&& المـــيرة والجمعيات التعاونية &&

[الزاجل]

المشلكه
ان قل الحوافز

والجذب للمستهلك
اول الناس تتعنى تروح الجمعيه التعاونيه
وبعد الادارة لها دور في ابتعاد المستهلكين عن الميره
لو الاداره قطريه تعرف طبيعه المواطن القطري
واحتياجاته جايبين ادارة كل همها الراتب
وتشغيل الي من جنسياتهم
المفروض بما انها شركه مساهمه
يكون للمساهم القطري دور
حتى في ترشيح مجلس الادارة
وله دور في القرارات التي تتخذ
..............

من غيرو اسمها تغير كل شئ
واسمها ماحبيته
شنو الميره مادري منيره

وتسلم الزاجل على الموضوع المهم

الميرة يا شاهيناز هي مونة البيت
لما الواحد قديما وللحين الكلمة متداولة
يقول بروح امير البيت
او ميرت البيت ..
فالميرة لها معنى مادي .. وهو زاد المسافر او تموين البيت
وله معنى معنوي انه فيه راحة للنفس ..

اتمنى ان يكون للمواطن او المساهم في الشركة
دور فاعل في ترشيح مجلس الإدارة ..
مب الأكبارية يخمون الأسهم ويرشحون بعضهم البعض ..

من وجهة نظري كارفور اسحبت البساط ..ابسط الأشياء اللي دايما تستخدم ماتتوفر في الميره

شكرا

ردينا على سالفة البساط

كارفوا وغير كارفور اسحبوا البساط وبقوة ايضا ..
عفوا

الله على ايام جمعية اليرموك يازينها زيناه لي رحناها كنه العيد ....
لا ويوم العيد لي جمعنا همشة فلوس ركيض عالجمعيه مشي والعرق يصب .......
اما اليوم الله المستعان لو دشينا بس تمشيه مالنا غرض نشتري طلعنا ب400 ريال!!!اقلها طبعا
اخر مره رحت فيها طلعت ب1700 ريال بججت عيني عالجاري شنو خذت عشان يطلع لي المبلغ ذي والله اشياء ماتستاهل السعر ذي بس شنقول غير الحمدلله على كل حال
جزاك الله خير اخوي الزاجل

الله على ايام العيد والاستعداد له
ما يحلى لك المكان الا في الجميعة
لكن اللحين ريح بالك وطرش السايق وافتك
الحمدلله على كل حال يا اعالي الجنان
ويجزيج ربنا كل خير

الميره غالية وبضايع قديمة ومب كل اللي تبيه تحصله و مجثيه من الغبار والعفيسه لدرجة ما تتفتح نفسك انك تشتري

عني من رواد ميغامارت و التموين العائلي وبعض الاحيان كارفور

الكل يقول الميرة غالية
هل يا ترى المسؤولين عنها ما يدرون ؟
تحية لج..> شسمج صعب مااعرف اقراه ؟

اتفق معاك أن يتم العمل على تشجيع المساهم أو المستهلك بطرق معينه كما تفضلت وأيضاً لمصلحة الجهتين ..
من جهه الجمعيات المستفيدة من ذلك ومن جهة أخرى مراعاة المستهلك من حيث وجود أجود المنتجات والأسعار التي تناسبه ..

لكن للأسف الشديد ليس لديهم التخطيط الناجح ولو أيقنوا ذلك فسيصب في مصلحتهم في الدرجة الاولى لكن هذا دليل على سوء التخطيط ..

فعلى سبيل المثال .. لديك مشروع معين ستبحث عن ما في السوق لكي تقوم بعمل ما يميزك عن غيرك لأنه سيجذب المستهلك لبضاعتك وذلك عن طريق
توفر الأسعار المناسبة وأجود البضائع وعروض تخص المستهلك كما كانت متبعة من قبل في الجمعيات الاستهلاكية ..

ولكن في الأخير الجمعيات الاستهلاكية هي الخسرانه في الدرجة الاولى الان المستهلك قد يجد حاجته وما يناسبة في اماكن اخرى وفي الوقت الحالي تعددت الاماكن الخاصة بالمواد الغذائية ..

شخصياً لا اعترف بالجمعيات ومستحيل ان أتعامل معها وكانت اخر مرة قبل أكثر من 4 سنوات ..
الأنه لما أروح اشتري أشياء بسيطة وتطلع بـ 1000 ريال أطالع الجاري فاااااااااضي اقول أنا شنو إلي شريته وأستغرب من الأسعار !!!!

وذكرت من قبل بأن وزارة المالية قامت بعمل إحصائية عن أسعار البضائع الاستهلاكية بين الجمعيات الاستهلاكية والمجمعات
واتضح بأن كارفور كان الأقل في الأسعار وأعلى الاسعار كانت جمعية الميرة في اعتقادي ..

ولكن صدقني هم الخسرانين في الأول والأخير والله يخلي لنا كاريفوري على قولت الهنود ..

وما عندكم حجه صار له فروع غير الستي فيه في فيلاجيو وقريباً جداً في الاند مارك (على فكرة ميغامارت سمعة انه إغلق او سيغلق الانه عارف مكانت كارفور واسعاره) ..

وأخيراً أشكرك اخوي الزاجل على الموضوع المهم ..

شتقولين يا أميرة الدلوعات
اللي يفقص المرارة
اشلون ما يدرون عن هالشي ؟

يوم كتبت الموضوع ظنيت اني حالة خاصة
لكن من النتيجة اللي اطلعت الكل يحس ويعاني من اللي احس فيه ..

طيب هالمسؤولين على الشركة ما يحسون مثلنا ؟
واخيرا عفوا لج وعلى مشاركتج

[سهم بن سهم]

بوزعبل اسم مجازي لكل سجون العالم ، خبرك عتيج مب عدس الحين وجبات على كيف كيفك لا والريوق بيض بعد ، مجبوووووووووس ، وسمج ايييييييييه والله وين نقدر على وجبات خفيفة لا خلاص انا ما لي شغل ما قلت شئ تجربة الكويت اعجبتيني وقلتها وبس
بس انا ما اعرف ايود لساني للاسف واخرتها بو زعبل انا والورعان وابوهم بعد
الزاجل بروحه يبي كفيل انا وين اطق براسي عقب ؟؟ العياييز مساكين ما لهم احد




تحياتي اخوي سهم ولد سهم

دام المكان فيرست كلاس ومافيه عدس ووجبات على كيف كيفك يعني تنصحيني اخذ هناك فترة نقاهه

شوفي يالطيبه ترى مافيني شده على الجلد كلش قال لي الدكتور في مستشفى حمد يبي لك علاج طبيعي يعني مساج مو جلد الله يصلحنا وياك

بس شلون اقدم الطلب ؟؟

[Index Signal]

تحية لج..> شسمج صعب مااعرف اقراه ؟

كراميلا <--- متابع من بعيد لبعيد

[ضوى]

دام المكان فيرست كلاس ومافيه عدس ووجبات على كيف كيفك يعني تنصحيني اخذ هناك فترة نقاهه

شوفي يالطيبه ترى مافيني شده على الجلد كلش قال لي الدكتور في مستشفى حمد يبي لك علاج طبيعي يعني مساج مو جلد الله يصلحنا وياك

بس شلون اقدم الطلب ؟؟

[سهم بن سهم]

بل ماصدقت المره افا واناخوك ليش عاد ؟؟

شايب مافيني شده


صج عيوز تبي تفتك من الشايب

بس تعرفين في التحقيق باتهمك بانك المحرضه على الجريمه

[الزاجل]

خذ رأئي (الشخصي)،بما إنه ما يمدح السوق إلا من ربح فيه،فالظاهر انهم ما عاد
يناسبونك،لذلك ما الله بحادك عليهم، أعمل مقارنة لأرخص الأسعار في السوق
وعقب أنت أعّرف.
أما (الميرة) إذا لك شيء عندهم..أخذه وحاول تنسحب بأقل الأضرار.
تحياتي،،،.

يا اخونا بو حظين
مب موضوع يناسبوني او اناسبهم
الموضوع انها شركة كبييييرة مب مشروع صغير
شكرة طغت على جمعيات الناس كلها كانت مبسوطة منها
فليش ما يحاولون انهم يردون لبسمة لويه الناس ؟
على الأقل هم الربحانين
بدل ما تزيد خسايرهم .
يعني ما يبون يعطونا كوبونات بلاها من كوبونات
خلهم ينافسون الأسعار اللي في السوق
يجذبون زباين بدل ما هم امطفشين الزباين الأساسين للجميعات السابقة .

السلام عليكم ..

انا ما عندي رقم مساهم .. لكن ما كنت اشتري الا من جمعية المنتزة بحكم انها قريبة من البيت
وبحكم اني تعودت على المكان وحفظت اماكن الأشياء اللي ابيها ..

وكنت احط أرقام المساهمين للربع عند الكاشير يعني منها اشتري اغراضي ومنها افيد ربعي
ومن عقب ما استوت ( ميرة ) قمت ما اروح لها الا نااادر .. من شهرين ومع غلاء الأسعار اظطريت آخذ بطاقة التموين وعرفت منهم ان التموين ينباع في فروع جمعية الميرة .. وهذا انا كل ما اروح ابي آخذ تمويني
اوقات يقول لي في شكر وباقي ألشياء خلصت .. اوقات يقول ما عندنا الا الدهن بس .. يننوني
بصراحة .. احسن ان الميرة تشرد الزبائن ما تقربهم
والله الفلة هي كلمة ( فلة ) من زمان ما قريتها على المنتديات لأن المرادف لها ( حلوة ) هي الأكثر شيوعا
وشكرا لك

يالسليطي بطاقة التموين اللحين ابشرك
صاروا يعطون
3 سكر
3 حليب..> والحليب صار سعره ارخص اللحين
3 عيش
3 زيت

ومب شرط اتروح صوب الميرة روح محلات ثانية
عندها التموين الحكومي ..

بصراحة رديت للتموين الحكومي
وصرت اخذ اللي اقدر نصيبي منه واحمد ربي عليه ..

عادنا نستخدم كلمة فلة كل يوم وكل حزة ..

وعفوا لك

نفس الشعور واللحظات



الزاجل الجمعيات صارت للهنود كل شي صار للهنود

حتى الشوارع

وما حب الجمعيات ولا احب ادخلها

الهنود في كل مكان مب بس في الجميعات
يعني عندك اللولو مالك محط ريل بسبتهم
ولكن مع هذا ادارة اللولو اجذبتهم واجذبت غيرهم

والله ياالزاجل ان كلامك في محلة

هذا كل اللي اقدر قولة عارف ليش ماخليتو شي خاطري اقولة لاقلتوة

شكرا على الموضوع اللي فعلا في محلة

العفو وشرفتنا بحضورك

الزاجل..
مواضيعك ترفع الضغط..
و تزيد الهم..
و تودي أبو زعبل One Way..!!
مابي أتكلم و أطلق العنان لقريحتي..
لأنك تعرف قريحتي ممكن تسبب لي قرحه من القهر..
حاسدين المواطن على هالكم ريال إللي تطلع له كل سنه و تعينه على مصاريف الشهر الفضيل..

الجمعيات إنباعت للميره و إللي إستفاد من هالموضوع إستفاد و طارت الطيور بأرزاقها..

أما إنت يالمواطن إبلع العافيه و صف دور مع الأسيويين في اللولو و كارفور ..!!

اسم الله على قريحتك من القراح ..

انزين اللي استفاد خله ربنا فوق ما بينساه
لكن ليش الموجود ما يتطور ؟

اللي راح راح
نبي انعدل الأوضاع لعيالنا والاجيال القادمة....> صرت اتكلم مثلهم
واركز على الأجيال القادمة

[abo rashid]

العوق زاد عن حده
كل شي صرنا نذكره ننضرب على العوق وبقوة
الله يرحم زمان أول بكل ما فيه وبكل من كانوا فيه ..[/QUOTE]

ايه

نقول زمان اول كان افضل


الربع متصافين
الحياه حلوة

بسيطه


حتى الحيا زاد عن حده ما قامت الناس تستحي مثل اول
اول ما نشوف الكاسيات العاريات الا في المجلات و لين سافرنا
اللحين
الله يرحم الحال
الغيره كانت موجوده على الاهل و بنات الفريج

اللحين الله يرحم الحال

[ضوى]

بل ماصدقت المره افا واناخوك ليش عاد ؟؟

شايب مافيني شده


صج عيوز تبي تفتك من الشايب

بس تعرفين في التحقيق باتهمك بانك المحرضه على الجريمه

يبه ما قصدنا نفتن ، نقصد الله لا يهينك اتصل بحمد وخذ لك موعد ليش سوء الظن

[الزاجل]

ايه

نقول زمان اول كان افضل


الربع متصافين
الحياه حلوة

بسيطه


حتى الحيا زاد عن حده ما قامت الناس تستحي مثل اول
اول ما نشوف الكاسيات العاريات الا في المجلات و لين سافرنا
اللحين
الله يرحم الحال
الغيره كانت موجوده على الاهل و بنات الفريج

اللحين الله يرحم الحال

الله يرحمنا ويصفي قلوبنا
ويثبت فينا حبنا للخير ..

كراميلا <--- متابع من بعيد لبعيد

ابيه اطلعت كراميلا
اتصدق تميت ادقق ابي اعرف شنهو اسمها ماعرفته..
شكرا لك

وفرصة سعيدة مزمزيلة كراميلة

[سهم بن سهم]

يبه ما قصدنا نفتن ، نقصد الله لا يهينك اتصل بحمد وخذ لك موعد ليش سوء الظن

مي سووووووورررررررري مدام

عاد المواعيد في حمد يبي لها واسطه ربي يسلمج

تصدقين اقرب موعد شهر 5

كله في صوب والاسنان في صوب ................


طلعنا من الموضوع