المجموعه وطوابييييييير الشيكات

[المخلب]

السلام عليكم


طبعا البارحه بالليل رحت اركض ركيض مثل اي واحد من الشباب (( شباب وشياب قطر )) يبي يكون الاول علشان يخلص نفسه من الزحمه والمشاكل في المجموعه فاول مافتحت الساعه 8 ماشوف الا زحمه ابليس هناك طوابير لين الباب الرئيسي ! شسالفه ياجماعه يقولك نبي نصرف شيكاتنا علشان تعرفون في العيد راح تتقفل البورصه والمجموعه وهم سلمكم الله بيشوفون فلوسك قدامهم بقعدون بيتاجرون فيها لما تشغل البورصه (( بعد العيد )) فالعالم زحمه كل واحد يبي يسبق علشان يصرف الشيكات نسوان ورجاجيل فعلشان كذا قررروا المجموعه انهم يصرفون الشيكات للعملاء مو بس بالمجموعه نفسها الا تقدر تصرفه بفروعها علشان يخففون الزحمه والله المستعان .

وكل عام وانتوا بخير وعساكم من عواده

[بروكر عتيج]

هذي احنا كل حاجة نخليها لآخر لحظة ، ثياب العيد نفصلها في آخر رمضان ونتهاوش مع الخياط نبيه يجهزها قبل العيد ،
ليلة العيد الساعة 12 انتذكر الغترة والعقال واللي ناسي ياخذ له قحفية.
الفجر زحمة عند الحلاقين.

وقيس هذا على كل شئ!!!

الزحمة الناس هي اللي تسويها ، وتحط اللوم على غيرها ، يجماعة انتوا سبب مشاكلكم ؟؟؟

[KhalidQ]

ياخي اخذ الشيك ورح بنك الدوحة صوب السينما الخليج
مافية زحمة 10 دقيق وانت خالص

[Qatary]

والله انا لاصف في طابور ولا هم يحزنون .. اروح على سعه ثاني يوم وادخل الشيك في حسابي وموضوعي خالص ! ليش هالطوابير اللي مالها معنى !!

[alkaabi]

ياخي اخذ الشيك ورح بنك الدوحة صوب السينما الخليج
مافية زحمة 10 دقيق وانت خالص

هذا اللي نقوله من متى ..!!!

لكن الشباب مادري شفيهم الله يهديهم

يحبون الزحمة الظاهر

[غشيم]

الشيك المستعجل كم ياخذون عليه عمولة ؟

[السيليه]

صح كلام اخوى سنيك روح البنك الا عند السينمات مافى زحمه انا مجرب

[roadrunner]

انا مستغرب من هالمجموعة... ليش ما يفكونا من عوار الراس والزحمة ويحولون المبالغ على طول بحساب العميل ....


والله بيفكونا من اشياء وايد ... بيفكونا من الناس الي ما يعرفون يصفون بالطابور .. لالالا وتلقاه يدرعم ويدش على طول عند الكونتر ويسوي روحه ما يشوف الطابور .. وان قلت له لو سمحت رد يقول لك لا بس باسأل الرجال عن الشيك... او انه يتعيير عليك ويقول لك انا كنت بالطابور بس رحت شوي وتوني راجع.

[ولد المعاضيد]

الشيك المستعجل كم ياخذون عليه عمولة ؟

30 ريال

[بروكر عتيج]

الشيك المستعجل كم ياخذون عليه عمولة ؟

العمولة على الشيك المستعجل %0.25 ، ريالين ونص في الألف .
لأن المجموعة تدفع قيمة الشيك المستعجل من حسابها (يعني تقرض البائع) ، وتحصل المبلغ من الشاري بعد ثلاث ايام (مقاصة).