شوفوا بس مين بتصل وبسأل عني!!!...بس للمنتدى
يوميات
شوفوا بس مين بتصل وبسأل عني!!!...بس للمنتدى
ملاحظه
اخي الكريم اختي الكريمه.....كما قلت لكم سابقا في القصص القديمه .....و اعيد واقول الان ان اي اسماء اذكرها هي ليست اسماء حقيقه.......فلو انني ذكرت اي اسم لخطيبتي او لزوجتي او لحماتي او لاحد اصدقائي او لاسماء زوجاتهم ...فهي ضروريات من اجل سهولة طرح القصه ....وليس بالضروره طبعا ان تكون القصه حقيقيه فعلا ..ربما تكون حقيقيه او خياليه...وجب التنبيه
الاثنين:
الساعة 10:30 صباحا
كان اليوم برد والدنيا بتمطر بغزاره على غير العاده بس كالعاده اتصلت على زوجتي طمطم خلال اوقات العمل لانها بعد خمس سنوات زواج مازالت تطلب مني حب سينمائي لا ينقطع ولابد اني امارس دور العاشق الولهان اللي بيحترف حرفة العشاق فلابد من اني اتصل فيها كل يوم لأبث لها التيعاي واشواقي الحاره وبعض الكلمات الناريه وكيف اني من الصبح مش عارف اشتغل من ساعة ما تركتها ورحت الدوام واني مستني الساعه اللي يخلص فيها الدوام علشان ارجع كالمصروع على قفص الزوجيه ولو ماسويت هذا السيناريو العاطفي كل يوم فهذا معناته اني بطلت احبها و انه في وحده ثانيه بحياتي ويترتب على هذا الشيء انها تقاطعني وتنغص عيشتي وما تطبخلي ولا تجهزلي ملابسي ولا تحيك زر مقطوع وما بتصالحني الا برساله عاطفيه ملتهبه باخذها من كتاب دليل المشتاق في وصل العشاق....
المهم كانت هي بالدوام مثلي وبعد كلمات الترحيب والذي منه خبرتني انها اتصلت على البيت فخبرتها الخدامه انه في واحد اتصل وسأل عني بالاسم كامل وكان بتكلم بطريقه ناشفه شوي وكيف انها خافت من لهجته لما سألها عن رقم جوالي فما رضيت الخدامه تعطيه اياه بحجة انها ما بتعرفه رغم اني كاتبه لها في حالات الطوارىء لا قدر الله.
ضحكت على غباء الخدامه وكيف انها تخاف من مجرد واحد مجهول بتصل علي وكيف انها منعته انه يتصل فيي مباشرة كأني شخص مجرم والا عامل لي عمله وانها بتتستر علي وطلبت من طمطم تفهمها انه احنا ناس محترمين وانه ما في شي بخوفنا ولا مخبين شيء وانه لو مره ثانيه واحد اتصل فتعطيه رقم تليفوني على طول من غير تردد واذا عنده شي يتفضل يقوله.
الساعة4:45 مساء
روحت البيت بعد يوم دوام طويل و ممل ورحت اشوف الرقم على الكاشف علشان اعرف مين هذا المجهول اللي اتصل علي الساعة 8:35 الصبح ....ومن خلال الرقم عرفت مقر الشخص المجهول فتذكرت اني رحت على شركة النقل البحري في مقرها السابق على الكورنيش وعلى شركة التوظيف اللي فوقها وكيف اني قدمت طلب وظيفه لطمطم من فتره فاستبشرت خير وانهم الظاهر اتصلوا علي علشان يبلغوني عن وظيفه شاغره ان شاء الله
حاولت اتصل على الرقم ولسبب مجهول يعود الى عدم وجود شخص بجانب التليفون او لانهم مسكرين فقدرت انه الرقم اكيد بيكون من شركة التوظيف مش من النقل البحري اللي دوامهم صباحي بس فقررت اتصل عليهم ثاني يوم الصبح ان شاء الله.
الثلاثاء الاسود:
الساعة 9:15 صباحا
يا فتاح يا كريم
اتصلت على الرقم فرد علي شخص فسألته: عفوا ايش هذا المكان علشان اقوله بعديها انه امس اتصلوا علي واذكره باسمي بكل فخر فرد علي :هذا الله يسلمك امن العاصمة!!!!! فقلت له أأأأأأأأأأه عفوا النمره غلط انا اسف!!!! وسكرت السماعه على طول.
النمره غلط؟؟؟!!!!!...قال النمره غلط قال
امن العاصمة؟؟؟؟!!!!!!....امن العاصمه يتصل فيي على البيت مره وحده؟؟؟!!!..ويطلبني باسمي الكامل كمان؟؟؟!!!.....طيب ليش؟؟!!...صراحة وقع علي الخبر وقع الصاعقه وما عرفت ايش اسوي
اتصلت على طمطم وانا في قمت الحيره والذهول والاستغراب ومش عارف ايش احكيلها..
- عارفه مين اتصل علي امبارح؟
- لا مش عارفه.....خير....مين..شركة التوظيف؟
- شركة التوضيف......كان زين...الله يسلمك اللي اتصلوا هم امن العاصمه
- لما سمعت امن العاصمة انتفضت ورقعت بالصوت العالي لدرجة انه ظن الموظفين اللي حوليها اني انتقلت الي رحمة الله
- طيب ايش بدهم منك يا خلدون....لا يكون عاملك عمله من وراي...اعترف....اوعك يا خلدون تكون مسويلك عملة سوده و تورطت فيها و تورطنا معاك
- يا بنت الحلال شومالك ...ايش العمله السوده وهالخرابيط هذه؟....انتي ما بتعرفيني يعني ؟!!!
- مهو المصيبه اني عارفتك!!!
سكرت السماعه وانا مازلت مذهول و ملخوم ومش عارف ايش اسوي وتفكيري مشلول تماما ونسيت الشغل خصوصا اني مش عارف ايش بدهم مني ومستغرب ليش ما اتصلوا علي اليوم كمان...هل هم مستنييني اتصل بنفسي والا اسلم نفسي....اسلم نفسي...شو انا مجرم...على طول حسيت نفسك مجرم ومتهم يا خلدون ومسويلك عمله واشتبهت بحالك كمان؟....معقول ؟!!!
المشكله اني لو عارف ايش بدهم مني كان نص مصيبه ومهيأ نفسي لهم ومحضر جواب لاسألتهم بس المشكله اني ولله الحمد مش مسوي شي ولا عارف ايش بدهم...حتى مستغرب ليش ما اتصلوا علي اليوم...يعني بلعبوني لعبة القط والفار ومستنييني اتصل بنفسي...طيب لو انا ما اتصلت عليهم يعني هم عاجزين عن انهم يطولوني لو اني بسابع ارض؟؟!!
وصرت اتخيل كيف اني بالبيت وبرنوا جرس علي زي الافلام والمسلسلات وبفتح الباب وبلاقي ضابط شرطه مع شوية مساعدين و بسألني انت خلدون...ايوه نعم...تفضل معانا لو سمحت على بيت خالتك!!!...معانا امر تفتيش الشقه ..فتشوا الشقه يا رجاله!!!! ....وكيف انهم بجروني من قفاي على البكس قدام الجيران والناس وكيف انه الجيران بصيروا يتهامسوا علي وبضربوا كف بكف واللي بيقعد يقول اللهم ارزقنا بحلالك عن حرامك والثاني بقول عمره المال الحرام ما بعيش والثالث بقول المحتال بموت قبل اوانه والرابع بيقول يا غريب كون اديب!!!!
بعد ما سكرت السماعه مع طمطم بساعه اتذكرت انه ممكن يكونوا اتصلوا على البيت مره ثانيه وانه الخدامه ممكن هالمره ترد عليهم وتعطيهم رقم تليفوني مثل ما وصيتها امبارح واروح فيها ويتصلولي مباشرة هالمره فقررت على طول اتصل عليها واحكيلها انه لو احد اتصل وسأل عني ما تعطيه تليفوني تحت اي سبب من الاسباب ...صحيح اني راح يتسود وجهي امامها خصوصا اني امبارح بس فهمتها بالليل انه لو احد اتصل فما تتردد وتعطيه رقم تليفوني ...يعني معقول اظهر بمظهر المتناقض امامها بين يوم وليله...بس ما باليد حيله
اتصلت على البيت وما في احد برد...يعني وقت الخدامه انها تنطرش مثلا وما تسمع التليفون...كأنه هذا وقته...ظليت اتصل وما في فايده كأنها موصيه انها ما ترد بالمره
اتصلت على طمطم أسألها ايش مالها الخدامه ما بترد على التيلفون لقيتها مسكرت جوالها...كملت
الساعة 4:15 مساء
رجعت البيت وما لقيت احد بالمره لا طمطم ولا الاولاد ولا الخدامه ولقيت رساله صغيره زي الافلام على الطاوله مكتوب عليها
عزيزي خلدون
سلامو عليكو!!!!
يا سلاااااااااااااااااام...وقت طمطم كمان انها تهجرني وتترك البيت وتشتبه فيي وترفض الاتصال فيي على اساس اني مجرم ومتهم وانه اي اتصال فيي بعرضها لشبهة وتستر وتورط معاي؟؟!!!
قعدت بالبيت اضرب اخماس بأسداس وسألت حالي ليش هالخدامه الغيبه ما عطتهم تليفوني من اولها وخلتهم يتصولوا علي ويسألوني ايش بدهم وافتك....بنفس الوقت لمت نفسي انه الخدامه رغم انها ما سوت هذه الحركه بس الحل بيدي واني انا ممكن اتصل عليهم واعرف ايش بدهم و اريح حالي ...بس هل انا عندي الجرأه اسويها ؟؟!!!
صرت احاول اتذكر ايش مسوي يا خلدون الايام الاخيره وقعدت احاول اتذكر كل المواقف والمشاكل اللي مرت علي واقيس فيها هل ممكن توصل فيها لتبليغ ضدي في امن العاصمه....حتى ما لقيت اني قاطع اشاره حمره ولا زرقه ولا متخالف بالمرور ولا متخانق مع واحد على الطريق نتيجة الزحمة ولا اي شي على غير العاده !!!!...وظليت استرجع شريط ذكرياتي لعل وعسى اوصل لسبب وفجأة تذكرت!!!
معقول يا خلدون انه اهل سوسو عرفوا انك بتحكي معاها على التيفون وبلغوا ضدك....بس لا برضه مستحيل اكون انكشفت وانه هذا هو الموضوع لسببين:
ثانيا الموضوع مضى عليه 18 سنه ...يعني من ايام المراهقه
و اولا سوسو واهلها اصلا مش بالدوحه يوم كنت احكي معاها ...كنت ايامها ببلدي
طبعا ذكرت ثانيا قبل اولا لاني مش عارف احدد بالضبط مين اهم من السببين خصوصا انه تفكيري مشلول
ظليت طول اليوم قاعد بالبيت لحالي وعلى العتمه كمان بفكر وسرحان وعيني على الباب والساعه والتليفون والجوال وكل شوي بتوقع بين لحظه وثانيه انهم يدقوا الباب علي ويجروني معاهم من قفاي
الاربعاء:
كأنه وقته يعني...ايش ذكره فيني ابن خالي خليل الزفت هذا...ما بيجي من وراه خير...لا يكون عرف بالموضوع و بشمشم اخبار...هذا اللي بنقصني .....انه يكون عارف بالموضوع ويقوم يفضحني بالعيله ...خصوصا انه لسه ولا احد بيعرف عن الموضوع ولا انه طمطم تركت البيت وراحت عند اهلها زعلانه ...زعلانه من ايش الله اعلم.
احسن شي اني اهمله وما ارد على التليفون واسوي نفسي مش منتبه لاتصاله لانه اخر شخص اتمنى اتكلم معاه في هذه اللحظه هو هذا الشخص بالذات
استمر الوضع على ما هو عليه كم يوم اصحى الصبح اروح على الشغل وانا سرحان وبعالم اخر وما اعرف كيف راح ينتهي اليوم واستنى يخلص الدوام علشان ارجع على طول على البيت مباشرة وأسكر الباب على حالي واظل افكر وانتظر مصيري المجهول لدرجة اني صرت اتمنى انهم يجوا لعندي ويقبضوا علي ويريحوني ...وصرت افكر اروح لعندهم برجلي واقلهم انا خلدون ...انا حأعترف بكل حاجه ...بس اللي منعني اني مش عارف على ايش بدي اعترف لحد ما الاقي حالي نايم على الكنبايه ومش عارف متى نمت ولا لوين وصل فيي التفكير
تخيلت كيف انهم خلاص قبضوا علي بالنهايه وسفروني على بلدي وكيف انه اهلي واصحابي صاروا يسألوني ايش مسوي وهل لقيوا عندي حشيش ولا كوكايين ...وكيف انه يطلعلي واحد غبي منهم ويقولي تخيل يا خلدون انا ما عمري شفت الكوكايين ولا الحشيش...بالله عليك كيف شكله و لونه احكيلنا ...ما هو انت كنت بتتجر فيه فيرد عليه واحد مستنكر سؤاله الغبي ويقوله : معقول يا فلان .....وصلت فيك المواصيل انك بدك تتعلم الحشيش من حشاش كوكايين رخيص مثل خلدون!! ...ولما انكر يصيروا يقولولي يا خلدون ما في داعي للانكار..تاجرت بالحشيش وانقبض عليك واللي كان كان ...وكيف انه اهلي واصحابي صاروا يتطلوعوا علي بنظرة استرخاص واستحقار كأني تاجر حشيش والا حرامي ولا مرتشي ولا نصاب والا يمكن صاحب قضية اداب لا قدر الله....وكيف انهم صاروا يستنتجوا كيف انه خلدون الله فتح عليه وقدر يشتري بيت وسياره مستعمله في نفس الفتره مع انه الله بعلم انه كل بالاقساط
|
رد مع اقتباس
يسلمووو خيو .. عجبتني القصة واايد
المشاركة الأصلية كتبت بواسطة التيما
