هلا أخوي شاهين...حاضرين للطيبينالمشاركة الأصلية كتبت بواسطة 受秀شــاهين受秀
بجرب اللعبه
وأذا مافهمت شي
لاتبخل علينا يابولينجر بالأستفسار
|
هلا أخوي شاهين...حاضرين للطيبينبجرب اللعبه
وأذا مافهمت شي
لاتبخل علينا يابولينجر بالأستفسار
اللعبه ممتعه جداً أنا خذتها من توقيعك قبل أسبوع أو أكثر في البدايه ما كنت فاهم شالطبخه الحين نوعاً ما أوكي بس تتحول الى أدمان مع الأيام الله يستر
وشكراً على خدماتك لأعضاء المنتدى وأكيد بنحتاج منك بعض التوضيح مستقبلاً 0
هلا أخوي جرح الزمان...ههههه إي والله إدمان....ولا عاد لين جاء وقت تهجم على وحده من هالقرى اللي جنبك المستضعفة تستولي على غنائم وترد قريتك سالم غانم....والله وناسة...وأي توضيح أو استفسار أنا حاضر...
أي غنايم وأي هجوووووووووووم في قريه جنبي كل شوي تهجم علي وتاخذ غنايم وترووووح
لين الحين ما عندي جنود والحلف اللي أنا فيه ضعيف يمكن أغير حلفي لأنه توه جديد
أخوي أفضل شي تسويه أنك تبني مخبأ وطور فيه للمستوى العاشر وإذا ما كفى يخش لك مواردك طور مخبأ غيره... المهم المهاجم ما يلاقي شيء بقريتك وييأس وماعاد يهاجمك لأن ماراح يلاقي شيء.... وما أنصحك تغير تحالفك إذا كان فيه أقوياء لأنهم بيهجمون على قريتك ويستحلونها...
بولينـجر
ياعيني عليـك
تدري عندي قريه الحين وفيها 12 شخص
وقاعد اطـور القريه وعنــدي ســؤال أخــوي
الرومان - الأغريق-الجرمان
مثلا انا من الأغريق هل اقدر اهاجم الرومان
ولو صار وهاجمت الرومان شبيصير؟
ويعطيك ألف عافيه على الشــرح
وبرجع بملغ عليك باسألتي
"حنا حرارِ في ليالي السيالي .. هداتنا يفرح بها كل مغبون".
هلا فيك أخوي سداوي&مدريدي....إن شاء الله مبسوط؟بولينـجر
ياعيني عليـك
تدري عندي قريه الحين وفيها 12 شخص
وقاعد اطـور القريه وعنــدي ســؤال أخــوي
الرومان - الأغريق-الجرمان
مثلا انا من الأغريق هل اقدر اهاجم الرومان
ولو صار وهاجمت الرومان شبيصير؟
ويعطيك ألف عافيه على الشــرح
وبرجع بملغ عليك باسألتي
بالنسبة لسؤالك نعم تقدر تهاجم أي قرية بغض النظر عن القبيلة اللي تنتمي لها...
بس حط في بالك إن فرسان الرومان من أقوى الفرسان صعب تقاتلهم بدون جيش قوي...
يعني اللي بيصير إن جنودك يمكن يموتون وما تقدر انك تدرب غيرهم بسرعة...
وانتبه اذا أرسلت أي جندي بروحه ترى بيموت 100%....لازم معاه حد يونسه يسولف معاه...
وبالنسبة لعدد السكان عندك قليل حاليا ما يمديك تسوي جيش ومواردك ضعيفة...
اهتم في الوقت الحالي بتطوير الحقول ووصلها للمستوى السابع على الأقل قبل لتدرب لك أي جندي...
وبالتوفيق أخوي...لا تنحرج اسأل اللي في خاطرك....
لعبة ممتازة بصراحة وخاصة لمحبي الالعاب الاستراتيجة تعتمد على الذكاء وتقنين وتطوير الموارد
شكرا بولينجر
يارب ياوافي العطا - جنبني دروب الخطا - واغسلني بثلج العفو -والبسني من سترك غطا ...
شكرا لك أخوي الخيميائي...سعيد جدا بردك الجميل.... إن شاء الله تكون مبسوط من اللعبةلعبة ممتازة بصراحة وخاصة لمحبي الالعاب الاستراتيجة تعتمد على الذكاء وتقنين وتطوير الموارد
شكرا بولينجر
طيب استفسار الله يعافيك
شف انا قبيلتي الأغريق (والنعم)
و عندي قريتين الأوله بنيت فيها السكن و وصلته المستوى 10
وبعد فيها الأكاديمية ووصلته للمستوى 20
وفيها نقطة التجمع ووصلتها المستوى 10
يعني اقدر اطلع رئيس
والمشكله انا لقيته في الأكادميه وقالي تطويره وتدريبه يبيله المبلغ الفلاني والمده الفلانيه
قلت ماعليش وادفع المبلغ المطلوب وانتضرت المده المطلوبه لتشريفه
طبعاً انا رجعت للقريه بعد الوقت المحدد لخروج الريس
ويوم جيت مالقيته في الأكادميه ولا في السكن ولا في نقطة التجمع
وين طس الله ياخذه ما ادري وينه
طبعاً القريه الثانيه فيها القصر وهي العاصمه ولكنها ماهي الأساسية وطبعاً القصر توه في المستوى الاول
للعم القريه الثانيه فتحتها بعد ماطلعت 3 مستوطنين
ضوابط المشاركة
رد مع اقتباس
