عيب جديد في اللاندكروزر الجديد 2008 ( حصري )

[HORK]

صحيح اخ hork

كان عليهم يراعون الطقس ويفتحون اللمت بدون تحديد

شالمقصد من تحديد الدرجه ل 50 وهي حسب المواصفات الخليجيه

مع انها مستحيل توصل في الخليج الى -30

اها اهني المقصد انت فهتني

يمكن فيها يوم اجازه اذا راحت فوق الخمسين افهم

الله اعلم كل شيء جائز

[PoBox]

اخوي PoBoxing

من حقك اتعرف حقيقة درجة الحراره

نفرض انك في البر او البحر ودرجة الحرارة 55 او اكثر

طيب ليش الكلوزر ما يعطيك غير 50 درجة مئوية فقط

نفترض انك على خط وبتسافر والجو حار جدا شهر 8

حرارة العاليه فوق الخمسين كم تسوق الموتر وانت ما تعرف

درجة حرارة القار او الشارع ممكن تأمن انه خمسين فقط

وتدعس في الموتر بسرعة ما تستحملها التواير وهاي مثال واحد فقط

انا معاك
بس اصلا ان وصلت الحرارة 45 وفوق لازم الواحد يحاسب على نفسه
ومافرقت كثير عن 50 ولا 55
دام الحرارة طقت الحاجز
والله يحفظ الجميع على الطرقات

[راعي ال2008 الاسود]

مشكور اخوي على المعلومة

[هام السحاب]

مشكور أخوي على المعلومه

[ALRAYYAN]

ماشوف انه ذاك العيب ياخوي

كل واحد صار يتفنن في انه يطلع عيب في الكروزر الجديد

ولين الله اراد وخذه .. بيرجع يقول والله موتر وماعليه كلام

صدقوني ياجماعه طال الكلام او قصر عن الكروزر الجديد بيتم في القمه بين مواتر الدفع الرباعي

وبخصوص درجه الحراره من سنين وهم يخشونها عن الناس لين اوصلت 50 جات على هالكروزر المسكين

طبعا الكلام للكل .. حتى لي انا مو لصاحب الموضوع بالتحديد .. انت ع العين والراس اخوي

وعساك ع القوة

[HORK]

ماشوف انه ذاك العيب ياخوي

كل واحد صار يتفنن في انه يطلع عيب في الكروزر الجديد

ولين الله اراد وخذه .. بيرجع يقول والله موتر وماعليه كلام

صدقوني ياجماعه طال الكلام او قصر عن الكروزر الجديد بيتم في القمه بين مواتر الدفع الرباعي

وبخصوص درجه الحراره من سنين وهم يخشونها عن الناس لين اوصلت 50 جات على هالكروزر المسكين

طبعا الكلام للكل .. حتى لي انا مو لصاحب الموضوع بالتحديد .. انت ع العين والراس اخوي

وعساك ع القوة

اشكرك اخوي الغالي

واتفق معك

بس انا في نظري هاي عيب

لنه لو حراره كانت فوق الخمسين والله مابنعرف

وبنعتقد ان الحراره فقط خمسين

اخوي انا راعي مراسل وجهاز والشباب في مناطق قطر متحركين

بر وبحر ومدن وضواحي المدن وخلال دقيقه اقدر اعرف اكثر من

30 درجة حراره لمختلف مناطق قطر عبر الجهاز من مواتر الشباب

ويوم جات درجه الحرارة خمسين مثل ماهي في الصوره

صار في كلام وايد بهذا الموضوع والمتوقع عند الشباب

ان الحراره بتجيب اكثر من الخمسين الايام الجايه وهذا اكيد صحيح

بس الفكره ان لحد يعتمد على درجه الحرارة من الكلوزر

وهذا العيب كنا غافلين عنه في الماضي

وتنبيه في نفس الوقت

تقبل تحياتي

[فلفل حار]

انا معاك
بس اصلا ان وصلت الحرارة 45 وفوق لازم الواحد يحاسب على نفسه
ومافرقت كثير عن 50 ولا 55
دام الحرارة طقت الحاجز
والله يحفظ الجميع على الطرقات

هاي الكلام

[Smart]

كلام صحيح
100%
المفروض على الاقل يكون المقياس الى 60 او 70

[رقم مميز]

للعلم فقط

نزل درجتين على حرارت السياره

يعني بمقياس الحراره عند الارصده الجويه يقول 48 انت في موترك 50

يعني بالقطري الفصيح اذا درجت الحراره في موترك 50 اعرف ان درجه الحراره 48

وهذا للعلم انه غير دقيق والدليل اني اركب موتري اول مادق سلف 45 شوي الى هو 43 -44

وياليت ماحد يعلق على كلامي ليت يتاكد بنفسه

[Smart]

اعتقد عالميا لو درجة الحراره فوق 48 لازم يتوقف العمل