اهل الخبره في تايلند الحقووووني !!!!

[vip8]

السلام عليكم ..


انا متواجد في تايلند حاليا الى تاريخ 20-4 اذا حد بيساعدني اني الاقي المحلات الي تبيع الاحذيه الماركات السبورت او الشنط التقليد درجه اولى ولو حتى خارج بانكوك المصانع لان تعبت وانا ادور في اسواقهم مب ذاك الزود التقليد الي يمدحونه عندهم او مثل الصين .. فياليت الي رااح او يعرف عنوان محلات او عنده حد متواجد هنيه يدلني عليهم .. وشكرا

[jajassim]

روح مجمع MBK شارع RAMA وجنبه 3 مجمعات ،، وكلها ماركات


13°44'41.33"N

100°31'52.57"E

احداثيات جوجل ايرت

[قمره]

بصراااااااااااحه ما فيها شي عدل ما انصحك بالتقليد في مجمعات كبيره تبيع ماركات تايلنيديه يمكن اسمها غريب علينا لكن الشنط و الشوزات و انت بكرامه حلوين و ما يتغيرون
المجمع كبير اسمه اذا مو غلطانه سنترال ماركت
و الشارع نفسه مليان مجمعات فيها الماركات الاصليه
و موفق

[بنت المنتدى]

عندك المولات Gaysorn و Emporium و ZEN و روبنسون و شاينا تاون .. طوكيو .. سوق الليل ..

محلات حفيظ ,أوم , فريده هالثلاث تخصص للشناط والساعات والنعل الله يعزك التقليد ومحلهم مايفضى عاد الله يعينك على الزحمه اللي هناك ..... ومن تدخل (شارع العرب) خذ لك كرك وتمشى هناك محل ورا محل .. بس ترى الاسعار ارفعوها حييييييييييل وبصراحه انا ماحبيت من بضاعتهم شي لاني مااحب التقليد اصلن لكن اللي معاي شروا بالهبل


عموماً لو بغيت اي شي ترانا موجودين بالمنتدى 24 ساعه بس لاتنسى الصوغه مو من تايلند لااااا ابي من سنغافوره

[zeknon]

عليك بسووووق الليل (نايت بازار)

[زهرة قطر]

يقولون إن في مجمع طوكيو اللي يسمونه Mbkمحل تبيع فيه مرة وعندها كل الماركات واللي تبيه تييبه لك وتقليد درجة أولى والأسعار 800لين 1500حسب الموديل

[بو الجوري]

زبايدي الشيخ ..

مثل ماقالوا الاعضاء مجمع طوكيو ..

بس انت قلت تبي ساعات تقليد درجه اولى ..
روح نانا روود ..المنطقه اللي فيها جريس.. واسال عن مطعم شهرزاد اذا ماتعرفه ..

مقابل المطعم في سكه تدخلك على محلات .. اسأل عن محل اسمه (فريده علي) .. عندهم ساعات وشنط وابواك ..

بس الباقي صراحه مادلهم عدل ..

هالله الله فالفواكه اللي فالقواري .. بس لاتنسى وبالغلط تاكل زهيويه ..

وبالمره وانت فنفس المنطقه إسأل عن فوودسنتر وروح المطعم اللي داخل .. واطلب (كاباتكاي) .. أو ريب آي ستيك .. عن خاطري

تقبل تحياتي وترجع بالسلامه ..

[vip8]

شااااااااااااكر مروركم ولشرحكم لي وماقصرتوووو يالله ... اوقف تاكسي الحين ..

[qatar124]

بالتوفيق

[_QTR_]

يا رجال عندك

1- فريدة علي

2- مدام ليلى

3- حفيظ

4- جاكي

ما شاء الله والله رحت شهر عشرة وشفت الاغراض

بس المشكلة انه تقليد

وللعلم اذا رحت لمدام ليلى .. قول لها ابي copy درجة اولى وسعرها يفرق عن الكوبي العادي

خذيت كارتير لواحد من الربع بـــ 800 ريال قطري مع العلم ان في نفسها على 200 ريال عندها