بسم الله الرحمن الرحيم
السلام عليكم ورحمة الله وبركاته،،،
في مرة من المرات كنت رايحة السوبرماركت وطبعاً اشتريت شغلات مختلفة ولما وصلت الكاشير عطيته حسابه ورجع لي الباقي...
ما انتبهت في المحل لما رجعت البيت ارتب شنطتي وفتحت بوكي اعدل الفلوس خبركم لما اكون بمحل ويرجعون لي الباقي ادعس كل شي على بعض خخخخ
لما فتحت بوكي اعدل الفلوس انتبهت للعشرة ريال هاذي واستغربت وقلت بيني وبين نفسي معقولة لين الحين هالمسلسل موجود...!!!
اخبر خلاص كبرنا على هالشغلات...
لكن سامي حب التاريخ يخلد ما كتبه عشان رفيجته وعطاها العشرة ريال مع رقم جواله.. وتخيلوا من تاريخ 27/12/2006م وهالعشر تنتقل من شخص لشخص ولين وصلت عندي احتفظت فيها...
بس للأسف مادرى ان رفيجته طلعت اذكى منه وشرت بالعشرة ريال...
عاد ما لقيت إلا عشرة ريال خلك كريم واكتب لها على 500 ريال...خخخخخ
الحين السؤال الي يسدح نفسه: شنو مصير هالعشرة ريال؟؟؟
للعلم انا مازلت محتفظة فيها قلت يمكن يرتفع سوقها واقدر ابيعها بعشرة مليون...
شوفوا الصور...
الصورة الثانية بعد ما غطيت رقم الجوال...
ليش يا سامي تسوي جذيه!!!