السلام عليكم
من خلال خبرتي أن هذا العمل غير قانوني
وعلى المدير الاتصال مباشرة بوزارة العمل وأبلاغها لاتخاذ الاجراءات القانونية ضد البنك
ولكم جزيل الشكر
|
السلام عليكم
من خلال خبرتي أن هذا العمل غير قانوني
وعلى المدير الاتصال مباشرة بوزارة العمل وأبلاغها لاتخاذ الاجراءات القانونية ضد البنك
ولكم جزيل الشكر
وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُواْ فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيرًا (16)(سورة الاسراء)
اتصل االعمل
ادارة القوى العاملة الوطنية
واسالهم وين مكان الشكوى ،،اكيد راح يوجهونك على الاقل كيف تشتكي او وين
وخلك ايجابي
*
*
هلا بو بوكسينقالمشاركة الأصلية كتبت بواسطة PoBoxing
اتصل االعمل
ادارة القوى العاملة الوطنية
واسالهم وين مكان الشكوى ،،اكيد راح يوجهونك على الاقل كيف تشتكي او وين
وخلك ايجابي
اصلا انا ماطرحت الموضوع الا علشان اعرف الجواب اول شي ومن ثم اشوف شنو الاجراء المناسب
وصح الله السانك يوم قلت خلك ايجابي , لان هذا التصرف الصحيح , وهو الايجابية , اي السعي الى ايجاد حل
مشكور اخوي بو بوكسينق
اسأل ادارة العمل.. عن مدى قانونية هالشي..
واذا طلعوا مخالفين.. خبرهم..
مع ان ادري مابيسوون شي بيلقون الف مخرج..
وخصوصا... البنوك مسنوده.. من اعضاء مجالس الادارات اللي هم صانعي القرار
القطرين شغالين , بس لاتعطية 5000 واتحكة 8 سعات والاجنبي اقل شي 12 الف احسب راتب مع بدل سكن والقطري راتب مقطوع من دون سكن ,اقول خلها على اللة
اشكرك اخوي على حسن تعاملك ... وهذا من طيب اصلك
لاكن ارجع واقول دايمن كلمه الحق تزعل وانت ماحبيت تحترم رائي .. فشي راجع لك
لاكن مهب انا اللي اتفلسف .. انت شوف واحكم اشلون صاير الوضع يعني في ذمتك مدير
بنك فاهم وعاقل ويتحدى نفسه ومدخل نفسه بمخاطر عشان بس يمشي شغل بنكه
ويوم تحدى القانون تحداه بأجانب مهب اقطريين
وانا ما اقول هالكلام علشان اعيب القطريين بالعكس هم على راسي وانا اولهم لاكن
اطلع كذابه لو قلت انه احنا نقدر نشتغل مثلهم .
واذا انت شايف نفسك احسن من الاجانب ياخي
قدم في البنك وفك اخوك من المخالفات اللي بتجيه من ورى هالموضوع
وشكرا
اختي انتي مب فاهمة شنو الموضوع اصلا
وقاعدة اتخيطين وتبيطين في موضوع ثاني
وهالرد اللي رديته تستاهلينه
يعني جاية منتدى قطري وتقولين القطريين مايشتغلون , اكيد بيصفقونج على راسج
وانا مايهمني يصفقونج على راسج ولا على اذنج , انا اهم شي عندي موضوعي مايتشتت , لاني انا في صوب وانتي في صوب
الموضوع عبارة عن سؤال قانوني , لان ادارة العمل تمنع اعطاء تصاريح لغير القطريين , هذا السؤال , مدى قانونية العمل عن طريق شركة اخرى , وانتي جاية تتفلسفين وتبين حد يرد على كلامج اللي ماله معنى في موضوعي , الموضوع مب عن القطريين يشتغلون ولا لا , انا سالت سؤال ثاني , واذا كانت عندج نقاط ثانية افتحي لها موضوع مستقل , مب اتجين وتخربين موضوعي , والشي الثاني اي كلمة الحق اللي اتزعل ,, اذا انتي قطرية وماتشتغلين فلاتشوفين القطريين كلهم نفسج , احنا ندري ان في قطرييين ويمكن تكونين منهم مايشتغلون ومشوهين سمعة القطريين في كل مكان , لكن في قطريين يشتغلون من احسن مايكون ووالله العظيم احسن من الاجانب , وهذا اللي خبرني قطري ابا عن جد , والكل يمدحه في البنك لانه يشتغل ابذمة وضمير ويقدر المسؤولية
طبعا انا طلعت عن الموضوع الحين علشان ارد على فلسفتج اللي مالها معنى
وارجع واقول لج طول ماانج قاعجة تتفلسفين لي وتطلعين برع الموضوع بتلاقين رد اقوى من هذا
وانتي كيفج
وعلى فكرة انتي ماعندج اصلا ثقة في نفسج , شنو اطلع كذابة لو قلت ان مانقدر نشتغل مثلهم؟؟
يبه عقدج طلعيها في موضوع ثاني يبه , انتي ماتعرفين تشتغلين شاسوي لج انا ؟؟
وبعدين اختي من قال ان اللي قال لي المخالفات عليه؟؟؟ وشلون اقدم علشان افكه من المخالفات؟؟
ومن قال لج انه مدير بنك؟؟ انا قلت مدير في البنك , يعني في فرق , لكن انتي ماتدرين شسالفة بصراحة ( وهاذي الصراحة اللي اتزعل فعلا)
انتي مب دارية وين الله قاطج وجاية تتكلمين بعد؟
التعديل الأخير تم بواسطة حبر سري ; 08-06-2008 الساعة 11:20 PM
مساك الله بالخير
الاجراء قانوني ومن خبرتي البسيطه في القطاع المصرفي وتسمى الخدمات المسانده ومطبقه في البنوك الوطنيه ايظا والهدف منها تقليق التكاليف وفي تعليمات صادره من مصرف قطر المركزي تنظم العملية .
فمان الله
ولا بُدَّ للمجتمع من ميلاد، ولا بُدَّ للميلاد من مَخاض، ولا بُدَّ للمَخاض من ألم، فمِن أجْلِك يا فَجْرَ الإسلام كم تَحْلُو في الدرب الآلام!
فلا تكونوا أحدَ رجلين: رجلٍ نام في النور، وآخرَ استيقظ في الظلام
لا..لا تَخَفْ على دين الله العظيم؛ فـ(لا يزال الله يَغرِس في هذا الدين غَرْساً يَسْتَعْمِلُهم في طاعته) ، وخَفْ على نفسك أَمِنَ الغَرْس أنت أم لا؟!
مساك الله بالنور والسرور اخوي
هذا اللي بغيت اعرفه
فمان الكريم الشيخ
ضوابط المشاركة
رد مع اقتباس
