اتقولون ما عندكم فلوس !!!!!!!

[السد]

يا شباب الخير
مساكم الله بالخير
يا شباب انا استغرب من بعض الشباب
والموضة اللي ظهرت في اقتناء بعض السيارات الفارهة
واخرتها بعض الشباب ما يقدر يتزوج أو ما يقدر يكمل بنيان البيت
هل اصبح الشباب مجرد مظاهر على قوله المثل الشعبي ( زبره على بايق )
يعني قبل كم سنة محد يقدر يطلع رنج روفر والحين ( البزاريين ) اللي توه مخلص الدراسة مطلع لك
وين بيروح تفكير هذا الشباب اللي ما يخطط لمستقبلة
لا تقولون ما عندكم فلوس
بعض الشباب يطلع فراري ولمبيورجيني ولكزس ومرسيدس باسعار خيالية
واخرتها يقول فلوس ما عندي
شوفوا بعض محطات البترول اللي يرهنو البطاقات الشخصية ورخص السياقة
ويقولون بعض الشباب المهور غالية
البنيان ارتفع
لكن اذا زادت اسعار السيارات محد يتكلم عن الزيادة
قبل الكروزر 90000 الف ريال والحين 245000 الف ريال
وياخذها وبعد كم شهر باعها وخسر فيها

[وطن]

الله كريم

[بوحارب]

البنيان ارتفع

هذي النقطة حط تحتها 20000 خط



عالعموم اصابع يدك مب سوى والشباب مب كلهم نفس الشي

انا عن نفسي عندي جي96 وكامري 99

والأمور كلها على ما يرام والحمدلله على كل حااال


تسلم ع الموضوع المهم والله يهدي الشباب اللي يحبون الزبو

[الهاوي28]

هذي النقطة حط تحتها 20000 خط



عالعموم اصابع يدك مب سوى والشباب مب كلهم نفس الشي

انا عن نفسي عندي جي96 وكامري 99

والأمور كلها على ما يرام والحمدلله على كل حااال


تسلم ع الموضوع المهم والله يهدي الشباب اللي يحبون الزبو

انا بعد فقيروة عندي جي 97 وعلى قد الحال

بس حاجز سياره في الشركة وناطرها اتيي والفلوووس بارزه تنطرها

[jajassim]

شوفوا بعض محطات البترول اللي يرهنو البطاقات الشخصية ورخص السياقة

[بوحارب]

لا تستغرب

كنا انسويها قبل

[وطن]

لا تستغرب

كنا انسويها قبل

لاحول ولا قوة الا بالله

[بوخالد911]

لا تستغرب

كنا انسويها قبل

الحمدلله

ما قد سويتها


وال1 يمد ارجولة على قد الحافه

ولا انا بخاطري أشتري شغلات كثييرة ؛ بس مقتنع باللي عندي

[حمد57]

لا تستغرب

كنا انسويها قبل

والله انك طيب .... كنا انسويها قبل

للحين طالع عمرك ... انا ماتم وياي الا بطاقة البنك ومايبون ياخذنوها لان ما فيها صوره

[ANONYMOUS]

الخير موجود.. بس مب لدرجة انك تشتري بيت.,. ولا تبني بويت

ولا تتزوج بـ 300 الف + 200 الف تضبط لك ملحق ولا تشتري لك بويت صغير ب 3 ملايين

تلاقيه من القهر

يروح ياخذ له سياره محترمه يهدي اعصابه فيها

وترا الرنج ... راعيه