اللحيه بـ 20 و الشعر بـ 25 ريال ...

[جاسم القطري]

لم يعد ارتفاع الاسعار مجرد ظاهره بل اصبح موضه لجميع المحلات

سواء كانت مواد استهلاكيه او محلات رجاليه او نسائية

امس رحت الحلاق ولقيته معلق ورقه داخل الحلاق.

"نظرا لارتفاع اسعار المستلزمات الرجاليه تقرر رفع الاسعار من 1/6/2008"

تحديد اللحيه 20ريال والشعر 25ريال

طبعا الحلاق موقعه في بن عمران واتضح ان جميع الحلاقين

في شارع بن عمران اتفقوا على رفع الاسعار في نفس التاريخ وبنفس السعر

(حتى الحلاقين اتفقوا علينا)
الله يرحم يوم كان تحديد اللحيه 5 ريال

وطبعا سالفه ارتفاع اسعار المستلزمات الرجاليه عذر واهي وغير حقيقي

السؤال للشباب هل نقدر نستغني عن الحلاق او نقاطعهم لفتره ونجبرهم ينزلون اسعارهم...؟؟

لاني اعتقد السعر صار وايد مبالغ فيه مع العلم انه الشباب مدلعينهم ومو مقصرين معاهم
واعتقد الصالونات النسائيه بعد مو مقصرين و رافعين اسعارهم من زمان

يعني ايش الحل ندفع ونسكت وننتظر يرفعون الاسعار مره ثانيه وثالثه و.....

مع العلم ان محلات الحلاقه لغير قطريين (طبعا القطري بس بالاسم وما ياخذ ربع اللي يطلعه الحلاق)

وتحياتي للجميع

[desert hunter]

السلام عليكم ورحمة الله

لو تنظر اليها من نظره عامه

جميع الاغراض اللي يشتريها الحلاق للمحل تكون بالجمله وليس بالمفرق

فاتوع الاسعار المفروض ماتتغير

يعني مثلا لو الايجار زاد ممكن لكن عشان المستلزمات

نقول للحلاقين " قصوا على غيركم "
الله يرحم ايام اول

ولو في حلاق سعره غالي روح للرخيص وخله الحلاق يخيس

والله المستعان

[::.Silent.::]

اصلا حتى لما كانت اللحيه بعشر ريالات

الشباب عندنا الله يهيدهم يعطون الحلاق بال30وال40 بس جذيه

بالفيت بخشيش وان يستاهل الحلاق لانه تعب ..

واحنا ناكلها اذا ماعطيناهم شي يحتقرونا

..

[jajassim]

والله حالة ،،،

[الامل القديم]

يعني سلامت ايديكم

احلقوا بالبيت

[shrook]

يا حليلكم ابتشكووووو من 25 قص الشعر

في صالونات النساااااء قص الشعر 120 ... يمكن مقص الشعر سعره غلي

[أبو هامور]

وغسيل السيارات كان ب 20 ريال ألحين ب 25 ريال

والسينمات في السيتي كانت 30 ريال الحين 35 ريال

ومطعم شاطر عباس زاد سعره بإ ضافة 5 ريال على كل طلب .

كل شي زاد و رواتبنا على ما هي .... ماعاد فيه رصيد الواحد يتمشى مع الناس .

إذا كان الغلاء صار عالمي ... زياده الرواتب أيضا صارت عالمية في كل الدول .

[الوعد2016]

اخوي الغلط من من الحلاقين الغلط من البلديه والسماح لهم كل فتره برفع الاسعار

[كشكول]

انا ما اداني الحلاق اللي وانا جالس يقعد يبربر مع خويه

[Riku3]

والله ياخوي الغلط علينا !! .

انا للحين احلق شعري بـ10 او 15 ريال عند نفس الحلاق الي اروحله من اكثر من 8 سنين !! .

اصلاً مب احسله يزيد علي xD .. وقبل لا احلق اقوله ..... 15 او امشي >_> .
يقولي على طول ... ان شاء الله مدير مافي مشكلة ! . << شارع المطار حلاق ابن الرازي XD << دعاية .

هالزيادة للناس الي مستهينه بفلوسها . . بس انت لاتعطيهم وشوف ! .

الي صادونا فيها هم المطاعم ... والله انا صارلي اكثر من شهرين ما اكلت من معصرة لان الاكل الي كنت اكله ب10 صار ب20 !! .... والله مايسوى علي , اشتري الاكل واخلي الخدامه تعملي احلى سندويشات بأي وقت واخذها معاي ابركلي ههه .