(( تحليل سهم الخليج للمخازن ))

[حوت الأسهم]

وينكم يا محليلين ؟؟؟؟

[شذى الورد]

عيدك مبارك وسعيد يا شذى الورد

كل عام وانتِ بخير وبصحه وسلامه

ينعاد عليكِ بالخير واليمن والبركات واسعد اللحظات والاوقات

عيدك مبارك خوي
وكل عام وإنت بخير وبصحه وسلامه
وشكراً على التهنئه .

[كيلو حديد]

والله ابتلشنا بهالسهم اشتريناه ب24 يوم قالوا بيوصل 26 وطاح فوق رؤسنا

معوضين خير باذن الله

[عليان قطر]

لا
تخف
السوق بخير
والسهم مر بحالة بيع
وانتهت ع خير
وان شاء الله
طالع
تفائل
ولا تبيع

[كيلو حديد]

بإذن الله يا خوي

[الوسيط العقاري]

أتوقع السهم راجع مره أخرى لخانة الـ 24 ريال

بالتوفيق للجميع

[حوت الأسهم]

انا بعت السهم علي 24 واشتريت مرة اخري علي 22.9 ونزل بس ما راح ابيع لين يوصل
الاستفادة من البيع والشراء زاد عدد اسهمي والحمد الله
ان شاء الله يواصل الصعود غدا ويوم الاحد ويوصل غدا لسعر 23
بالتوفيق للجميع

[شيط ويط]

نجدد تحليل السهم خصوصا انه كان محط انظار الغالبية خلال الايام اللي راحت .. وان شاء الله احاول اوضح وضع السهم من وجهة نظر شخصية قد تصيب وقد تخطىء .. في البداية واضح ان السهم بعد ماوصل لقاع 17.90 ريال يوم 18-10-2010م بدأ رحلة انطلاقه جديده .. حتى وصل الى القمة عند 24.50 ريال يوم 10-11-2010م .. وطبعا كان لخبر اندماج السهم دور كبير في هذه الانطلاقه وهذا الإرتفاع .. بعد الوصول إلى القمة كان لابد من ان يصحح السهم بعد هذا المشوار .. ونلاحظ في الرسم ادناه بأن السهم اعطى اشارة خروج لما كسر قاع الشمعه عند 23.70 ريال ( اذكر كتبت رد في هالموضوع هل اعطى السهم اشارة خروج للمضارب ) :




بعد ذلك اتجه السهم نحو التصحيح .. وقد صحح تقريبا بنسبة 50% من قمة 24.50 رياال .. وكان منها الإرتداد تقريبا عند ( 21 ريال ) .. واعتقد ان هذا السعر هو دعم لصانع السهم وسوف يجاهد للمحافظة عليه وعدم الإغلاق تحته .. إلا إذا كان له رأي ثاني !!!

ملاحظة كل ما صحح السهم بنسبة أقل كل ما كان ارتداده للأعلى أقوى وأكبر .. يعني لو السهم صحح بنسبة 23% من نسب فيبوناتشي بيكون الارتداد لاعلى اكبر واقوى من تصحيح السهم عند نسبة 50% .. ( النسبة اللي صحح عندها السهم حاليا ) ..

نسب فيبوناتشي راح نحاول نحدد فيها نقاط مقاومة السهم وتتضح من خلال آخر رسمه في هذا الرد ..


خلونا نشوف وضع السهم من بعيد عشان نفهم التحليل اللي انا حاطه اشلون صاير ..

الرسمة الأولى :




نقرب الرسم أكثر ( الرسمة الثانية ) :




وأخيرا الرسمة الثالثة :




طبعا نسب فيبوناتشي نحدد من خلالها نقاط مقاومة السهم .. وشخصيا اشوف السهم امامه مقاومات ومطبات حاسمه وان شاء الله يقدر يتجاوزها لان اذا تجاوزها راح نشوف اهداف حلوه للسهم مثل 25.30 ريال .. وممكن السهم يصطدم بهذه المقاومات وينزل .. لكن وقتها لكل حادث حديث

في حالة اختراق 22.30 ريال راح يواجه السهم النقاط التالية كمقاومات :

22.70 ريال ثم 23 ريال ثم 23.50 ريال ثم 24 ريال

السهم خلال الايام القادمه مطلوب منه يغلق فوق 23.60 ريال .. عشان نقدر نقول ان السهم في وضع جيد وقابل لتحقيق أهداف اعلى مثل 25.30 ريال ان شاء الله

هذا والله أعلم إن أصبت من الله وان أخطأت من نفسي والشيطان .. كل ماذكر اعلاه يمثل وجهة نظر شخصية تحتمل الصواب وتحتمل الخطأ .

[حوت الأسهم]

يعطيك الف عافية اخونا المحلل الكبير شيط و ويط
يا عسل انت هههه

[فلاح 1970]

لا هنت يا بو خالد ..

الله يزيدك من علمه ويرزقك برزق واسع دنيا واخره