كيوتل وأستعداد لمنافسه فودافون

[Qa6ar]

تستعد كيوتل للمنافسه بخصوص شركه فودافون ومن أمثله ذلك

اتصل لي البريد قبل اسبوعين وقال لك ظرف لازم تجي تستلمه يدويا او أنوصله لك وين ماكنت

او نوصله لك لأقرب بريد لك

قلت خير قالو ظرف خاص ويستلم شخصيا من قبلكم

قلت خير انشاءالله...

وصلوا الظرف الى اقرب بريد مني واستلمته أكتشفت

انه مختاريني من النخبه او العملاء المميزين لكيوتل... وحاطين لي رقم خاص اتصل به

اي وقت ان سارت لي اي مشكله مع كيوتل وأذا مب وقت دوام اتصل طبعا على 111

وأتكون الافضليه لي من اي تلفون بأسمي واكتشفت ان ارقام تلفوناتي الجواله اللي بأسمي

بس 18 جوال

واتصلت وعرفوا لي الخدمه وخدمه ياجماعه كأن تتصل لأحد يبي منك شيء مو انت اللي تبي

منه اي شكوى اي شيء اتصل ولا تتردد

انشاءالله يطرحون شركه ثالثه علشان كيوتل ترتقي بخدماتها اكثر

[hich]

كيوتل = توظيف أجانب
فودافون= توظيف أجانب من قلب

مالنا الا البريد العام=هو الوحيد الي يحب القطريين وان كان لا يحب ان يدفع لهم رواتب عدله

[واحد في حاله]

لاتنسى ال2000 دقيقه المجانيه

حركات النص كم ياكيوتل مب علينا

[khaldoon]

ان شاء الله انهم يستمرون في تحيبن خدماتهم

كفايه احتكارهم لنا كل هذه السنين وعقبال فك الاحتكار عن كل الشركات الخدماتيه


جزاك الله كل خير اخوي العزيز قطر

بس صحيح اخوي انت ايش تسوي ب 18 رقم جوال...انا عندي 2 وما استعمل الثاني ...الله يبارك لك فيهم

[سداوي&مدريدي]

والله فودافون خلتهم يتحركون شوي

يلا ترى احنا المستفيدين

وان شــاء الله انشوف خدمات افضل

[تاجر]

المشكله لو اتفقوا علينا الشركتين ..!!

منشار الله يذراكم بس ..

[بنت المنتدى]

السلام عليكم ورحمة الله وبركاته ،


أختاروا زوجي وعطوه رقم خاص وقالوا له اختار الخط اللي تبيه

ولما قال لي السالفه قلت له .. هههههههه خل يلعبون غيرها كيوتل طيبين جذي مايصير

[بوخالد911]

المشكله لو اتفقوا علينا الشركتين ..!!

منشار الله يذراكم بس ..

هلا

؛؛؛؛

لا تنسوون المجلس الأعلى للاتصالات وتكنولوجيا المعلومات بيقعد لهم عظم في البلعووم

مع التحية

؛؛؛؛

[الخيميائي]

قاعدة اقتصادية

التنافس يهبط بالاسعار للاسفل ولكن وفق الشروط الطبيعية وان انتفت الشروط الطبيعية فلا مانع من تشارك الكعكة

وان شاء الله نشوف خدمات احسن في المستقبل القريب

[حمود قطر]

أخووووووووي حتى انا اختاروني من ضمن النخبة ..

مادري بس حطولي 2000 دقيقة مجانية ( مكالمات محلية فقط ) ..

واكتشفت انه عندي ارقام واااااااااايد مادري من وين طلعت ..؟؟