الله يسلمك يا انسان ..
تشكر على هالمداخلة .. نتمنى ان الميرة تنافس الأسعار في كل شي
مب بس في البيض وحليب صافيو .. بس للأسف ان نشرة الأسعار
هي اللي اتخلي الميرة في ذيل القائمة من حيث الرخص ..
عفوا لك
صحيح يا امير المحبة
الناس هم اللي يتغيرون ويسجلون التغيير باسم الزمن
من جذيه نشتاق لأيام زمان لأشتياقنا لناس ايام زمان
العفوا واهلا وسهلا بك
خطوة غبية يا اخونا هيتش
وكلن ممكن تصحيح هالخطوة ؟
هذا ما نتمناه .. والعفو وشكرا لك على تلبية الدعوة ..
هي كانت مدعومة من الدولة.. ولها راس مال محترم
والناس ساهموا ايضا ..
بس المشكلة اللحين لما تحولتمن جميعات تعاونية
صارت ما تنافس شي ..
مع طلوع كارفور
شفنا بعض الخطوات الايجابية من قبل جمعية المنتزة
زادات عروضهم المجانية .. وصاروا يحاولون انهم
ينافسون كارفور ..
لكن اللحين الميرة تنافس نفسها ..
هذا هو لب الموضوع
عزيزي الزاجل..
إسمحلي أقتبس كلام لأخونا الخبير العقاري بو حارب في أحد مواضيعه :
يعني الاشخاص إللي إستفادوا من تحويل الجمعيات إلى الميره أقدر اشبههم بمقاولين البنيان التجاري..
يعني إهتمامهم يكون بالشعار و المدير الحمر أبو بدله و إللي يمثلون الكماليات و التشطيبات في البيت التجاري إللي تغطي على الأساس المغشوش المتمثل في محاولة توفير مصاريف التخطيط في جيوبهم لأن عيوب هذه التخطيط الفاشل ( إن وجد تخطيط من الأساس ) لن تظهر إلا بعد بيع الجمعيات و تحويلها للميره و ممارستها لعملها و ساعتها بتكون الطيور طارت بأرزاقها و بيكون الفاس طاح بالراس مثل ما حدث الآن.. تماماً مثل تصدع البيت التجاري بعد فتره قصيره من شرائه..
المقاول باع البيت و إستفاد و ما همه لو البيت يخر ماي أو تشققت الطوف أو حتى طاح البيت فوق روس أهله..!!
أتمنى يكون التشبيه واضح لك و للجميع.
التعديل الأخير تم بواسطة Index Signal ; 12-03-2008 الساعة 02:14 PM
فرجت قريحتك بما يتوافق مع المتطلبات الحديثة
للصراحة ..
واعتقد اننا جميعا نسير في قارب واحد
ونتطلع الى السير قدما في طريق القضاء على
المرتزقة الذين يعتمدون على قوتهم
من أكل ارزاق الآخرين ..
وسنضرب بيد من حديد لكل من تسول له نفسه
بالتلاعب في اموال الناس ..
تصريح رسمي من مسؤول رفيع المستوى
شكرا لكم
الزاجل
مسؤول كبير في دائرة الكذب على العالم
قريت الموضوع كله
وبعد الاخذ والرد بيني وبين نفسي
اعتقد يامسيو زاجل
بأني من مقاطعين الجمعية من يوم مااصبحت تحت مسمى الميرة
الجمعية قبل كانت حلوة تفتح النفس وكل شي فيها
حتى الي ماتتوقع تلاقيه
اما الحين
واحسرتاه على الزمن الجميل
صرت اكسل اروح اتسوق والسبب ان
الجمعية القريبة مافيها شي
فلازم اتعنا الى مكان ثاني وادخل فالزحمة ... الخ
عشان اوصل الهدف المنشود
لذلك نقول ان الميرة لازم تراجع حساباتها الف مرة
اسعار غالية وكل الاغراض ناقصة
ليش اسمها جمعية مدام الاغراض ناقصة وبروح ادورها من مكان ثاني
لا ومغبرة وتيب المرض
محد باقي في جمعيتنا من اثار السابق الا الي يحاسبون والمراقب .. الله يخليهم يذكروني بالماضي
تبي الصج كل شي قاعد يتغير بسرعة كبيرة الله يستر من الياي
ونعتذر على التاخير توني اشوف
شكرا لك
وطر مضى يالزاااجل
لن يعووود ابدا
فالجمعيات التعاونيه كانت بالفعل المكان الذي يستهوينا ولا نفكر في غيره ابدا
الميره اصبحت مره ولا طعم لها ولا رائحه
اخبر كانت جمعيه المنتزه هي الجمعيه المفضله عندي رغم بعد المسافه
وكنت اروووح لها اخر الليل اشتري كل اغراض البيت منها
والله يالزاجل ذكرتنا بوقت مضى
وخصوصا بالكوبونات والارباح اللي كانت توزع علينا كنا نحس ان فلوسنا ما تروح بعيد
على قولة المثل دهنا في مكبتنا
تحياتي لك
لا إله إلا أنت سبحانك إني كُنتُ من الظالمين ،، أستغفرك وأتوب إليك
اوبسسسسسس
لا في فرق ياخي هذي تجارة ذيك مغامرة او بالاخص مقامرة ولكن مشروعة
وصدقني قدرتها التنافسية مع قاعدتها الجماهيرية كبيرة جدا وممكن تنافس
بس محتاجة ناس يفكرون صح ويعرفون بالتسويق
على فكرة انا مرة حضرت اجتماع الجمعية العمومية لجمعية فريجنا القديم تحب اذكر لك وش صار قمة الشفافية والانتقادات ياليت نشوف مثلها هالايام
وشكرا
يارب ياوافي العطا - جنبني دروب الخطا - واغسلني بثلج العفو -والبسني من سترك غطا ...
وين ايام زمان
الله يرحم
أقول الزاجل ..انا استانست يوم كتبت ( دعوة مجانية لا تفوتها ) ذكرتني بايام الهدايا المجانية إلي تجيك بالعرض الخاص مال جمعية الدفنة .. عفوا الميرة .. كانت صج هدايا .. تشتري الغرض وانت ربحان ..
عالعموم مرة من المرات رحت استلم تشيك الارباح ... ( على أيام عز الجمعيات ) إلا واتفاجأ بالمبلغ إلي حاطينه بالتشيك يادوب تصب فيه بترول (عاد مصختها عاد ... شدعوه راكب يخت) .... المهم إلا واحد من المساهمين يجط كلمة وهو محرك (مبروك عليكم مظلات السيارات ) ..
نقطة اخيرة .. رفيجي يشتغل بالبنك المركزي .. سألته : (انتوا غيرتوا عملة النص ريال.. لعلوج بو ربع) ..
شاكر لك دعوتك ..