صفحة 1 من 3 123 الأخيرةالأخيرة
النتائج 1 إلى 10 من 21

الموضوع: شبك اللابتوب بفتحة Hdmi على التلفزيون من نوع Hdtv

  1. #1
    عضو مؤسس الصورة الرمزية PoBox
    رقم العضوية
    4557
    تاريخ التسجيل
    Nov 2005
    الدولة
    قطر
    المشاركات
    19,212

    شبك اللابتوب بفتحة Hdmi على التلفزيون من نوع Hdtv

    بسم الله الرحمن الرحيم

    موضوعنا طلب لايجاد حل وليس شرح طريقة
    وان شاء الله نوصل لحل مع بعض

    المطلوب طبعا شبك اللابتوب على التلفزيون وبوضوح مايخرش الماية ( وضوح ال HDTV )

    تحتوي بعض اللابتوبات الحديثة على فتحة تسمى HDMI
    high definition multimedia interface

    وهي فتحة Output

    وكذلك تحتوي التلفزيونات الحديثة من نوع HDTV على نفس فتحة ال HDMI
    ولكنها Input

    المطلوب توصيل الOutput من الابتوب الى الInput في التلفزيون
    وكل شي نظريا المفروض يكون تمام
    لكن للأسف

    تطلع معاي الصورة في التلفزيون غير كاملة ،،، وغير واضحة للقراءة مثلا

    كما ان هناك مشكلة اخرى وهي ان الصوت يطلع من اللابتوب
    وانا ابي الصوت يطلع من التلفزيون

    الفتحة هذي لمن يعرفها تكفي عن جميع الوصلات القديمة ( الاحمر والاصفر والابيض وتطلع الصورة والصوت مع بعض في وصلة واحد )
    لكن ماضبط الوضع معاي



    مالدي الآن هو التالي

    لابتوب حجم شاشته 14.1
    من نوع HP به فتحة HDMI Out






    تلفزيون Samsung حجم 37 بوصة
    يحتوي فتحتين HDMI IN





    الوصلة بين ال2




    ماقمت به هو التالي

    حاولت ابدل حجم الريزليوشن في اللابتوب واستعملت كل الاحجام ومافي فايده ،،
    بعض الاحجام جيده وبعضها مش ولا بد
    مع العلم اني شفت تلفزيون مشبوك في احد المحلات وكان اصفى من اللابتوب نفسه



    يالله همتكم معاي



    *
    *

  2. #2
    عضو مميز الصورة الرمزية HADi
    رقم العضوية
    4448
    تاريخ التسجيل
    Oct 2005
    المشاركات
    2,333
    مرحبا اخوي poboxing

    انا اذكر جربت الحركه وبقولك شلي صار معاي

    حاولت اشبك الكمبيوتر على التلفيزيون عن طريق الوصله الي ذكرتها .. ونجحت

    بس كانت الصوره كبيره واجد .. ولاهي طالعه كامله

    دخلت على اعدادات الشاشه
    Display setting

    وطبعاً اخترت الشاشه رقم 2 لاني شابك الجهاز بالتلفزيون

    وقمت اضبط في الاعدادات .. لحد ماظبطت معاي الصوره

    وجرب من اعدادات DPi

    وهدا الي كنت محتاجه في ذيك الفتره

    اما الصوت ماجربت اني اعدله .. وكلامك سليم بخصوص وصلة hdmi انها ممكن تنقل الصوت والصوره مع بعض غير عن الوصلات السابقه

    انا بحاول اجرب في اقرب وقت وبعطيك النتيجه لاني اعتقد ان السالفه اهي اعدادات من الكمبيوتر

    شنهو نوع الوندز عندك؟
    التعديل الأخير تم بواسطة HADi ; 19-04-2008 الساعة 06:24 PM

  3. #3
    عضو مؤسس الصورة الرمزية PoBox
    رقم العضوية
    4557
    تاريخ التسجيل
    Nov 2005
    الدولة
    قطر
    المشاركات
    19,212
    يعطيك العافية اخوي HADi
    طلعت فاهم السالفة ،، كل ما اسال شخص يقولي اشتر وصلة بروجكتر

    الويندوز عندي فيستا ( سيئ الذكر لابارك الله فيه )

    قريت في كتالوج التلفزيون يقولون افضل اعداد هو
    1360 في 768

    طبعا في اللابتوب ماعندي هالرقم

    قمت سويته 1024 في 768 وهو اقرب رقم للرقم أعلاه
    وظهرت عندي شاشة اللابتوب على الTV
    طبعا يمين الشاشة واسفلها مب ظاهر عندي على التلفزيون ( كان الشاشة مقطوعة )

    وايضا بدون صوت ،،

    قمت خليت الشاشة رقم 2 هي الاساسية ولغيت 1
    نفس الشي

    خليت ال2 شغالين مع بعض
    لاجديد
    كبرت وحده وصغرت الثانية ،، سيم سيم
    تتغيرالاحجام ،، وبعض الاعدادات افضل من الأخرى


    لازلت اجرب خيارات اخرى وان شاء الله نوافيكم بالجديد
    وياليت اللي عنده اي مشاركة مايتردد في اضافتها
    التعديل الأخير تم بواسطة PoBox ; 19-04-2008 الساعة 06:59 PM



    *
    *

  4. #4
    عضو مؤسس الصورة الرمزية رايق
    رقم العضوية
    11167
    تاريخ التسجيل
    Sep 2006
    الدولة
    Qatar
    المشاركات
    9,293

    يرحمك الله

    تصدق .. شوقتني للفكره يا بوكسي

    تخيلت شاشة أسعار الأسهم على شاشة تلفزيون 52 بوصة LCD

    و اليومين هذي التداولات 2 مليار ريال .. يبيله

    متابع .. واذا عرفت شي بالغلط بقولك

  5. #5
    عضو نشط الصورة الرمزية Muslim Investor
    رقم العضوية
    1091
    تاريخ التسجيل
    Mar 2005
    المشاركات
    553
    يحليلها وصلة الـ s-video ماتقول شي

    عموما .. مجرد متابع لتجاربكم عشان لما اقرر انتقل للـ HDMI ما اتعب وايد وانا ادور حلول

    تحيتي
    همتي همة الملوك ونفسي * * * نفس حر ترى المذلة كفرا

  6. #6
    عضو مؤسس الصورة الرمزية بولينجر
    رقم العضوية
    4720
    تاريخ التسجيل
    Nov 2005
    المشاركات
    9,254
    التلفزيون أخوي بوكسنغ سنة كم شريته؟ يعني أول دفعة من الهاي ديفينشن؟ إذا إي نفس حالتي ماراح ينفع...

  7. #7
    عضو مؤسس الصورة الرمزية Chambray
    رقم العضوية
    230
    تاريخ التسجيل
    Feb 2005
    الدولة
    Chambray-lès-Tours
    المشاركات
    6,242
    اخوي الغالي
    يعتمد على حجم كرت الشاشه الي عندك في اللابتوب ..

    شنو حجم كرت الشاشه ؟؟؟؟؟؟؟؟؟؟؟؟؟؟
    أشهد ان لا إله إلا الله محمد رسول الله
    سبحان الله وبحمده سبحان الله العظيم عدد خلقه ورضاء نفسه وزنة عرشه ومداد كلماته

  8. #8
    عضو مؤسس الصورة الرمزية PoBox
    رقم العضوية
    4557
    تاريخ التسجيل
    Nov 2005
    الدولة
    قطر
    المشاركات
    19,212
    اقتباس المشاركة الأصلية كتبت بواسطة رايق مشاهدة المشاركة

    يرحمك الله

    تصدق .. شوقتني للفكره يا بوكسي

    تخيلت شاشة أسعار الأسهم على شاشة تلفزيون 52 بوصة LCD

    و اليومين هذي التداولات 2 مليار ريال .. يبيله

    متابع .. واذا عرفت شي بالغلط بقولك


    التداول على شاشة 52 بوصة حلو لو السوق حلو
    لو السوق احمر راح يخليلك الغرفة حمرة
    ويعكنن اليوم كله ( تخيل يوم ال700 نقطة على هالشاشة )
    ان لقيت شي لاتتردد اسدحه هنا دغري البيت بيتك حتى لو كان طرف حل ممكن نحاول نمسك الخيط ،










    اقتباس المشاركة الأصلية كتبت بواسطة Muslim Investor مشاهدة المشاركة
    يحليلها وصلة الـ s-video ماتقول شي

    عموما .. مجرد متابع لتجاربكم عشان لما اقرر انتقل للـ HDMI ما اتعب وايد وانا ادور حلول

    تحيتي
    ممكن استعمال وصلة الs-video لكن دام الاحسن موجود لازم نشوفله صرفه
    اما انا أو هو
    وتشرفنا متابعتك اخوي مسلم انفستور









    اقتباس المشاركة الأصلية كتبت بواسطة بولينجر مشاهدة المشاركة
    التلفزيون أخوي بوكسنغ سنة كم شريته؟ يعني أول دفعة من الهاي ديفينشن؟ إذا إي نفس حالتي ماراح ينفع...
    لا مب اول دفعة اخوي بولينجر في اكثر من جيل سبق هالتلفزيون
    نوع اللي عندي Samsung S81
    في اكثر من دفعة قبله ومتاكد ان ممكن تشغيل هالميزة عليه ، ( وهي تشتغل )
    بس المشكلة في محاذاة الشاشة بالطريقة الصحيحة فقط
    اما على التشغيل فشاشة اللابتوب ظاهره عندي على التلفزيون
    ان شاء الله بصور لكم صورة اليوم ان حصلت فرصة من التلفزيون عشان توضح الصورة








    اقتباس المشاركة الأصلية كتبت بواسطة جاسم البدر مشاهدة المشاركة
    اخوي الغالي
    يعتمد على حجم كرت الشاشه الي عندك في اللابتوب ..

    شنو حجم كرت الشاشه ؟؟؟؟؟؟؟؟؟؟؟؟؟؟
    هلا بالفغنسي
    كرت الشاشة عندي nVidia بسعة 256 ميجا ( أو 512 )
    واللابتوب سنترينو 2.4 ميجا هيرتز
    والرام 2 قيقا
    والهاردسك 250 قيقا
    اعتقد مافيش احسن من كده الا شوي
    المفروض يسمع الكلام ويطيع
    التعديل الأخير تم بواسطة PoBox ; 20-04-2008 الساعة 08:02 AM



    *
    *

  9. #9
    عضو مؤسس الصورة الرمزية PoBox
    رقم العضوية
    4557
    تاريخ التسجيل
    Nov 2005
    الدولة
    قطر
    المشاركات
    19,212
    يورييييييييييييييييكاااااااااااااااااااااااااااااا اا


    بعد التخبص والتعبص
    طلعت بالتالي

    هذي الصورة الأولى
    والاعدادات اللي رسيت عليها






    اول ماادخلت الوصلة في اللابتوب جاتني شاشة
    تطلب الاختيار اما بين شاشة وحده Mirror تبث على الTV
    او اطفاء شاشة اللابتوب او او او ا
    المهم مالكم بالطويلة

    اخترت الخيار الأول Mirror
    معناها ابي نفس صورة اللابتوب على الTV

    حلو ؟؟
    حلو

    طلعت نفس المشكلة القديمة
    قمت وغيرت الريزليوشن مرة أخرى

    وسحبته شوي
    بقدرة قادر
    فجاة استوضحت الصورة زي العسل
    وطلعت القياسات تمام

    وهي صورة الريزليوشن المتوافقة مع جهازي أعلاه
    1280 في 768


    وهذي صورة من اللابتوب وهو محاذي التلفزيون





    وهذي لك ياراعي ال52 بوصه - لايفوتك شي رهيب الصراحة
    كنك في البورصة والخط واااااااااضح









    أما الصوت كنت راح اطلب البطل اللي يطلع الحل
    بس قبل لاارسل الموضوع لقيت الحل صدفة

    حل بسيط

    في الفيستا ندخل control Panel
    عقب
    Sound

    ونختار SDPIF interface
    ,نضغط على Set Default
    مثل الصورة التالية







    وبكذا انتهت المشكلة
    صوت وصورة مايخروش الماية ( الصورة اوضح من اللابتوب والصوت كذلك )







    -------
    التعديل الأخير تم بواسطة PoBox ; 21-04-2008 الساعة 01:13 AM



    *
    *

  10. #10
    عضو مؤسس الصورة الرمزية رايق
    رقم العضوية
    11167
    تاريخ التسجيل
    Sep 2006
    الدولة
    Qatar
    المشاركات
    9,293





    ياخي انت


    تم حفظ الموضوع للرجوع اليه مستقبلا

صفحة 1 من 3 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •