-
طلب استشارة: بيوت التركيب محاسنها وعيوبها
السلام عليكم ورحمة الله
أخواني حبيت أفتح موضوع للنقاش، وهو موضوع البيوت التركيب أو يسمونها البيوت الجاهزة.
طلعت في الفترة الأخيرة مثل ما أنتوا عارفين مشاكل مواد البناء ونقصها في السوق وارتفاع اسعارها، قمت أدور في السوق على طرق بنيان جديدة ، فحصلت أكثر من طريقة بناء ، لكن مشكلتي ما أعرف إيش المزايا الحقيقية والعيوب لكل طريقة.
لكن من المزايا اللي تشمل جميع هالأنواع (على كلام أصحاب الشركات) إنها:
- سريعة البناء.
- عدم احتياجها للطابوق والاسمنت والصبيات (على حسب النوع)
- ضمان أن ما يصيدها أي كراك أو شلخ خلال فترات لا تقل عن 20 سنة
- عازل حراري وعازل صوت أقوى من البيان العادي.
- ضد الحريق بشكل أكبر من البيان العادي
- البنيان أخف من البيان العادي
مايحتاج تحفر أساسات إلا 20 أو 30 سنتمتر
وعلى سبيل المثال:
مجمع بروة السكني في السيلية
شركة منارات
مجمعين سكنيين في الناصرية (أتوقع خلص البينان)
في نوع طابوق أبيض كبير وخفيف
شباب هاي المعلومات اللي عندي
فإذا ممكن حد يفيدنا بالمزايا الحقيقة والعيوب الخاصة
وهل تنصحون أن الواحد يغامر في البيان لبيت شخصي أم لأ؟؟
وبالتوفيق للجميع
-
السلام عليكم الفكره كانت داخله راسي يس كنت خايف من العيوب طيب ممكن تكتبلي اسم الشركات الي تسويي نفس هاي الطلريقه ؟؟؟ وبكم المتر ؟؟
-
عضو مؤسس
اخوي لازم تسأل الشركات
هل عندهم استعداد انهم يسوون لك بيت واحد !!!
لان اللي اعرفه انهم يسوون للأعداد الكبيرة
لتوفير الوقت
بس لبيت واحد فقط
لازم تسأل وتتأكد
ما احب انا المركز التالي . . . الاول اموت واحيا به
والمركز الأول يبا عزم وابهار
ياللي تحداني ولا تدري العوق
ابوي علمنا التحدي والاصرار
-
السلام عليكم انا بحكم شغلي تعاملت مع المصانع للخرسانة الجاهزة ومن ضمنها مصانع البيوت الجاهزة
البيوت الجاهزة او التركيب
( عيوب البيت التركيب)
1- التكلفة مرتفعة اذا كنت تبي دزين من عندك وليس ديزين موجود من قبل.
2- لا يمكن عمل ديزين معقد مثل البيت العادي على سبيل المثال الدرج الداخلي صعب تغير دزين الشركة.
3- تستخدم الشركة اسياخ حديد وصبيه اسمنت لا يمكن لصاحب البيت التركيب الاشراف عليها مثل البيت العادي حيث يكون متواجد في فترة الصب.
4- تلتزم بشكل البيت ويصعب تغير شكلة في المستقبل مثل تكبير او ضم غرفة الى اخرى او حتى تغير مكان ساكت الكهرباء بسبب الطوفة صبية وليست طابوق.
5- انا بنفسي حاب ابني بيت وجلست مع مهندسين عندهم فكرة عن البيوت التركيب وانصحوني ببناء بيت بالطريقة التقليدية بسبب وجود احتمالات كبيرة بحصول شلوخ في البيت التركيب , مع ضمان الشركة تقوم الشركة بسد تلك الشقوق في فترة الضمان فقط.
(محاسن البيت التركيب)
1- سرعة انجاز العمل تحصل بيت صبية بلستر وممكن صبغ خارجي جاهز في فترة عدة اشهر
2- تقل التكلفة اذا اخترت دزين من عند الشركة على سبيل المثال تختار دزين بيوت برة
3- تتعامل مع شركة وليس مقاول يعور راسك كل شوي.
التعديل الأخير تم بواسطة Qatari2003 ; 01-04-2008 الساعة 11:34 PM
-
أعتقد من أهم الأسباب السلبية
( الإزعاج )
يعني ضربت مسمار أو حفرت بـ دريل
يسمعونك اللي في البيت كله وبشكل واضح ومزعج
هذا على ذمة الراوي
والعلم عند الله
تدري وش اللي .. يجرح القلب / لـ سنين ؟
اللحظة اللي .. )( انتهى ! )( الحب / فيها
وتدري وش اللي .. مانسيته الى الحين ؟
)( طعنة يدينكـ )( .. حسبي الله / عليها
-
زين اقدر ابني مجلس خارجي بس او ملاحق حوالين بيتي ؟
ياليت عنواين هالشركات ياخوي خلنا نشوفها....واذا على البيت كامل ما انصحك بالاسباب اللي اذكروها الاخوان
-
المجاديف تكسرت
شباب عندي سؤال
سألت إحدى الشركات (منارات) قالوا مافي أييي مشكلة في ضم الغرف
وقالوا انسى موضعو الكراك والضمان 20 سنه
وبالنسبة للخرايط قالوا جيب أييي خريطة وهم بيغيرون في الصبيات والكميات فقط وهي معتمدة من الدفاع المدني ومن التراخيص بالدولة
وبالنسبة للمشاكل الثانية أشوف كل شي له محاسنه وعيوبه ولكن هالبيان حسب ما ذكر لي محاسنه أكثر من عيوبه
-
أخوي ما سألتهم عن الأسعار يعني أغلى من الطابوق ولا أرخص
-
عضو نشط
بصرف النظر عن المزايا والعيوب
اسال نفسك سؤال.. ايش راح يصير لو حبيت تبيع البيت بعد كام سنة... ياترى هاتلاقى حد يشجع اساسا ويشترى بيت او فيلا تركيب... اعتقد فهمت قصدى
midomido72@yahoo.com
-
والله شي جيد اذا في شركة تسوي كل هذا بس الكلام سهل والفعل وايد اصعب
اختي احسن شي اسالي الشركة عن اي مشروع فلل هم قاعدين يسونه وشوفي بنفسك
واحنا في انتظار تجربتك
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى