سؤال بخصوص طريقة الشراء

[qatar_moon]

السلام عليكم

ادري اني سندرتكم بالاسئله بس يالله استحملوني

مثل ماقلت لكم هذي اول مره بشتري فيها اسهم بنفسي بس على فكره انا من فتره كانت عندي اسهم وبعتها عن طريق المجموعه

والحين نجي للسؤال المهم

انا عن نفسي مابغي اروح المجموعه بس هل اقدر اعبي الاوراق واطرشها مع السايق

ولا لازم اروح بنفسي

طبعا لازم اعطيه شيك بالمبلغ صح

لاتضحكون علي ويالله ساعدوني لان الوقت يمر واليوم ابي اشتري

[سوبر سهم]

هلا اختي

اولا اذا عندج احساب في المجموعة في الحل بسيط
لكن اذا ماعندج لازم اتروحين عشان تفتحين او تبعثين حد يفتح لج ياه ويكون معاه البطاقة الشخصية

بالنسبة للشراء اذا عندهم المبلغ الامر بسيط بس اذا بتسوين ايداع
طبعا ايكون يا كاش او شيك

الشيك ايكون باسم المجموعه فا أبداً مش في صالحج ترسلينه مع السايق
لان يقدر يودعه باي حساب واذا انودع ماراح يرجع لج فاضمن لج اتروحين انتي.



بالنسبة لو تبين اتبيعين بس بتتصلين لهم من التلفون اللي مسجلته عندهم وتعطينهم رقم المساهم
وتعطينهم الامر


وبس

اي استفسار حاضرين

[إنتعاش]

عليكم السلام ورحمة الله


صبحكم الله بالخير


انزين يمكن يكون في حل اسهل وايد من هاي

اختي ما قلتي حسابج اصلا في اي بنك ؟

لأن يمكن بنكج يكون فاتح مكتب وساطه وتريحين راسج من السالفه اصلا

[qatar_moon]

حسابي في بنك قطر الوطني

مشكور اخوي انتعاش على الرد وانت ولله فيك الخير والله نورتني باشياء ماكنت اعرفها تسلم

[سوبر سهم]

اشدعوه تعبير ولو جبر خاطر

[qatar_moon]

ويييييه يالفضيحه ياسوبر سهم والله اسفه وحقك علي

والله مانتبهت اسفه ومشكوووووووووووووووووووووووووووووووووووووووووووووو وووووووووووووور

وتسلم ياشيخ الشباب

[إنتعاش]

مكتب الوساطه :


بنك قطر الوطني


تليفون : 4355220

فاكس : 4355330

ص.ب: 1000


التحويله : 735 – 734 – 733 -732

[qatar_moon]

اخوي انتعاش ماوضحت لي شو الطريقه الي اشتري فيها عن طريق بنك قطر الوطني

[roadrunner]

السلام عليكم.

أختي ... ارشح لج المجموعة ... سرعة في إنجاز المعاملات ... ومب لازم تمرين عليهم كلش .. اللهم اول مرة وقت فتح الحساب ... ومادري بالنسبه عن بنك قطر .. هل يصير وضع الأمر عن طريق التلفون لو لازم يتم تعبئة الفورم للبيع او الشراء ... لأن بالمجموعه الفورمات مالها داعي ... كلها رنة تلفون والطلبات تتنفذ

ولكم سلامي.

[قطري]

في بنك قطر الوطني حساب استثمار يتم ايداع مبلغ
لا يقل عن 100 الف ريال ويتم من خلاله التعامل عن طريق الهاتف
ملاحظة: لا تستطيع ان تشتري بقيمة الاسهم المباعة الا بعد مرور
3 ايام ويقولون ان في القريب العاجل سوف تلغى الـ3 ايام هذه.