السلام عليكم ورحمة الله وبركاته
اخواني الافاضل
اذا ممكن عناوين مصحات لعلاج السمنة في المانيا والاسعار في الشهر واذا حد جربها ؟
السلام عليكم ورحمة الله وبركاته
اخواني الافاضل
اذا ممكن عناوين مصحات لعلاج السمنة في المانيا والاسعار في الشهر واذا حد جربها ؟
إن شاء الله يفيدونج الاعضاء أختي
بس بصراحه انا سمعت عن مصحات لعلاج السمنه في الشيك ، ويمدحونها بس إذا لج خاطر أختي اسئلي مكاتب السفريات بيفيدونج بالاماكن والعروض والاسعار ...وبالتوفيق إن شاءالله.
هلا وغلا آل ثاني 77
الف شكر يالغالي وجزاك الله الف خير لكن حبيت اعرف المصحات المجربة والنتيجة من هذي المصحات يعني في الاسبوع كم كيلو ينزل واهم شي تكون كلها 5 ستارز وتحت دكاترة ممتازين وتقبل فائق احترامي لشخصك الكريم
والله أختي ماعندي اسامي مصحات معينه ، اما عن الوزن اللي ينزله الشخص فأكيد بيختلف من شخص لأخر لاكن تأكدي 100% انهم مايسوون اي تمارين او يعطون جدول رجيم لين يسوون فحص شامل، هناك ناس روح الإنسان عندهم غاليه مب مثل مستشفى حمد، بعد مثل ماذكرتلج أختي مري مكتب سفريات راح يفيدونج أكثر بالاسعار ويمكن يقترحون لج اماكن غير المانيا والشيك وإن شاء الله تكون نافعه
السلام عليكم ورحمة الله وبركاته
الله يعطيك العافية وعاجزة عن الشكر الشيخ وان شاء اليوم بتصل في كم مكتب سياحي والله يسوي اللي فيه الخير
اختك اروى
التشيك اكيد
وعندهم مصحات ممتازه
اذا لك خاطر باجيب لك رقم اشهر مصحة في العالم عندهم
هلا وغلا ولد شرق
كل الشكر لتشريفك وردك الكريكم اخي الفاضل
لو تكرمت ارسل لي الرقم على الخاص لان مشاركاتي ماتسمح ارسل خاص
وياليت رقم اشهر مصحة واذا ممكن الدكتور اللي يشرف وايش تقترح احسن طيران ؟
وجزاك الله الف خير وجعله في ميزان حسناتك
ابشر اخوي
باكلم لك رفيجي الليله
لأنه هو راح لهم واستفاد
خلي منج المصحات خفي الاكل بتضعفين........او اتصلي بلمكتب طبي في المانيا وهم بيدلونج على افضل مصحه
شكرا الامير لتفضلك بالرد فكرت اتصل في المكتب الطبي لكن سمعت يمدحون التشيك