أغرب الأشياء والمواقف في رحلات سفركم / الموضوع مفتوح

[الزعفراني]

السفر مثل ما يقولون قطعة من العذاب

هالموضوع راح يكون عباره عن موسوعة مفتوحة لسفرات الاعضاء ورحلاتهم في شتى بلدان العالم وخصوصيه هالموضوع في أنه راح تنذكر فيه اغرب الاشياء والمواقف والعادات واي شي يستحق ينذكر في البلدان اللي زرتوها

ياليت كل واحد يذكر اسم البلد ومن ثم المنطقة ان وجدت ويذكر الشي اللي واجهه هناك سواء كان شي غريب او متميز او شي ما ينشاف الا في هالبلد وبشكل مختصر وبسيط

الموضوع بين اياديكم

[الكاسر007]

السلام عليكم اخوي في موقف سار لي ولاخوي كنت عنده زيارة في دبي وهو عنده كورس وبصراحة صادفنا يوم الجمعة وضربت عندنا نبي نتغدا على تيس وبصراحة تعبنا واحنا ندور على تيوس في كل مكان ندور في اسواق الغنم بدبي ما في تيوس والله سالفة ما عندهم الاتيوس ايرانية خايسة (عندهم مشكلة هل الامارات ماعندهم حتى الخرفان السورية الا بالعيد الاضحى بس وتيوسهم كلها جزيريه من الجزر الايرانية مش حالك )

وضربنا خط لبني ياس قعدنا ساعة ونص رايح وساعة ونص جاي تقريبا ولما بالغلط حصلنا تيس عماني وبصراحة تعبنا نتفنا التيس على الغداء وتغدينا الساعة 3 العصر صيحنا التيس خخخخخخخخخخخخخخخخخخ

وهذا الموقف الوحيد اللي سار لنا فدبي سالفه مالها داعي خخخخخخخخخ

[ذكي جدااا]

انا صادني موقف بلندن يوم كنت طاالب المهم نزلت من المطار اول مره وسبحان اخذت اول تاكسي شفته وقلت له وديني المكان الفلاني بالانجليزي ونا قاعد اطلع الكلام بصعوبه واحاول اشرحه له بس اللغه تعباانه المهم فهم الرجاال ووداني المكاان لين جيت احاااسبه تفاجأت انه سووري ويكلمني عربي قلت له الله يهديك ليش دوختني بالكلااام قال حبيت تعتمد على نفسك وتحاول تتكلم انجليزي مع ان شكله ما يوحي انه عربي ...