طريقة الطلب من النت بالتفصيل ( للفايده العامه )

[up-limit]

اخوي انا ضفتك في الماسنجر

عندي استفسارات شوي

يعني بتعبك خلك جاهز

ابشر بسعدك وانا جاهز اخوي

[up-limit]

يعطيك العافيه

الله يعافيج اختي

[السهم طايح]

يعطيك العافيه اخووي وما قصرت وبيض الله وجهك
ويستااهل التثبيت ...

تحيااتي

[فتى الجود]

ولله أنك خطير وتستاهل التثبيت

[tajirqatari]

يعطيك الف عافيه اخوي على المجهود المبذول

وتقبل تحياتي ومروري

[المطرقة]

شكرا على هالموضوع وهالنقاط .. وحبيت أضيف هالرد للاستفاده :

1- قيمة الاشتراك او فتح صندو بريد في ارامكس = 120 ريال قطري فقط .. تدفعها مره وحده في العمر ومافيه رسوم تجديد ومن هالسوالف .. وطبعا يعطونك عنوانين واحد في بريطانيا والثاني في امريكا ....

2- لين تشتري غرض من اي موقع تحط عنوان ارامكس الخاص فيك على حسب سواء في بريطانيا او امريكا .. لان بعض المواقع تتعامل مع امريكا وبريطانيا فقط .. عقب ما يطرشون لك الغرض على عنوانك .. تقوم شركة ارامكس بشحن الغرض الى عنوانك الاصلي وياخذون عليك رسوم الشحن وتدفعها اهنيه في الدوحة .. وتتراوح في الغالب بين 30 ريال لين 100 ريال وحسب الوزن ..

3- أفضل ان كل واحد يفتح له حساب في www.paypal.com وهذا الموقع عباره عن وسيط يضمن لك فلوسك .. بحيث بعض المواقع التجارية تحط من ضمن خيارات الدفع بواسطة باي بال .. واهي طريقة مضمونه وسريعه للدفع .. ميزتها انك تدفع عن طريقهم بواسطة الفيزا كارد اللي عندك .. وعقب هم يشعرون البايع انك دفعت قيمة الغرض الفلاني .. وان فلوسك موجوده عندهم .. وعقب راعي الموقع يطرش الغرض لك ولين يتأكدون ان الغرض طلع من عندهم يسلمون الفلوس لراعي الموقع .. وفي حالة ما وصلك الغرض او طلع فلوسك اتم محفوظة وترجع لك ..

4- حتى تتأكد من ان الموقع اللي راح تشتري منه موثوق ومب وهمي .. راح تظهر لك صورة القفل جنب العنوان في المتصفح فووووووووووووووووق .. وطبعا راح يظهر رمز القفل لما توصل لمرحلة الدفع في الموقع .. وكما هو واضح من الصورة أدناه :



اذا لم تظهر لك صورة القفل معناته الموقع مشبوه او مش آمن .. وعموما هناك مواقع شهيرة تغنيك عن بقية المواقع وفي الغالب تلقى ضالتك فيها .. واشهرها

موقع امازون .. وموقع اي بيي

www.amazone.com

و

www.ebay.com


5- نصيحة قبل لا تشتري اي غرض سو عمليتك الحسابية لقيمة الغرض وتكلفة الشحن وعقبها شوف هل الغرض يسوى هالقيمة والا لا .. وهل موجود في الدوحه والا لا .. وعقبها انت اللي اتقرر ..


6- الشراء عن طريق الانترنت يكون للاشياء الخاصة والغير متوفرة عندنا هنا .. واحيانا كثيرة لاشياء نحب نتميز فيها او نشوف ان سعرها مناسب مقارنه مع سعرها في الدوحة .. مثلا انا قبل اسبوعين تقريبا شريت كفر للايفون اللي عندي .. كلفني مع الشحن 80 ريال .. وطبعا اللي خلاني اشتريه انه مش متوفر في الدوحة .. ولقيته في دبي لكن قيمته تقريبا 200 ريال .. لذلك بحثت في الانترنت ولقيته وشريته ..

6- الشراء من مواقع الانترنت متعة حلوه خصوصا لين يتصلون عليك من ارامكس او فيدكس يقولون لك ترى لك غرض واصل عندنا تعال استلمه

7- العائق الوحيد اللي يزعجك في عملية الشراء من الانترنت اهي قيمة تكلفة الشحن .. احيانا تشتري غرض وتلقى تكلفة الشحن اغلى منه .. على سبيل المثال مره شريت ساعة يد رياضية مائية من مزاد على الانترنت بقيمة 32 دولار مع ان سعرها المقارن تقريبا 300 دولار .. لكن لين شحنتها من هناك دفعت 45 دولار حق الشحن يعني اغلى من سعر الساعه

8- الشراء عن طريق الانترنت لا يشمل شراء الاغراض ولكن يشمل ايضا حجز تذاكر السفر والفنادق وتأجير السيارات .. وفي هذا المجال الاسعار تكون متفاوته بدرجة كبيرة ان بغيت تحجز عن طريق مكتب سفريات في الدوحة مثلا ..


تحياتي لكم واتمنى قدرت اضيف شي من المعلومات المفيده لكم ..

[لولوتي]

بالفعل موضوع مهم
انحرجت مع احد الاخوان من كم يوم من كثر جهلي بهذي الامور
ولكنه الحمد لله استحمل جهلي وعلمي بسعة صدر

وكل الشكر على الموضوع

[time is running]

يعطيك العافيه خوي على المعلومات الحلوه

[time is running]

بغيت اسالك هل مره طلبت كمبيوتر من برع وهل فعلا مجديه انك تطلب من برع مع التكلفه الخ وسعر الدوحه ياريت الافاده اذا امكن

[up-limit]

يعطيك العافيه اخووي وما قصرت وبيض الله وجهك
ويستااهل التثبيت ...

تحيااتي

الله يعافيك الغالي وويهك ابيض وشاكر لك مرورك