سويسرا معلومات عنها فنادق اسواق كل شي حياكم

[خشوف]

المطاعم في لوزان

المطاعم في لوزان متنوعة و فيه كلية للطبخ تخرج طباخين عالميين فهذا يعطي سمعة كويسة لمطاعم لوزان فيه مطاعم نمساوية و المانية و سويسرية مثل كافيه بيو ريفاج في اوتشي تابع لفندق قصر بيو ريفاج جلستها حلوة و رومانسية و تطل على مناظر رائعة للبحيرة و اوتشي.
كافيه دي لاايفاشيه إذا كنت تبغى تجرب الفوندو و هي اكلة سويسرية عبارة عن قدر خاص فيه خليط من الجبن السويسري ((لازم تتأكد من انه ما فيه منتجات خنزير)) و طريقة الأكل بانك تاخذ اسياخ خاصة بالأكل و تحط فية قطعة من الخبز المحمص او النقانق البقري او اللحم المقدد و تغمسها في الجبن مممممم لذيذة مرة حرام تروح سويسرا ما تذوق الطبق هذا
اذا انت من عشاق الأكل الإيطالي فعندك مطعم فيافينتو نسيت في اي شارع بس اعتقد في دي لا باغ و مطعم في بوللي اسمه لي قروتّو
مطعم مانورا للأكلات الخفيفة و السندويشات في ساحة سانت فرانسوا على فكرة الساحة هذي مليانة مطاعم.
و مطعم او كانارد بيكنوي للأكلات الآسيوية مطعم حلو مرة و فيه مطعم صيني اسمه كوانق مينق في فيدي.
و للي يحبون المكسيكي مطعم مانانا لا بأس فيه فيها فرقة موسيقية مكسيكية تعطي جو.
و مطعم موفينبيك تابع لفندق موفنبيك في اوتشي بس تقطع الشارع من اوتشي تلاقيه قدامك المطعم حلو و الجلسة حلوة و فيه جرسون متعاون جداً يشبه سباستيان ((الشغال عند كلير عرفتوه )) اذا شفتوه اسألوه عن الأكل الحلال الموجود عندهم و راح يفاجئكم بأكلات مطبوخة بالخمور و مشتقات الخنزير و تحسونها من المنيو انها عادية .
و أخيراً المطعم العربي الوحيد اللي لقيته في لوزان اسمه كسكس في وسط المدينة يقدم اكلات شرقية و اكلات المغرب العربي و متخصص في اكلة الكسكس المغربية.