نصيحة للمضاربين من واقعي
المضارب يجب ان يقسم المبلغ الى نصفين يعني 50% يضارب بها 50% تكون جاهزة في حال طلب العون والمقصود بطلب العون هو المساندة كتعديل افرج مثال انك اشتريت السهم الفلاني 50 ريال اذا طلع مو مشكلة اما اذا نزل فتنتظر الوقت المناسب اما ان تشتري السهم بالسعر النازل او انك تشتري سهم اخر تتوقع طلوعة يغطي على خسارة السهم والله لا يجيب اي خسارة لأي مستثمر منا .
لا تضع كل ما عندك في سهم شركة واحدة فهذا يزيد من نسبة المخاطرة كن حذر استثمر خطوة خطوة و راقب السهم جيدا مثل ما يباري الصياد الدجيج
النقطة الأهم لا تشتري والسوق ينزل لأن احتمالات نزوله اكثر واردة ولكن اشتر في بداية الطلوع وعند وصول السعر الى تارجيت معين بيع وان ما وصل التارجيت وحسيت ان السهم بدا يترنح وبينزل بيع واذا شريت والسوق نزل انصحك لا تبيع الا اذا كانت عندك قناعة بأن السهم مايستاهل السعر الي شريته و اذا بعت روح لسهم شركة ثانية تتوقع طلوعها . او لا تبيع وعدل افرج حتى يطلع وتبيعه .
اخواني هذا من واقع تجربة احتمال صابت معي و تخيب مع غيري لكن انا اخذتها من تجارب وقرأت لغيري والحمد لله صابت
[SIZE=3]لا تشتري بكل ما عندك وتفوت عليك فرص فيما لو نزل عندك السوق
لا تشتري والسوق ينزل اشتر بداية طلوع وبيع بداية نزول والا اذا وصل التارجيت
لا تضع كل استثمارك في سهم شركة واحدة التنويع يقلل المخاطرة و ارضى برزقك
الأهم وثم الأهم
قلب قوي لا تتحسف على الي بعته ولا تتحسف انك شريت ان ربحت احمد ربك وان خسرت احمد ربك وحاول تقلب الخسارة ربح