ياليت تتقبلون كلام بصدر رحب
خذيت لفه على بعض مواضيع هالقسم واكتشفت ان البعض يسافر ويحط صور من البلد اللي راح لها دون ما يذكر اي معلومات عن رحلة السفر او اسماء الفنادق او شنهي الاجراءات في هالبلد او شنهي نصايحه عن هالبلد للي وده يسافر يعني ما يقدم اي معلومة ممكن تفيد الشخص اللي يفكر يسافر لهالبلد
صحيح الصور تدعم الموضوع لكن ثرى السفر مب تصوير وخلاص
نبي معلومات ونبي نصايح ونبي خلاصة هالسفرات بحيث الزائر لاي موضوع يلقى الفائدة والمتعة ويلقى اجابات كثيرة على الاسئلة اللي تدور في باله اذا ما فكر يسافر لهالبلد
اما اذا السالفه على الصور اعتقد غوغل مب مقصر وكبسة زر الواحد يقدر يجمع البومات مب صورة ولا ثنتين
اتمنى تتقبلون وجهة نظري لكن هذا اللي لاحظته وحبيت ابينه لكم واذا انا غلطان ياليت تنوروني