تنفع اروح دبي مثل كل اجازه ولكن للاسف اسعار الفنادق
والله ماهي طبيعية كلش اقل فندق فوق 1000 ريال غير سعر التذكره
لا وكله مافي حجز بعد
الا معارض وما ادري مؤتمرات الخ
المهم جاتني فكره اروح بلاد بارده واعرف لغتهم لاعت شبدي من الغبار والرطوبه
رحت ريجنسي الا لندن بين اعيوني قلت على بركة الله عزمت على لندن
على البريطانيه التذكره 3090 ريال والقطريه 4200 ريال طبعا البريطانيه اوفر لي
والفندق 4 نجوم على 850 ريال حجزت 4 ليالي في فندق اسمه كوماندوور
من 18-5 - 2008 الى 22 -5 - 2008
وتوكلت على الله والسفره هذه انا وحداني
فيزة لندن بحوالي 488 ريال وتخلص ثاني يوم وتكون جاهزه
وبعد على بركة الله
الوصول الى لندن الساعه 6 صباحا في مطار هيثرو 18-5-2008
طيب نشوف اشوية صور واكمل التعليق
هذه الصور بعضها من على ارتفاع 40 الف قدم
و اما شروق الشمس الصراحه شيء ماله حل
المهم وصلت بالسلامه الى مطار هيثرو
طلعت من المطار ادور تاكسي الا افريقي قالي تاكسي ..... قلت له ييسس
كمدوور هوتل وطار بي الى الفندق وصلت الفندق قلت له هاومش قال 70 باوند
ما صدقته الدب قلت له مره ثانيه هاووووماش
قال بكل برود 70 باوند اخ اخ حسبي الله عليه النذل
يبي مني ثمن التوصيله 70 باوند يعني
يعني 500 ريال قطري بس في 5 دقائق
المشوار تقريبا من المطار لين الوكره مب اكثر
دفعت ودعيت عليه دعوه من قلب يدفعهم في تصليح سيارته انشاء الله
نشوف الفندق يمش حاله فنادق استاندر قال 4 نجوم
استلمت الغرفة وحطيت اغراضي وعلى طول طلعت
ادور على بقاله ابي الخرائط مالت لندن والطرق والمواصلات الخ
الله كل الامور سهالات ولا احلى سهالات في سهالات
طلع هذا الشارع التجاري خلف الفندق مباشرة
ومن اهني بدت الرحلة
تعبت اكمل بعدين اشوفكم على خير
|
رد مع اقتباس
المشاركة الأصلية كتبت بواسطة ابوعلي
