كم كان أول راتب حصلت عليه في حياتك ؟!

[ام علي1981]

ال راتب كان تقريبا 10000 وكان راتب ثلاث شهور واستلمته قبل العيد باسبوع
جزء منه عيدت فيه اولاد اخواني والباقي حججت فيه امي الغاليه كما كانت امنيتي قبل ان اشتغل
بس الحين الحدلله خالية شغل

[فلفل حار]

اول شي شكرا لك على هالموضوع الاكثر من رائع

بصراحة استمتعت بقراءة كل المشاركات

و بالنسبه لي اول راتب خذته كان في سنة 2003م و كان الراتب 2000 ريال كان راتب تشجيعي من الدولة للطلبه و نزلوه عقب 3 شهور يعني 6000 ريال

وكان احلى راتب

عطيت الوالده 1000 ريال و الوالد رفض انه ياخذ شي رحت شريت له ساعه و شريت لي تلفون جديد و عزمتهم على العشى و شريت حق خواتي هدايا و حتى الخدامات كان لهم نصيب بعد

بس ما اذكر كم اللي صفالي من ال 6000

لكن والله كانت ال 2000 ريال شي .. كانت تتم فترة طويلة معاي ومرات يزيد منها 1000 او 500 للشهر اللي عقب

ايااااااااااااااااااااام

و الحين ولله الحمد 14 الف و تكفي و تزيد ولله الحمد

الله يبارك للجميع في راتبه

و تذكروا ترى الصدقات تخلي بركه في الراتب

و الله يرزقنا الرزق الحلال يا رب

و شكرا لك يا صاحب الموضوع ذكرتنا بايام حلوة ما تنسي و لا تنمحي من الذاكرة ابدا

جزاج الله خير اختي

والله يا جماعه انصحكم تكفلون يتيم ، كلها الا 150 ريال خصم شهري ، ولا شي بالنسبه لنا تنعد عشى في تشيليز ، لكن لهم تنسحب اجر كبير عند الله ، وانت تختار ذكر او انثى او تخليهم هم يختارون لك ويطرشون لك معلومات وصور تكون دليل انه الشخص المكفول فعلا يتيم وعقب هو بنفسه بـ يكتب لك رسايل بـ خط يده يشكرك علي مساعدتك له والله تحس انك ملكت الدنيا علي مساعدتك القيمه لهم ، لي مايكمل اليتيم 18 سنه وعقب يخيرونك لو تبي تكفل شخص ثاني او تقطع ، وانا اقترح بعد تكملون

محد ينكر مشاغل الدنيا عن الدين للأسف وصارت قصورنا وايد علي الدين ، الواحد مايضمن عمره يمكن ترقد وماتفتح عينك الا في قبرك واضعف الايمان بـ تنفعك كفالتك لليتيم

الرسول عليه الصلاه والسلام قال ( انا وكافل اليتيم في الجنه )

محد خسران شي مرو علي الجمعيات الخيريه ياكثرها وكلها 5 دقايق من وقتك مع رقم حسابك وتوقيعك ، جزاكم الله خير

[almulla]

بصراحه انا اول ما اشتغلت حصلت راتب 30000

10000 عطيت امي

15000 اللاف عطيت اخوي عينيه في عرسه

و الباقي خليتهم لي

^_^

ماشاء الله

وين تشتغل اخوي ؟؟

هاي الراتب الأساسي لوكيل وزارة

وحسب ماسمعت ان المهندس ياخذ هالمعاش في بداياته

[بنت المنتدى]

آآآآآآآآآآخ على ايام الأول << عمرها 60

[jassim_007]

آآآآآآآآآآخ على ايام الأول << عمرها 60

اخبار يدتي