كيف السواقه بالمانيا او اوروبا

[فـــــواز]

السلام عليكم ورحمة الله وبركاتة

ياشباب عندي اسئله كثيره والله يعينكم علي ومع هذا تفيد كل شخص رايح المانيا او اغلبية اوروبا

1 كيف طريقة السواقه عندهم بالمانيا وغيرهم باوروبا يعني بالنسبة لسرعه والرادارات والباركينق والطرق الي بفلوس لازم تداخله الظرائب قصدي وكم ظنكم انهم بياخذون مني بالتكس للشوراع لو اتجهت من فرانكقورت الى لكسبورق
الى باريس الى جنيف الى نيس الى البندقيه الى زيلامسي الى داخل سويسرا وبعدها الى فرانكفورت

كم كيلو ظنكم بقطعها وهل بحس فيها بالتعب لان اول مره اجيها ومعاي واحد مساعد بسوق وياي

وكل ديره يومين الى 3 ايام

وياليت صرفية البنزين كم بتكلف باقصى شي ؟؟؟

يعطيكم الف عافية

[لــولــو]

اخوي اللى اعرفه ان البترول غالي في الدول الاوربية بالنسبة للانتقال بين البلدان انصحك بالقطار سريعة وما تاخذ وقت واايد وما تكلف وايد

[الراقية]

اخي الفاضل فواز

مساك الله بالخير أو صبحك الله بالخير

بالنسبة للسياقة

1- في اوروبا السياقة بالسيارة رائعة ( خاصة انك ترى الطبيعة وما تحس بالوقت وايضا تكتشف اشياء قد لاتمر عليك اثناء سفرك بالقطار )
2- شنطك معاك ولا تحتاج انك تشيل وتحط نفس القطارات والبهدلة خاصة اذا كنتوا عائلة كبيرة

3- تتوقف متى اردت وتمشي متى اردت


ولكن
القانون قانون الرادار واقف لك بالمرصاد خاصة سويسرا
اما المانيا فالسرعة عندهم تتجاوز ال 120 على بعض الطريق السريعة وكذلك فرنسا تحدد 130 احيانا

اما بالنسبة لمواقف السيارات فهناك المجاني وهناك اللي عليه رسوم تتراوح بين 1-2 يورو اي ما يعادل 1 يورو 6 ريال او اكثر هاليومين
وقانونهم ايضا انك في حالة المواقف يجب ان توقف سيارتك بين الخطين الواضحين على الارض يعني لو دست الخط وتعديت على اللي جنبك راح يشخطون عليك مخالفة

بالنسبة للرسوم والضرائب بين الدول تختلف باختلاف الدول وتكون عادة غالية الا على بعض الخطوط الداخلية السريعة

بالنسبة للبترول يقص الظهر


تحياتي لك ورحلة موفقة
اختك الراقية

[أمة الله]

اخي الفاضل فواز

مساك الله بالخير أو صبحك الله بالخير

بالنسبة للسياقة

1- في اوروبا السياقة بالسيارة رائعة ( خاصة انك ترى الطبيعة وما تحس بالوقت وايضا تكتشف اشياء قد لاتمر عليك اثناء سفرك بالقطار )
2- شنطك معاك ولا تحتاج انك تشيل وتحط نفس القطارات والبهدلة خاصة اذا كنتوا عائلة كبيرة

3- تتوقف متى اردت وتمشي متى اردت

بالنسبة للبترول يقص الظهر

تحياتي لك ورحلة موفقة
اختك الراقية

[PoBox]

السواقة ممتعة

لاانصح بركوب القطار الا ان كنت خفيف الامتعة لانك راح تتبهدل بنقل وحط الامتعة

في خطوط الهاي واي وهي تختصر المسافة ودخولها يتطلب دفع رسوم ( حسب طول الخط واهميته )
وفي طرق اخرى مجانية

بس لازم تحط في بالك ان سلكت الطرق الاخرى
راح تقطع مسافة قد تزيد عن الضعف ،، فهي هي ،، ادخل الهاي وي ابرك حتى داخل المدن وبين المدن في الدولة الواحدة
ممكن رسوم دخول الهاي وي تكون 3 يورو مثلا او عشرة يورو او 20 يورو او 30 في هالحدود حسب الخط


هذا موقع قوقل ماب
http://maps.google.com/

ادخل عليه وراح تعرف المسافة من المدينة الفلانية الى الاخرى
ومواقع اخرى كثيرة

ولو كان عندك نافيقيشن من نوع TOMTOM بيكون احلى واحلى
وغالب شركات التاجير تاجرلك النافيقيشن مع السيارة ( ان حبيت )

وسيارة صغيرة بمكينة 2 ليتر ممكن تفويلتها توصل 500 ريال وانت تضحك ، وتمشيك حوالي ال600 كيلو اكثر او اقل حسب السواقة لان بترولهم ثقيل (( يعتمد حسب المحطة ))
كما ان اسعار محطات البترول تختلف اختلاف واضح

[فـــــواز]

بيض الله وجيهكم كلكم

ماقصرتوا

[فـــــواز]

احد عنده خلفيه عن مطار فرانكفورت

وشلون معاملتهم مع الناس وهل هم يفتشون صدق على الابتوب خاصة اذا فيه الويندز او برامج مش اصليه

يسولك مشكله وتاخير وتحقيق

ياليت اذا احد عنده خلفيه عن الموضوع يرد علي لان ابي اودي لاب توب بس خايف

[خور العديد]

الله يجزاكم خير

[فـــــواز]

وياك الغالي

[سعود ناصر]

التنقل في اوروبا بالسيارة افضل بكثير من اي وسيلة اخرى لكن الله يعينك على البنزين غالي وكذلك رسوم الطرق باستثناء المانيا وبلجيكا حيث لايوجد رسوم طرق بالنسبة للاب توب انا لم ازر مطار فرانكفورت لكن بالنسبة لمطار باريس وبروكسل مايفتشونه