القهر يا جماعة ان ان موضوع التقطير بين كفتيّ ميزان
ناس تبي تقطر وناس رافضه التقطير !!! شالسبب الله أعلم ؟
لو أنهم يبون مؤهلات وكفاءات ياخي افتحوا المجال للطلبه تكمل دراستها وارحموا من في الارض يرحمكم من في السماء ..
ليش حاطين الطلبة بين نارين أما المدينة التعليمية أو الدراسة في الخارج ؟؟
مثال بسيط : طلبة كلية شمال الاطلنطي في تزايد سنوياً ،، اللي يرغب يكمل دراسته لازم يسافر بره !! ليش جامعة قطر ما تتبناهم ويعادلون لو عدد الساعات المكتبسة مب شرط كلها على الاقل بعض منها ..
الشئ الثاني قبل لا أختم موضوعي الدراسة أون-لاين ليش ممنوعة عندنا وعلى القطري بالذات؟؟
اليوم جالس ويا شخص أوروبي يقولي أنه قريب بياخذ شهادة دبلوم الثالثة عقب كم شهر!!
(طبعاً ماخذ الشهادات في أكثر من تخصص يبي يضمن مستقبله )) !!
قلت له شلون ؟؟
قال لي :- انه من جاء الى قطر وهو يدرس أون-لاين !!
قلت له:- زين كل دبلوم يحتاج سنتين يعني الثلاث دبلومات يبيلها 6 سنين ،، وأنت ما صار لك الا 3 سنين !!!
رد وقال : شهادة الدبلوم أون-لاين تأخذها في سنة وحدة !!!
---------------------------------------------------------
ويوم أني سألت أحد المسؤولين عن الموضوع قال: أي عادي نقبلها له في الدوام
عش رجب ترى عجب
واذا هاذي اتجاهاتهم هذا وجهي اذا وصل التقطير لـ نسبة 50%