سويسرا في 2 1 يوم

[r07]

اذا باروح سويسرا لمدة 2 1 يوم ايش اهم ألأماكن والأسواق واماكن الترفيه للأطفال اللي الناس تروح لها ؟

[Chambray]

تروح سويسرا حق اسواق !
الاسواق خلها لامريكا وشرق آسيا
وخل سويسرا للطبيعه والشوكولاته

وسويسرا ماتنفع لاطفال إذا عندك اطفال

[سمو]

الله يسهل امورك اخوي

اذا كانت رحلتك بس 12 يوم خلها يومين ديفون جنب جنيف وبكتب لك اسماء الاسواق بس اتصل بأختي

وبرد عليك ,,واذا ودكم السوق العدل ممكن بعدها تروح بعد يومين لوقانو مدينه سويسريه وقريبه من ميلانو

الايطاليه تروحون تسوق لها من الصبح لين المساء ترجعون تنامون في لوقانو

بعدها انصحك تقضي المده المتبقيه في انترلكن حتى تونس الاطفال -الثلج على قمة جنقفرو-الزحليقة الصيفيه - قرية هايدي-الشلالات- واذا ودكم بالملاهي ممكن تروح من الصبح الى يوربا بارك في مدينة رست الالمانية تبعد ساعتين عن انترلكن ممكن اذا تبي تباتون او ترجعون
بس ملاحظة فنادقها دوم تكون فل اذا قررت احجز من الحين
- كل هذي الاماكن ممكن تروح لها وانت مستقر في انترلكن لانها مسافة ساعة تزيد او تنقص

وهذا ما يمنع انكم بتتسوقون شوكلاته مثل ما قال اخوي جاسم لين تقولون بس... ولا تنسونا من الشوكولا اقلها قولو الله يذكرهم بالخير

الله ييسر اموركم

[رجل شرقي]

عزيزي ، بالنسبه للتسوق ، هناك اوت لت فوكس تاون Fox Town ، الاول في لوقانو والثاني قريب من منترو ، وفيهما ما تريد ، واذا كنت تريد الاسواق صح تذهب الى ميلان والتي تبعد عن لوقانو 70 كيلو فقط ، وتبعد عن جينيف 3 ساعات . وخاصة حول ساحة الدومو . لن اقول لك اذهب الى اوت لت سيرفالي Serravalle Outlet ، ولكن ان ذهبت له فلن تندم .


رابط اوت لت فوكس تاون
http://www.foxtown.ch/



وهذي خريطه تبين ميلان والمدن القريبه منها




للاستزاده عليك بالدخول هذا الموضوع عن الاسواق في ميلان والفوكس تاون في سويسرا ( اضغط هنا )

وبالنسبة لسويسرا ( هنا اضغط )


اخوك/
رجل شرقي
قطر

[رايق]

رجل شرقي !!

يالله حيه .. وينك مختفي .. وحشتنا مواضيعك السياحية

الله على لوقانوا .. يوم كنت في المشروع في ميلان .. كنا نروح لها في الويك اندز .. طبيعه خياليه

[رجل شرقي]

رجل شرقي !!

يالله حيه .. وينك مختفي .. وحشتنا مواضيعك السياحية

الله على لوقانوا .. يوم كنت في المشروع في ميلان .. كنا نروح لها في الويك اندز .. طبيعه خياليه

هلا وغلا بحبيب القلب .. وينك ما ، ، لا تذكرني بالمشروع ، اذكر كل اسبوعين مسافر ، وين على ميلان ، من وين جاي من ميلان .. عسى ما شر ..!!
وين النيه هالسنه ،، والا الحسا زين ، ، موجود ، والدعوه للتواجد في المنتدى وجهت لي من هاجن داز ، حيث اخبرني برجعة بوابة السياحة والسفر ، حيث كنت اخبر انها الغيت ، كما ان حبيبنا وايز مان قال لي نزل حقات جديده على رحلته اللي ما خلصت ..

لوقانو السويسريه تجد فيها هذا



وهذا



رجل شرقي
قطر

[رايق]

يا عيني عليك ..

وش هالصور الروعه .. اللي تذكرني بالمناظر اللي في الحسا
لله ما اخذ .. ولله ما اعطى

المهم صدر امر ملكي بحضوركم الى المزرعه الويكند الجاي .. و لحد ينسى شبيهي

[Chambray]

رجل شرقي
انا زعلان عليك وايد
لا اتصال ولا غيره

ترى غيرت رقمي الفرنسي ، اعتقد اني ارسلت لك الجديد الي آخره 5000

[رجل شرقي]

يا عيني عليك ..

وش هالصور الروعه .. اللي تذكرني بالمناظر اللي في الحسا
لله ما اخذ .. ولله ما اعطى

المهم صدر امر ملكي بحضوركم الى المزرعه الويكند الجاي .. و لحد ينسى شبيهي

الجمعه الجايه رايح المغرب حبيب قلبي ، رحله عمل . ورايق الصغير راح يروح معكم بس عيونكم عليه .. يا رايق الكبير ولا يفوتك حلقناه اليوم ..!!

رجل شرقي
انا زعلان عليك وايد
لا اتصال ولا غيره

ترى غيرت رقمي الفرنسي ، اعتقد اني ارسلت لك الجديد الي آخره 5000

لك حق تزعل يا ابو محمد ، واسف على القصور .. وابشر بالاتصال باذن الله ،،

اخبار فرنسا والاجواء هناك ، ومتى جاي الدوحه باذن الله ؟

*
*
*

اقول خلوا هذا كله خربنا موضوع الرجال ..!!
اسمح لنا اخي / r07

[Chambray]

الجمعه الجايه رايح المغرب حبيب قلبي ، رحله عمل . ورايق الصغير راح يروح معكم بس عيونكم عليه .. يا رايق الكبير ولا يفوتك حلقناه اليوم ..!!



لك حق تزعل يا ابو محمد ، واسف على القصور .. وابشر بالاتصال باذن الله ،،

اخبار فرنسا والاجواء هناك ، ومتى جاي الدوحه باذن الله ؟

*
*
*

اقول خلوا هذا كله خربنا موضوع الرجال ..!!
اسمح لنا اخي / r07

والله في الرجعة مادري صراحة ، تصدق وحشتني الدوحة .. كم اسبوعين كنت في الدوحة اسبوع واحد بس ،، واحين جالس في فرنسا لين شهر سبتمبر تقريباً يعني ان شاء الله نرمض في الدوحة .
ودامك رايح المغرب يالشيخ مر علينا فرنسا ترى في رحلات من كازبلانكا إلى بوردو مباشرة وبملغ لايتجاوز ال 80 يورو