المجموعة والخط مشغول

[alkaabi]

هههههههههه اعصابك اعصابك اخوي

وشفت شلون توهقت انت

نصيحه مني لك

ضبط ويا اكثر من مكتب

عشان تتسهل لك الامور

كل ما شفت حد عنده زحمه تقدر تروح للثاني وتمشي امورك

ولا تعتمد على المجموعه هاذي لوحدها

هلا انتعااااااش

المشكلة ياخوي انت تروح وتفتح حساب

وتحط فلوسك وتكون ستان باي

ماتقدر توزع فلوسك على كل الشركات

لا واذا عندك اسهم في البورصة

لازم تحولها على حدى شركات الوساطة

علشان يبيعون لك بسرعة

ومايقولك الاسهم في البورصة وراح نسحبها

ممكن تاخذ وقت هالعملية

وصادتني اكثر من مرة

[بنت قطر]

وبعد سالفة ان انت اذا شريت عن طريق شركة وساطه معينه اسهم
ما تقدر اتبيع إلا عن طريقهم
او انك اتحررهم واتسكر احسابك من عندهم
وتنزل الأسهم اللي شريتهم للسوق
أنا مره صارت لي كنت بابيع اسهم شريتها عن طريق شركة وساطه غير عن
الشركه الوساطه اللي كنت بابيع عن طريقها..
فما قدرت ابيع لين انزل الأسهم بالسوق بعدين ابيع عن طريق الشركه الأخر
اتحطها بالسوق علشان تقدر تتصرف فيها في اي شركه وساطه ثانيه

فسالفه كل مره اشتري اروح انزلهم السوق وما ادري شنو علشان ابيع

[نوكيا]

وأكبر قهر إذا كان طابور عند الشخص اللي يدخل أوامر البيع والشراء وفي النهاية يطنش للكل ويتم ربع ساعة يرد على جواله ربعه كلهم يدخلون اوامرهم قبل اللي واقف نص ساعه
الحركة ذي صارت لي
باقي لي شوي وأطلع الزلمه برى الكاونتر بكف
المشكله كل ماكثروا زباينهم تسوء خدمتهم
والنظام اللي ماشيين عليه هو اللي مخرب كل شي
لأنهم يفضلون أصحاب المليون وفوق بسبب أن تكون له نسبة من مبيعاته وعملياته تضاف لراتبه
يعني بيضيع وقته مع صغار المستثمرين وفليساتهم

[قطري]

حتى شكلهم عرفوني من كثر ما اتصل

ومن حطو الخدمه وهم نفسهم هالأثنين وحزات وقت الزحمه اتحصل ثالث معاهم بعد مب دايم يرد

هههههههههه
والله ضحكتني هذه الجملة
نفس الي يصير معاي

[محمد بن حمد]

ياخي هم طالبين موظفين يبون يزيدون الظاهر موظفينهم بس ما عينوا حد مناسب ..
خلت الدوحه الحين من الموظفين ما يندرى عنهم .

[مستثمر طموح]

المجموعة او اي شركةوساطة لا تعتمدون علي التلفون اذا عندك بيع او شراء روح خلصها بنفسك


لانة التلفون وقت الزحمة ينساك ولو حطو عشرة موظفين بعد ما يكفي اذا السوق منتعش مئات او

الالاف يتصلون بالوقت نفسة واللة متصل علي 4442288 انة من صباح اللة خير لين الظهر مشغول

بس اسال عن حال الاسعار

يفتحون لنا تدوال عن طريق النت يتحججون ممكن تصير مشاكل وتوصل للمحاكم بسبب النت

يعني اللحين المشاكل ما تستوي الا عندنا يوفروا الحماية الامنية والسلام

والسعودية والكويت عندهم نت وما سمعنا شي

[بنت قطر]

انا صراحه من راي ان يخلون المساهمين يقدرون يبعون ويشترون عن طريق النت
اسرع طريقه وكذا يخف الزحمه عليهم

[سوبر سهم]

والله النت ماراح ايسبب مشاكل

لان كل واحد بيتحمل مسؤولية خطائه

لو اخطاء

وماراح ينتظر حد


والاوردر بيتنفذ على السعر اللي يبيه

مب هذا قبلك وهذا عقبك

[المستثمر القطري]

لا يايبه الا عندهم 3 او 4 موضفين انا شايفهم قاعدين عالكاونتر

لا 10 ولا شي

[eXpert*]

المشكله كل ماكثروا زباينهم تسوء خدمتهم

في هاذي صدقت ياخوي الناس كلها تتطور الا شركات الوساطة ترجع ريوس احنا الحين داخلين على ثورة اقتصادية .

والنظام اللي ماشيين عليه هو اللي مخرب كل شي
لأنهم يفضلون أصحاب المليون وفوق بسبب أن تكون له نسبة من مبيعاته وعملياته تضاف لراتبه
يعني بيضيع وقته مع صغار المستثمرين وفليساتهم

دام انا احنا من أصحاب الملاليم شيبون فينا !!! ، خلها على ربك بس وان شاء الله مشروع الشراء والبيع عن طريق النت يشوف النور قريب ياااااااارب يا كررررريم .

انا تعاملي حمدلله مع الوطنيّ وعال العال .