النسخة النهائية من برنامج البث المباشر لسوق الدوحة

[bodaay]

الموضوع مب جديد .. بس حبيت اخلي كل شي في هالصفحة ارتب واحسن
هاي صورة من البرنامج الي الاخوان الانصاري وقطري للأبد ساعدوني فيه باقتراحاتهم الطيبة .. وغيرهم من الاعضاء .. اشكرهم كلهم

وهذا رابط البرنامج :
www.qatarsoul.net/QSv2.rar
البرنامج بس حق اجهزة البوكت بي سي.. ويندوز 2003 و 2005
والي عندهم نوكيا يسمحون لي اعترف ماعرف اسوي حق السيمبيان سيستمز
بس يقدرون يدخلون على الموقع المصمم حق الهواتف(جميعا من غير تحديد)
www.qatarsoul.net/dsm.html
واتمنى اني ماضطر اغير شي في هالنسخة من البرنامج وتكون شغالة 100%.. البرنامج فيه تحديث تلقائي كل 10 او 30 ثانية.. او دقيقة.. وتقدر تخلي التحديث يدوي.. بمجر التحديث الارقام كلها تتغير وتشوف آخر الاسعار.. وطبعا البيانات كلها مباشرة مباشرة من الموقع الرئيسي لسوق الدوحة .. واذا مب مصدقين جربوا في وقت التداول.. بتشوفون وقت التحديث بالدقيقة نفس الموقع الرئيسي .واول مايتغير شي في الموقع الرئيسي بتلقى انه نفس المدخل تغير عندك في التلفون اذا مستخدم التحديث التلقائي..
تكلفة الابديت من البرنامج.. يعني لو بحسبها على كيوتل.. 3 كيلوبايت في المرة.. وكيوتل الميجا بعشر ريالات.. يعني تقدر تسويت ابديت من البرنامج 333 مرة بعشر
وشكرا..
اخوكم الي يبي يفطر في الدوحة
بودعي

[Analyzer]

تسلم يمينك يابودعي ومشكور على الرد الأخير ولاتنسى تعطينا عنوان الصفحه ، وابشرك جربته على ال k-jam فظيع وعلى الpda2 فظيع وعلى ال jam الأسود فظيع والجاسجار افظع الجميع ،والحين عقب الأنتهاء من هذا الأنجاز ياريت من المشرفين التثبيت على الأقل تكريما لهذا المجهود الجبار

[QATAR4EVER]

ياخي انا مستغرب .. نفس فكرة البرنامج اللي انت عامله يباع في الدول الخليجيه الثانيه باسعار عاليه و رسوم سنويه .. و انت قاعد تقدم ابتكار مجانا و جماعتنا الله بالخير ...

عموما حبيبي .. برنامجك روعه و انا راح ارسلك رقمي على الخاص علشان نتناقش اكثر في البرنامج و اعزمك على غبقه اول ما توصل بالسلامه .. و نسحب اخونا الانصاري ويانا بعد

[QATAR4EVER]

بودعي .. ال interface اللي فوق قاعد احلم فيه ليل نهار .. و ألفت فيه قصايد

ما قلتولي رايكم فيه انت و اخوي الانصاري .. انا اشوفه يعطي تفاصيل المؤشر العام و قيمة و حجم التداول ..

و تحت تقدر تنتقل من شركه الى شركه بسرعه و تشوف جميع تفاصيلها في صفحه وحده ... انا رسمت التصور هذا بناء على صفحه للاسهم السعوديه على الانترنت ...

عموما .. اللي سويته ماعليه كلام .. بس بعد نطمع أنه يتطور اكثر ... تحياتي لك عزيزي

[bodaay]

تسلم يمينك يابودعي ومشكور على الرد الأخير ولاتنسى تعطينا عنوان الصفحه ، وابشرك جربته على ال k-jam فظيع وعلى الpda2 فظيع وعلى ال jam الأسود فظيع والجاسجار افظع الجميع ،والحين عقب الأنتهاء من هذا الأنجاز ياريت من المشرفين التثبيت على الأقل تكريما لهذا المجهود الجبار

ياخي انا مستغرب .. نفس فكرة البرنامج اللي انت عامله يباع في الدول الخليجيه الثانيه باسعار عاليه و رسوم سنويه .. و انت قاعد تقدم ابتكار مجانا و جماعتنا الله بالخير ...

عموما حبيبي .. برنامجك روعه و انا راح ارسلك رقمي على الخاص علشان نتناقش اكثر في البرنامج و اعزمك على غبقه اول ما توصل بالسلامه .. و نسحب اخونا الانصاري ويانا بعد

الله يعطيكم الف عافية .. والله ماقصرتوا معاي في ولا لحظة من التصميم وكل شي.. ومن غير مقترحاتكم ماكنت بسوي شي.. الموقع انشالله بكرة بشتغل عليه.. قاعد من الساعة وحدة فليل امس ولين الحين مواصل .. وبكرة جااااامعة للأسف ..
وعلى سالفةا لتثبيت.. الموضوع من العصر منزله.. ولا حد من المشرفين ثبته .. مع انه كذا واحد منهم كان موجود.. المهم مب مشكلة عندي الثبيت.. المهم انه الباقي يقرون الموضوع ويستفيدون منه ..وتبي الصج دايما يقولك في الدوحة الواحد يسوي الشي ولا حد يدري عنه :P .. وبعدين يقولون لك في الدوحة ماعندنا حد يسوي شي
اتمنى انكم على الأقل تنشرون الموقع والبرنامج بين ربعكم..وهالشي بيكفي انشالله
واتمنى.. وهالشي اتمناه دايما.. انه موقع الأسهم الرئيسي مايسكر علي الاكسز حق البيانات الي عندهم.. اخاف يدرون انه في موقع ثاني ولا في برنامج.. حد منهم يتفلسف ويقول بأي حق ياخذ البيانات من عندنا.. مع اني كاتب انه كل شي من عندهم .. وكل شي مجاني.. مافي اي فايدة مادية لي .. الا بالعكس قاعد ادفع قيمة السيرفر ..المفروض اصلا يدعمون البرنامج والموقع.. يعني على الأقل يحطون لنك او اي شي .. انه حق مستخدمين الهواتف.. بس من يسمع
واخوي قطر.. انا راجع الاثنين.. وبقعد 5 ايام.. انشالله لو ماصارت في رمضان تصير في العيد

اخوكم بودعي

[Analyzer]

ياخي انا مستغرب .. نفس فكرة البرنامج اللي انت عامله يباع في الدول الخليجيه الثانيه باسعار عاليه و رسوم سنويه .. و انت قاعد تقدم ابتكار مجانا و جماعتنا الله بالخير ...

عموما حبيبي .. برنامجك روعه و انا راح ارسلك رقمي على الخاص علشان نتناقش اكثر في البرنامج و اعزمك على غبقه اول ما توصل بالسلامه .. و نسحب اخونا الانصاري ويانا بعد

عاد شتغول اخوي الشكوه لله !!!!! وبخصوص الغبقه حاضرين

[bodaay]

بودعي .. ال interface اللي فوق قاعد احلم فيه ليل نهار .. و ألفت فيه قصايد

ما قلتولي رايكم فيه انت و اخوي الانصاري .. انا اشوفه يعطي تفاصيل المؤشر العام و قيمة و حجم التداول ..

و تحت تقدر تنتقل من شركه الى شركه بسرعه و تشوف جميع تفاصيلها في صفحه وحده ... انا رسمت التصور هذا بناء على صفحه للاسهم السعوديه على الانترنت ...

عموما .. اللي سويته ماعليه كلام .. بس بعد نطمع أنه يتطور اكثر ... تحياتي لك عزيزي

ماقصرت الشيخ..وانا شفت تصميمك..
شوف اخوي .. تصميمك احسن في عرض البيانات كلها في وقت واحد لشركة وحدة..احسن بوايد من تصميم الحالي.. بس خذت راي الأغلبية.. فضلوا انه كذا شركة على انه تكون شركة وحدة فيها كل شي
شوف هاي الاصدار الثاني للبرنامج.. الاصدار الثالث.. الي احتمال اسويه ( مب اكيد لين الحين) .. بيكون انه المستخدم يختار طريقة العرض.. ويختار البيانات الي يبي يشوفها.. ويختار كمن شركة فبي يعرض في نفس الوقت.. بس هالشي يبيله شغل اكثر .. مابقول بوايد.. الاساس نفسه.. بس باقي احول كل شي من نفس ماتقول معطيات ثابتة لين متغيرة في البرمجة..
وانشالله بكرة بحط عنوان الموقع حق البرنامج.. وحق اي نسخة جديدة تنزل..

اخوكم بودعي

اي نسيت شغلة.. حاولت اعرض الرسائل الخاصة.. قالي لازم عندي فوق ال 100 مشاركة

[بن شطان]

بيض الله ويجهك على ذي الانجاز

[سماري]

[b]اشكرك يارائع ولكن انا احاول اعمل برنامج اخر لمراقبة السهم بدل الجلسة الطويلة امام الشاشة اللي تكسر الرقبة وتجيب الدسك
ولكن كيف تدخل البرنامج علي داتا بيس البورصة ويقرأ بياناتها مع التحديث وشكرا[/b]

[Analyzer]

تصدقون جرت العاده ان المشرفين يردون عللى المواضيع وفعلا ردوا على هذا الموضوع قبل الأنتهاء والحين بعد الأنتهاء مافي حد رد ؟؟؟؟؟؟؟؟؟؟؟؟؟؟؟؟؟؟