اسعد الله اوقاتكم بكل خير
اخواني اخواتي
جاني واحد عن طريق مكتب عقاري في الدوحه
وقال ان عنده اراضي بدون سند ملكيه صك والاراضي حق شيخ من الشيوخ والاراضي في الوكره
وهالشيخ يكتب لك كتاب تنازل عن الارض وهالمكتب العقاري يكون شاهد ويكون طرف رابع شاهد ايضا
اشتريت حول 30 قطعه ارض في الوكره ومساحه القطعه تقريبا 500 متر فيها على 30 الف ريال وفيه على 35 الف ريال وعلى 45 الف ريال
المهم تم العقد الي هو عباره عن ورقه مكتوب عليها بخط اليد
ان الشيخ فلان فلاني تنازلت عن قطعه الارض الواقعه في منطقه جنوب الوكره
لفلان الفلاني ومن هذا الكلام
وبعد فتره شفت في الجرائد ان الدوله اخذت هالاراضي وكانت ملك الدوله اصلا
يعني على مايقولون شريت سمك في بحر
المهم يوم شفت للاعلان اتصلت للمكتب ومافادني
واتصلت لمندوب الشيخ نفس الشىء مافادني
للعلم ان كذا شخص اشترى من نفس المكتب بس على الدنيا السلام
راحت فلوسنا هباء منثورا
وشرايكم؟
للعلم الكتاب الي من الشيخ يكون جاهز بدون حضوره !!!! بحضور مندوبه يقوووووووول انه مندوبه !!!