الى خبراء فرنســـــــا مع التحيـــــــة

[Chambray]

هلا الشيخ...شكرا على الرد السريع.....
يعني الجدول كالتالي:

من 23 مايو الى 10 يونيو: بوردو (مدينتك اللي بتعزمني فيها على مجبوس لحم صنع ايديك وحياة عينيك)...بس ماقلت لي ايش المميز اللي في هالمدينة؟

وسؤال آخر...كم تبعد هذي المدن تقريبا من باريس وكيف أقدر أوصل لها؟ مدن الشرق:مثل آنسي وشامونيه وبيغينيه وجرنوبل ماحولها

من 15 يونيو ورايح: نيس وكان

ابتداءا من يوليو ان شاء الله، سأبدأ جولتي الاوروبيه والتي ستشمل سويسرا وجنيف وميونيخ ..الخ الخ!

يعطيك الف عافيه واتمنى لك اجازة نهاية اسبوع سعيدة....

مابتنزل باريس هالويك اند عشان نعزمك على شاي مع نعناع في فوكيت

فيه سؤال مستعجل ولا عليك امر جاسم (بومحمد):

ناوي أروح لندن الويك اند الجاي وابي اشتري تذكرة القطار يورو ستار اليوم او بكره عشان تكون ارخص،سؤالي: أين أستطيع أن أشتري أرخص تذكرة باريس لندن باريس؟ وجدتها بموقع يوروستار اب 200يورو لكن السكرتيرة حذرتني من شراء التذكرة من الموقع لانه فيه BUG !!!!

هلا بالشيخ ، والله انا مدينتي تبعد عن بوردو 130 كيلو ..
إذا ودك في طبيعه عليك بمدينة آنسي ،، مو بعيده وايد عن باريس ..
بوردو تنفع حق يومين مو اكثر .. احلى مافيها الاوبرا والسنتخفيل ( السنتر )

بخصوص لندن والله ماعندي فكرة عن قطار اليوروستار ، لاني مارحت لندن من زماان او بالاصح مارحت لندن باليوروستار حتى الآن ..
لكن إذا تبي موقع مضمون عليك بهذا الموقع http://www.voyages-sncf.com/
هالموقع الاول في فرنسا لحجوزات القطارات والفنادق

وحياك الله في اي وقت

[Chambray]

انصحك تروح Annecy آنسي
http://maps.google.com/maps?f=d&hl=a...e=UTF8&t=p&z=7

5 ساعات بالسيارة
لكن بالقطار 4 ساعات وشوي
وتبدل قطار في ليون او في مدينة تسمى CHAMBERY



كما انصحك بالمدن القريبه منها مثل :
lausanne - لوزان
grenoble - كرنوبل او جرنوبل
وهي خيارات ايضاً ممتازة بالنسبة للطبيعه

بالتوفيق